¹ Tolano - tolano nggalen, ei mesangge bubuluk hu ai na totonggon neu o,o talok. ² Leo mae ai mameda soba dok, sama leo ei bubuluk nana nakatotoak, nakamamaek nai Filipi, ai maena nambalanik nai Manetualain dalek soa tui bengga Manetualain halalin soa neu o, nai ita musu non laladan. ³ Hu ai nanolin tanimi pepekok mai taneme putapaik mai boema do neme manggalauk mai. ⁴ Te hu leo bek ndia Manetualain nahik ai soa halalin nananamahelek, leo ndiak ai mafada, ta soa neu namahoko hataholi te soa neu namahoko neu Manetualain. ⁵ Ai tamai no dedea kokolafufudik, leo ei bubuluk, do masapepekok ma manadalehedik Manetualain ndia ai sakasin. ⁶ Ai boe ta sangga kokoak neme hataholi mai, mae neme ei mai, do neme hatoli fe'ek mai, leo mae ai tao leo ndiak sama leo Lamatuak nadedenun ala. ⁷ Ai boe matudu susek neu ei sama leo inabonggik ko'o ifa anan. ⁸ Nai susuelalai ina huk soa neu o, ai mahik fe o takada Manetualain hihin te ai sodan boe hu ai sue ei. ⁹ Hu ei masaneda, tolano - tolano nggalein ai tao ues mbilu mbusek lele'do leodaek suek ai tatao nasambute ei nai ai tui mafada Manetualain halan soa neu o. ¹⁰ Ei ia manatuibengga, boe ma Manetualain, malalaok, ndoos, ma tanataosalak ai ma soda nai ei kamahelekala laladan. ¹¹ Sama leo ei bubuluk, ai manoli, kokoe, nadenu ei esa - esa, leo amak esa no anan. ¹² Suek ei masoda tungga Manetualain fo, mana nanggo o neni nusasodak dalek neu ma ndela sa'an na. ¹³ Ai boe moke makasi neu Manetualain hu dedeak ia, faik fo ei simbok Manetualain halan fo ei mamanenek nimi ai mai, ei simbon taneme halahataholik mai, te neme Manetualain halan mai fo na ue na ledi nai ei hataholi kamahelek. ¹⁴ Tolano - tolano, nggalein ei dadik neu hataholi- hatoli fo mana tungga salanik- salanik Manetualain nai Lamatuak fo manai Yudea, hu ei boe mameda mita to'a tak fo sama, neme o hataholin seluk mai, leo ala la'o ladi neme hataholi - hataholi Yahudi. ¹⁵ Ala tao lisa Lamatuak ma malangga inahukala, ala husi heni ai. Manetualain tana hi sala ala musu lo basa hataholilah. ¹⁶ Ala kena laka lele fo ai boso kokolak mia hataholi - hataholi ta Yahudila suek sila hambu sodak. Leo ndiak ala tao sala makadotok bali, te hu ndia de Manetualain niminasa de ana huku sala. Paulus Nahik na tonggoseluk no salanik manai Tesalonika ¹⁷ Tolano -tolano nggalein, hatematek ia ai makadodok neme ei mai tungga aombak, tano dulak ai mahik masale matak neu o. ¹⁸ Hu ai mahik mai neu o, au, Paulus, la'i hi'da ia so te hu nitu nikilele au, ¹⁹ Hu, se ndia namahena, namahokok, do solangga na senggik nai Lamatuak matan nai fai mamain? ei do ? ²⁰ Ei ndia be na malole ma ai mamahoko.