Papngheng mon pap ulu ¹ Ndoli njang naka toyo el wuhinyi susunindi el ndoli dadina elapdunda yicc, ² Mer ka a turroho pdoli pap dukina el mbaranda yicca wali L'toy yinowo ban hakhi langang mon lapdukini alibihh. ³ Ornk yayo mengeke baku knekeya mon baku hlindikoy wali akwungana, dik kuturoh wedingguniki atanggumu yoy secara berurutan, yoy Teofilus pap akang. ⁴ Tanaka yoyo pegheni ep dodahha engena tutuna ngarbak ep doli pak knekedangu. PDUKINYA LIY TUTUNA YOHANES PEMBAPTIS ⁵ Eban raja pongk a Herodes, a Raja Yudea, enyi lah toyo Imam el ngarango Zakharia el wali omona lak bokel Imam Abia. Arwenya wal enya el mburu dadin harun, angarana Elisabet. ⁶ Zakharia mono Elisabet didohiki to ghenne el matana Mori. a mopirod Diyo a montoyo ep takkina mori. ⁷ Tap dimok Diyo njang anada oronaka Elisabet al woto mon Diyo hek mblupdak. ⁸ Pahik pap duki wana tughona, Zakharia el ngalik pghili ngandiya linya el lah ndapan Bram Allah. ⁹ Ep nomtok pngandid H'imam, Zakharia apendeya montolrehi angara tanaka tam wongo el Ummana mori, mon tunu ukupan. ¹⁰ Pahika ukupan neb pah rakini, ngar kehebak atoy lahbang lak delek. ¹¹ Randangok, Malaikaton Mori ban phundwuna el mbarana Zakharia mon andende lakraha kwanana el mbara altar ukupan. ¹² Al iccehiki Malaikat tuaya, Zakharia lak ndadakak ihina mon hekbohinak. ¹³ Tap dimoko,a Malaikat lap neghe ngok elmbarana, "am kbohi wali Zakharia, oronaka hbayang pakremmi arongognik. Arwemmu, Elisabet, lap anangok an Lkede kbani tanggumu mon pngarini Yohanes. ¹⁴ Yoyo moko bersukacita mon al ndahabak a atimu, mon ndanga waddi toyo al nomtoyo bersukacita tutu ndadina. ¹⁵ Ndiya moko al lamtu eya al barana Mori mon jan inu anggur ato inum minuman keras lainnya. Bahkan, wal kabu ndolona amamana diya moko abanuni or Roh Kudus. ¹⁶ Ndiya moko lahbialin atoyo Israel al baran Mori, Bram Allada ndiya. ¹⁷ Diya moko al ulini Mori dengan roh mon kuahana Elia, 'tanaka lapdawadi a atida bap-bapa hbal hbialini al barana ah anad diya'. Diy waddi lah bal hbilini atoyo jan taat al barana hikmat atoyo al ghene. Dengan demikian,diya al persiapkan umat al papsedia dani Mori." ¹⁸ Zakharia lapneghengko al barana malaikat netu, "peneweguku yaya baku pegheni tutuna hal yiya? Ornak, yaya henenne kumblupukmon arweguna wanddi lamblupuk." ¹⁹ malaikat netu alwolhoko, "Yay duyaka Gabriel, malaikat al dede el barana Bram Allah. Yaya paptumbana Bram Allah tanaka pneghe deng wagu mon kuphangga waguni alinya al daha al baramu. ²⁰ tapdimoko, henenne rongobaka! Yoyo mok kbangaka mon inpekho pnegheng prapangoko alodo ketika hal-hal yiya aldadi ornak yoyo inwanipaptakkigu, aldadi pahi atutunna." ²¹ Hewalinaka netu,aumat almaganikki Zakharia. Diyo akleerniki pene Zakharia bban engndodonna nella Bait Allah. ²² Henyaka banloho, Zakharia janngoleka pneghengo albarada diyo. diwaddi appeghniki bahwa Zakharia ngolekko amnurra al barana Bait Allah ornak diya engnaka banwongo isyarat albarada diya, tapdimokko janngolko pneghe. ²³ lamdekka bantugas keimamannya elmengeke,albalika Zakharia al umana. ²⁴ mengeka pristiwa netu, Elisabet lapkabukka mon al buniwunaka prapanga