Jo'man mo jimara ukur nuku, ¹ Mana garan neura nun ni kul jainok jaigamoli, ga'nikul nareila, i nanasa biki mo pigal Alatala u gatanmi. ² Ni'kulmi omintaui ai Eiodia waigal Sintike, manamo jimara murnuku te gal Pimam Alatala ugatanmi. ³ Ya' ni miaminataui nenuku netayal nokagamol gal mei-mei nuna gai ujaga baleta, gele siriwis sora palaman kamasinanga gamani gal naikol tanei ya gal Alatala gamo uko ga ulak ulol wai gal klemes genukunun tanei ganeinuna le Alatala gemara mialon misirikan. Nok gamol gamanamo Alatala gemanamiya, niwai mi'api nok gamol ga mita mimisa. Manamo emara balara poka mansi anam e nokamo gi gateki, Alatala ge suai le tapati. ⁴ Nok gamol gamano Yesus gemara mia. Niwai mi api nok gamolaga mita mimisa! ⁵ Manamo emara balara puka manamo anam upi gi gateki, Allahtala ge suai ge le tapati. ⁶ Tabela emara awar nanga ya nal kamasi nanga le omagi yo. Manle, beigal nalkarnuku egemayawa kologa ga Allattah ugapi gal akus apau wai nok gamoli ⁷ Allahtala genak bei gal eukarlik lakali ai ubali gal Yesus Kristus gemara mia. ⁸ Ge ugasokge neura nenao ma nun upi le dobu, uupi le nok gamol, uupi le taresi talol, uupi le nali masola, uupi le pilei nok gamol, uupi le taresi talola, uupi le pun gainok ga gamoli oganuku le ukar lei; ⁹ Nalle jele ugui ubanga jimiri, ji magi, gateki am nai, uupi galol gaman te, manmasi Alatala genok gegamo ga e garanagei. ¹⁰ Nikul Alatala genok gegamol migalaki, mante jiwai gawar galgei e ukar go napata. manle denanga, unui u banga, manle girin gonanga. ¹¹ Ni opo migalaki gap ni kalaba minanga,manlei nele niyak migayeu migapol nalen tantan so ni aten nanesa. ¹² Ninogataka nalen ganei kalaba, wai naitanei nelan laka nalen ganei kanap. Gal nalkarnuku nun nele uukar lei nalen kanapi gi naimalap lei gi nabet biki le sen kawar napuga manile ni sen kawar napu nanga. ¹³ Nalkarnuku nele galol gaman lei wai gal Alatala ge biki ge alora mo legalnei. ¹⁴ Manle jelenoka gamani esorapalaman galakio pi taresi barewi. ¹⁵ Pelipi wasi nun,tanei jenlaka ya injil ge agola ni gal ujapio, ya Mekadonia ni gatanio wai unuk tanei ge sora palaman waigal negawal nanga, gal ei, wai gal neinanga manle eweni. ¹⁶ Ni ya aban tesalonika miyao, jinal tasoi tawen gal nei o simona kadin nanga. ¹⁷ Manle ugui nal le omoga nigoyap nanga, manle isi ga nigoyap mo mi naban ge. ¹⁸ Nele uwau ukali, ge nelemiri, ya migalai. Ni mei mir le upigal negaranagei, ya ni usuk upak ya uwau ukal le gal netasoi ya mo jigal Efafroditus gei. Nal le gal netasoi ya mo gal e nalnogamola gei nal le enok gamol, ya Alatala ge'mara melinoka. ¹⁹ Allatala gi enalkarnuku gigal ei genamo ya ge bisa ge kawasa ya Yesus Kristus go ubeki. ²⁰ Nok gamol ya nemam Alatala gal ji migarani ya go ugasok. Kaipodi. ²¹ Namouko po gal anam le nali masola ugapi ya Yesus Kristus gemara mia, nok gamol niuguilei, nura nemam nun nyuganuk nyi wanapa. ²² Anam le noka gamol jitasoi, ya gainun le ler ge abanmi tanea. ²³ Nok gamola mo gal egarana gei ya go ugasoki. Kaipodi.