Pitu Maleketo ene Nanga-ndi Pitu Mboluro ¹ Yayo kuiceya tanda heka la karamba, ene nabokolo mono pa mangarahongo, pitu malekoto na ngandi pi- tu mboluro, lakandupuna, orona ene na pitu mboluro netula habolana Maramba Alla na pakandupuya. ² Menge, yayo kuiceya ene a wey'lyoro pakaninyongo namakeryongo api mono hediyo nandolli pakala dani -ka netu, kahallana, mono angkana ngarana, andende la hingi wey'myahi pakani-nyongo netu mono nakete- ngo kecapi Maramba Alla. ³ Ngara ene alodo nika a lo -do Muhha* atana Maram-ba Alla, mono lodona Ana Mbembe: "Bokolo mono pamangara-ho ngarakehe paghili-Mu, o Mori, Alla Na Nduka-mboto. Adilo mono naghene nga-rakehe a lara-Mu, o Tokko-na ngara kalanda tana. ⁴ Nggaranika nanjana kam -bohi lambara-Mu, o Mori mono njana paohaya a ngara-Mu? Torana, nduka nanika Yoyo-la ene na bihha. Ngarakehe kalanda tana eme na maiyo mono na ka-wodo lahadapa-Mu orona a adilo-Mu ndoli pahungayaka." ⁵ Lighiro ngarakehena aha-dana iyiya, yayo kuiceya Mbaito Alla ela huruga, ko-mbongo hakahinya Maram -ba Alla. ⁶ Pitu malekoto na ngandiya pitu mboluro ne-tu na loho wali Mbaito Alla, natayo kahihi na kakango mono na kabibako, mono nahapilongo halendo ndo-ka la kahangu ateda hediyo. ⁷ Hawuy'ni kapatona ruppa awoy'ni lambarada hapitu malekoto netu pituya ngga-la ndoka, mbanu habolana Maramba Alla, ene na mopi -ro lappa muriwali muriwa-li. ⁸ Mbaito Alla awoniko ni-ka maho api pohana Mara-mba Alla mono wali la ku-waha-Na; mono njango ha toy' wepyangungo nakole-ngo tamani Mbaito Alla ba nja'pandi hapitu mboluro wali napitu malekoto na pa -ndupu.