Yudas salam gal etasoi ¹ Yudas, Yesus ge pelayan, Yakobus ge ura, Yesus gareti gasama kadin nanga karena itu gamiri bagi Yesus Kristus ² kiranya nok gamol dan damai sejahtera gal jgebagian gei anam le salah gaman o Alatala gi gai ukan genamo. ³ Nura neman yang Yesus gai sayang, ni usaha surat alon gal ei tentang pi keselamatan, ni rasa perlu ni alon gal ei dan ni abanga mo i usaha noka-noka iman yang ni gal uwapi ya po wai mi nuk ya anam nan yang noka gamol ga upai atau Yesus lakisi anam nun yang kudus ⁴ sebab orang-orang tertentu le masuk mara mi bei tamo dan jen laka nanga, yaitu gainun yang sejak aten le tentukan untuk hukuman gei ge, anamle iman gapu nanga yang tawen-tawen anugerah alatala manamo ge kintuku Yesus Kristus wai anamlebata nabanu tanei mi gadomi ⁵ ni gal ujapi meskipun le jenlaka noka, bahwa Alatala le selamatkan ge umat dan Mesir man gai kasi keluar lei, manle Yesus gi gaman sampe gainun yang percayananga o men nou lei ⁶ Malaikat nun le sakan ge biki ge alora geluk ge paloi nanga ge bena ugaminan nanga, Alatala patger ya sel le biki alora takuna malokan gemara mia ukan sel ya ge balei mia ⁷ Sodom Gemora ga omonina wai aban nun le kawa u misa, ya ge gaman penennun am le tabura ga, go mita misa wai gi laknanesa le ga gu upanenui le ge dobu nuk go nanga. gi ya arsisera ga gegarana gei genamo ga gal ujapi ⁸ omonina mo ga gainun mo poi nekil ga gi upikir giak geisi gareti nanga, wai nal le noka gamol ge mo gou mala dua ⁹ Mikael Penghulu Malaikat be, setan gilei takawai nal ge garana, musa ge baran, gi buisar manggak gal migaran nanga, manle gi wan busari Alatalaen gegareimakal gal mi arani ¹⁰ manle anam nun napo gebotan nal-nal nunno gai tanei genlaka nanga wai genlaka gepun ge ukaran pun binanta yang ge ukar nun go nanga gai nal nunamo giya susah katan mitadeu sane ¹¹ susah katan ga gal gegarana gei ya gainun ya bai yetakal le Kain pernah gi galoli, gai bol gater anam le wasin kora ge tawena ya Bileam gamani wai gi binasa karena ge pemberontakan puen Korah ¹² Gainun napo gaman nal le nali gamol le gaman bitan makan ju ganuk minam akal manle gi ukar gomen nanga , ge diri kolo ga ugaminan gainun puwen anor anakana le ya anor pun suai nanga , sewal gobali goya gosuwai. Gainun puwen atei le ge ko gonanga, gei nanesa manle isi nanga ya gal ge ur getan mia mante iisi nanga manmasi ai ber, aitan ya gal e eri nun djewi. ¹³ Gai nuna mo puwen loka-loka tankaten nina ukiliwali wai gi gaman panen nuna mo lara manian ga gal gegarana gei. Gainun na mo puwen uberew nunnen silaka gayoka lol, takuna malokan gaam le gal gerana gei ya go uga soki ¹⁴ Gai anam nun po ga Henokh, adam ge mitayattaman ge ye saruku usaman, ugui, Alatala suai anam le nali masola tanei kul awei kadin nanga ¹⁵ Fasik anam nun gai ukan, manle ge gaman panen nun gal fasik geyetakal galol gamini, ya ge buisar ge manggak kul aruku anam le dosa tabela gaman gal pi Allatala mi garani ¹⁶ Gai anam nuna mo, anem le go diwan manle anam ge salah tabela goyap ge gekin baka pun gai nun gawa bata anam gai peras si laba goyap. AMIN. ¹⁷ Ne ura nemam ni jareti jisama, nal le Yesus ge Rasul-rasul nun galaki o ji noka-noka ugapuna te ¹⁸ Gele nal le tunlelan ge ogasok geo go le gal ujapi lei anam le genuku getayal gai ubuisar noka mo am le kintuku pun manle ge noka nuk gonanga ¹⁹ Gai nun na mo anam le taiken taigarak tapasi djunia gekintuku gegaloli wai kinsel gaiminanga ²⁰ Manle niyai nemam, nenan nenaga ni jainok jaigamoli iman kologa ilananasa, wai akus apoui mo Roh Kudus go aila isa ²¹ Ni yai ne ura nun ji yak nun u jaga u baleta ya gal Alatala ge rahmat Yesus Kristus gi to jaga ya go ugasoki ²² Nok gamol le gemaramia ya gainun le biki alora nanga, ²³ Nenan nun le arsiser minanasa pi taramai gal aku ugatani. ai le abangao gal ugendani e luk epaloi garan ge oumen, wai ge dosa tabela. ALATALA GAINOK GAIGAMOLI ²⁴ Baigal Alatala ge kuasa ge biki to jaga to baleta imui nanga ya nali masola mi anet apau mai be na nali masola mi atani tabela tabela ai minanga nok gamok gobata ²⁵ Alatala gaikola en pi Juruslamat gal Kristus Yesus pi Tuhan ge bata, ge nabanu, e nali emasola, yal balei man ya go ugasaki. Kaipodi you.