limwulla. Diya lapneghengok, ²⁵ "yididuyaka papdahana Mori al baragu. Diya lak haragaka mon ophiganki an dohogu wali ngarkehe at toyo." Takiya atutuna Yesus Kristus ²⁶ Nom wullanaka Elisabet ban ndalli wulla, Mori lap tumbonik a Malaikat Gabriel otul kota el wilayah Galilea el ngaranga Nazaret, ²⁷ Ap tumboni la tobbokoya al ked minya el tunangan engenyi akbani el ngarang Yusuf, mburu dadina Daud. a ngaran enal ked minya tuaya Maria. ²⁸ Menge, a Malaikat tuaya al outnik el mbarana Maria mon wenak, '' Hlamat, he yoy pah Berkati! Mori eng lolo danggu.'' ²⁹ Ban rongoy a ta apneghengo, lam ngorhok. Lap negh ati dolngok a tutuna ihina ah hlamat. ³⁰ Lap neghngok a Malaikat el mbarana,'' Amkbohi wiali, Maria,Ornak Mori al wongguni a karunian el mbaramu. ³¹ Mon Rong, yoyo mupkambu mon mupa anani al kede kbani, Mon mupngarani Yesus. ³² Diya lakbalingok Bokolo Mon a takkinik Ana Mbramba Allah el hek mdetena p'donna. Mori Alla h al Wona-Ni ep donna Daud, a ambu nuhi-Nya. ³³ Diya lap rethiki eh mburu dadid Yakub Tangguna murwiali-murwiali mon Akwahana njan ndukong.'' ³⁴ Mengeke,Maria lapneghengoko al barana malaikat anetu, "penewen hit ban ndamok mon yayo japngokko laghigu?" ³⁵ Malaikat atanetu alwolohyak mon lapnenghengoko al brana, "Roh kudus emini albaramu mon kuwahana Bram Allah Yang Mahatinggi pdudolomu.Diduya orona,al kedde pap ananan netu diduyaka kudus mono diduyaka paptakina Ana Bram Allah. ³⁶ Mon, peghe banki bahwa Elisabet, a lol ledumu, tenggro pkambuna al umro blupun. Di atu atakkini wot, hanenne lap kambuka nom wullanak. ³⁷ Ornak, njang al Mustahil tangguna Mori.'' ³⁸ Mon a Maria lap neghe ngok, '' al hepind panguna yaya hambanangga Mor. el dadibak ak mbaranggu danang heng taptakkimu.'' mal wengk ta anetu amdalnik Malaikat. MARIA LADUKINIKI ELISABET ³⁹ Enna loddona , Maria lah dika otu wongo el penggunungan, el kota Yudea. ⁴⁰ Al tamaka el ummana Zakharia mon al wonik hlamat a Elisabet. ⁴¹ Ketika a Elisabet ban Rongoya salam walil Maria, al kede el kambu dolona laklodokok mon a Elisabet apanunik Roh Kudus. ⁴² Meng a Elisabet el Berseru, ''A Berkatibangguk el antara hwarcoy, mon aberkati amohum. ⁴³ Nggaramgga yay prapang ena inya Mori Allah nggu emni el mbaranggu? ⁴⁴ Hepinjana, ketika ak poklimmu ban duki el roktilunggu, al kede al enni al kambu dolonggu lakloduoko ndah ati. ⁴⁵ lamnggolor bak Diya lamwangia payak pap takkin Mori al mbarana lah pahin.'' ALODONA MARIA TANGGUNA MORI ⁴⁶ mengeke,Maria lap neghengok, "adewegu lap egeka Bram Allah, ⁴⁷ mono Rohogu egedeteka lam Bram Allah, ajuru slamtugu. ⁴⁸ Orna, Mramba Allah al baghiya hambana el njan tukkaya Mbramba Allah. Rongobaka, muley hanene ngarbak eh mburu dadi a takkinggak engge. ⁴⁹ ornak Diya elak wah ngarkeheya ndoli pdah ngarkehenanki el bokol el mbaranggu, mon al Bihhabak angara-Na ⁵⁰ Mon hpeghena lak rohi pand krohika eh toy akbohin nDiy. ⁵¹ Diya lap hundoniki akwahana epap ndahana limia-Na. Diya lap heghiki a toyo al lende ap ngadana mon el atina. ⁵² Diya lah mburunik a toyo lak waha wali altahtada, mon lap deteya a toyo lak tappa ati. ⁵³ Diya lah bahhuhi a toy lak lamba