¹ La'e penatua, untuke siina sanu pinileange ma antage unga-unganye, ma labai boi lia'e, tapi jojoo too sanu mo'ootoi sanu tutuu, ² pa sanu tutuu momoia lilalongote ma sanu kangkai'ite seende-endenye. ³ Anugrah, a'sasayange, ma damai sejahtra la'e Allah Siama ma la'e Kristus Yesus, Nu Unga, kangkai li'ite lilalongu sanu tutuu ma sayange. HIDUPLAH SESUAI PERINTAH ALLAH ⁴ Lia'e massnange tutuu lantarane no'ootoi onjo ungaame bai sogaungonya tumuhu lilalongu sanu tutuu, Aime parintah sanu tinarimate la'e Siama. ⁵ A'alaine, u'pomongi kangkai'oe, Siina, labai aime lia'e nonulisa'e sounge parintah bou, tapi parintah sanu adaangome kangkai'ite la'e pamulanye, bala li'ite me'asayanange. ⁶ Injopa, injeinima sayange, onjo li'ite tumuhu monuru'e pomarinta-Nye. Injeina pomarinta injoo'e, selilio sanu ilongomime ulenge la'e pamulanye bala li'oe tumuhu lilalongonye. ⁷ Pa, goota too sala pikire adaangome li juniaa, Labai no'akuinu jimo onjoi Yesus injoo,e nu Kristus sanu modua'e lilalongu rupanu manusia. Jimome topo rusake ma antinu-Kristus. ⁸ Pongonja-njagai bala nuga sanu inusahamie labai meilang, tapi monarima tambo tutuunye. ⁹ Tunggalu too sanu melampa meluange ma lauje momoia lilalongu pongundeni Kristus, io labai adaange Allah. Tapi, bai o'iga sanu momoia lilalongu pongunde injoo'e adaange Siama aiyo'e teule Unga. ¹⁰ Onjo adaanga too sanu modua'e kangkai'oe ma labai nongkoni pongunde injeine, inyaa notarima liio lalongoma'e nu labongoome atau mombee salame bainuga. ¹¹ Pa, igaungopa sanu monyambute liio mongaade tilale lilalongu pokarajaange majaa'e too injoo'e. SALAME PONGOPUSONYE ¹² Goota sanu malani u'tulisa'omae kangkai'oe, tapi labai seilu'a mogutua'omae kangkai garatase ma dawa'e. Boi, lia'e moranua,e bala modua'e kangkai'oe ma megogombo'ane lansung mesisiligane rupa bala mohu'ea a'sasanangote. ¹³ Unga-unga la'e soungangoome bengkele sanu pinileange momeilua'e salaame antage 'oe.