¹ La'e penatua, untukei Gayus noasayani, sanu u'asayani lilalongu sanu tutuu. ² Soungaago'e sanu u'asayani, lia'e mesusuyang bala li'oe papaila'a lilalongu bagiana'u so'ale, batanganome mesehat, selilio aime jiwaame teule mesehat. ³ Pa, li'oe masanange tutuu watu sosoungaange modua'e ma mebali sabi tentaange li'oe sanu tutuu, a'alaine li'oe tutuhu antage sanu tutuu. ⁴ Lia'e lauje adaange madandalane tutuu sanu ngiombangonye daripada mo'olongo onjo unga-unga'e melampa lilalongu sanu tutuu. ⁵ Soungaango'e sanu u'asayani, li'oe mesetia nogutu jojoo lilalongu usahaame untuke So-soungaange, sabii jimo too laupe nootoi. ⁶ Jimo nonyabii tentaange a'sayangoome li tolonu jemaat. li'oe mogutu sanu paila'e onjo monolonge jimo monarusa'e pelalampa kangkai cara sanu mo'ono kangkai Allah. ⁷ Pa, jimo nolampame lantarane Tope injoo'e, sabii lauje monarima bainuga la'e too-too sanu lauje momaracaya. ⁸ Lantarane injoo'a, li'ite haruse mondulu too-too selilio jimo bala li'ite mebali so'huane antage pelayanane sanu tutuu. DIOTREFES MAI DEMETRIUS ⁹ Lia'e nonulisome tulade untuke jemaat, tapi Dioterfes, sanu seilu mopo'ita ambo-ambo'onye li tatanganu jimo, labai seilunya monarima li'ame. ¹⁰ Lantarane injoo, onjo modua'a Lia'e, lia'a moma'ingate liio antage pepeihu'onye, sanu monudu li'ame kangkai gombo'e sanu majaa'e! Labai boi injoo, io teule labai seilunya monarima So-soungaange sanu modua'e ma molarange jimo sanu malani monarima So-soungaange injoo'e kangkai montania'e jimo la'e jemaat. ¹¹ Soungaango'e sanu u'asayani, inyaa noturu'a sanu majaa'e, tapi sanu paila'e. Too sanu mogutu sanu paila'e asalonye la'e Allah, tapi too sanu nongogutu majaa'e, laupe ne'e ito Allah. ¹² Jojoo too nonyabia'ome sanu paila'e tentaangei Demetrius, ma tutuu nonyabii aiyo'e. Li'ame teule no nonyabii, injopa notoimie onjo onjo ponyabimame tutuu. SALAME PENUTUP ¹³ Goote tutuu so'ale sanu malani u'tulisa'e kangkai'oe, tapi labai seila'a monulisa'omae kangkai'oe la'e polpeene ma nu dawa'e. ¹⁴ Ese-seilu'e meingkase mondua'i'oe injopa li'ite megombo'ane kangkai mesisiligane rupa. ¹⁵ Damai sejahtera antage'oe. Jejeiange liine noma'atu salame untuke'oe. Po'odua'e teule salamomame untuke soungaang