mon el ndaha, mon al yoghorhik a toy al roto bali wiong njang. ⁵⁴ Bram Allah mengek ban woni tul gatiniki al brana Israel, atana, ornaka ban apiya apamnoworo. ⁵⁵ pirhenyak etwanetu eppap neghenaka al barana ambu nuhinda yicca,al barana Abraham mon al lolodadina tana murwiali-murwiali." ⁵⁶ mono, Maria alododengeniki el umana Elisabet lap aganga tallu wulla amdenya. Adadina Yohanis Pembaptis ⁵⁷ henenen pahika al lodona Elisabet tutu ka al lodona paploh wana mon el dadika al kede kabani. ⁵⁸ ngarkehe olbar ummongo mono ploledengo rongo bahwa Mori mengeke ban phudoni amnowrono al bokolo albarana Elisabet,mon diyo ole waddingoko ege ati dengedi diya. ⁵⁹ pahika ban padpot lodona,diya emidiki misunat toyo aanadaa.menge diya atakiniki ngarana Zakharia, mon mereka angarana abapana. ⁶⁰ tapdimok ko, amamana eltakiya, "jodo, diyo pngarni Yahanes." ⁶¹ ngar kehe at toyo anetu takinanki Elisabet, " jamempangungo bah toyo wal loledemu almere angaranetu." ⁶² mengetaanetu, diyo awoniki isyarat barana Zakharia tanaka aklerwani,ngarpayaka pahbenyaka takkini ngarana aanan. ⁶³ Zakharia lakrehka kpaballo pturhowongo, mono turohoko: "ngarana Yohanes." mono ngarkehe at toyo lamngorhok. ⁶⁴ Prapongoko taetu, lambunggerka aghobana zakharia mon alamana biahak ban pegheng. Diyo bebhoko ban pneghengo mon ege detaya ban Bram Allah. ⁶⁵ Ngarkehe baka ol bar umana akbohi dengeniki mon dadika ahenya taetu moko angarpneghe wanki ngarkekebaka adehe perbukitan Yudea. ⁶⁶ Mon ngarra toyo rongoyaka ngarkedkono taanetu maka aklerniki al ati dolod, "payaka papdadkinya nama yil alkede?" Ornak, limana Mori Tulu gatini. Zakharia lap ege detaka Bram Allah ⁶⁷ Zakharia, bapanna Yohanes, diwandi ambanuwadiniki rohkudus mono bernubuat paptakida, ⁶⁸ "Engdetbak Mori Bram Allah Israel ornak diya melawat toko mon menebusoko umatnya. ⁶⁹ Diya mengeka lapkedeyaka akadu homopir wadayica wali wuwalalna Daud, aatana, ⁷⁰ meredokka al diya paptakina alinya takina Mori nap lietniki alngobada Nabi-Nabi al kudus walhitu yinowo ⁷¹ tanak yicca apahlamatondo walli lamuhuda yicca, mon wallimana ngarkehe atoyo al muhunda yicca. ⁷² Diyo lapdahayaka tanaka lap iccawani amnoworono al barana ambu nuhidayicca, mon ornak diyo ban apiya lih balina al kudus, ⁷³ Didoyaka ahoro paptakina albarada ambunuhid dayicca, Abraham, ⁷⁴ Tanaka yicca ahbebah handa wallimada muhud yicca tanak yicca ngol wongo melayani-Nya jangako rah kbohi, ⁷⁵ al kuduson mon alghenene al barana walmopirrod yicca. ⁷⁶ mon yoyo, ananggu, at takiguu Nabi Bram Allah ol rehi mdete, ornak yoyo muh lok ulniki Mori, tanaka hdiwani lara taguna. ⁷⁷ tanaka wowani peghe tutuna amopiro al barana umtono pliniki eldikdarada aldohoda diyo. ⁷⁸ ornaka rahmat mono panoworono Bram Allah dayicca, am gohokon am matlodo apamgohkon yicca walli lap donna lam dete ⁷⁹ tanaka pam gohok wani diya al londo ellak pandu mon nel eni ninyonona aneraka, tanaka dagawadda witinda yicca larada am bringi blala." ⁸⁰ Maka, anan anetu nam tuu - tuka prapanga ban pgahi alroh. Diya el lodo ko el brad diela prap pongo ban pahi alodono tanaka lap ich wani apol tonna albarana bangsa Israel.