¹ Wal Yudas, pelayan Bram Yesus Kristus* mon dnung kabun Yakobus, el barada diyo epah pili mon epamnowron Allah Bapa, mon epakkraghan Bram Yesus Kristus. ² Pirhennya amnowron, damai sejahtran, mon amnowwor bannu el baramu. ³ Bmuk loledgim epamnowrung, tenggeren yaya bmuk berusaha langtakka turoho el baramu tutuna mopir bring jewa yicca ngarkehe, yaya bmuk rahaya bengga turoho el baramu mon kukrenggu tanaka yoyo berjuangin tanguna imanum epapduki mmihiongo prapongo em el barada atoyo el kudus*. ⁴ Ornak, toyo mengeka bma kedu mon ja rahaya, yaitu diyo sejak hitu mengeka bma tentukan memin tanguna hukum, toyo el jango imanon el lapphalpliyaka mopir jango walina epap wonna Bram Allah yicca tangumananki mengemniki el jan dahha mon tolak mayak wupini lakwuaha mon Morida yicca, Bram Yesus Kristus. ⁵ Yaya kubengga apung yoyo meskipun yoyo mengeka bmu penggarkeheni, bahwa Miori mengeka bman hlamotoy umatOn walli tana mesir, tadimoko Diya lapbinasihik atoyo el jan wani. ⁶ Mon, malekat malekato el wango payak pakwuahad diyo, melainkan amdalnik pdomiemed diyo, mengeka Diya bman ptanaya wango rantai manwuna Diya el barana akpandu el rehi kpandu tanguna penghakiman pahi lod bakolo neme. ⁷ Merwejokka Sodom* mon Gomora* mengwedni kota kota el sekitar nen, el pahdukamoko poltonna el barana doho seksual mon ngehemunki pahbennya el jan pgenenge, mengeka bman tanguni hukuman api bionoh. ⁸ Merwejokka anetu ahtoyo yiyo, andoloy amangnipid diyo, ap eranik poltodna, atolakayak akwuahan, mon hinay ngarkeheya el mulia. ⁹ Mikhael sang penghulu malekat,tengger mbanggabani ambrapu* tutuna akmatin Musa*, ja brani bma pnegheng kata kata hujatan el barana, melainkan appneghe pimngok, '' Pirhennya Miori abanung yoyo!'' ¹⁰ Tapdimoko, topakleneng yiyo el takiyak hennya netu ejapahpeghed, epah penghed diyo wamngok pgadmangwuadna, merko hrango el janga pgaddana. Orna yiyo diyo ap pruhayak. ¹¹ Nghenebngok indahha diyo! Diyo mengeka bman nomtoy laran kain, mon wolowani indahha epappdahana Biliem, mon haliolek or phahanani el jan nghen meryak Korah. ¹² Diyo yiyo merko noda perjamuan mnowrumu, el tukongo muenggegu mon jan rah kbohin, mon uroh knehemoyak polto knehen. Diyo merko kram weurra jan ngand urra, epap poghi pringi la ot miama. Diyo merko pungkhaya el jan wuyo pahi pahwuwana, mat pdungo, mon rabikaka prapongo amuna. ¹³ Diyo merko webannu ellapghahhi langtakka, el hahilngok indahha diyo kneheng. Diyo merko pdunna el lamgheler, el tanguni akpandu el lakpandu langtakka epah meng mahndiya tang krohina. ¹⁴ Tut wedina toyo toyo yiyo didiyaka Henokh, keturan ketujuh walli Adam, pappdaha,'' icebaka, Miori emni brengeni piriata toyo ol kuduson, ¹⁵ tanguna ahklokon penghakiman ngarkehe toyo; alhukmin ngarkehe toyo el jan wani Diya ngarkehe etu pappdaha jan dahha, mon ngarkehe apnegheng etu jan dahha epah mengena plakuya etu toyo berdoho el jan wani Bram Allah." ¹⁶ Diyo didiyaka toyo mung benngo pmilwuna, mung lakdaba dabba el hala, mon mung nomo nomtoy hada pannu tanan diyo kneheng; diyo ngarkehe mang ghobba bokolod mon mung kdabaka toyo pdu utuwuana. ¹⁷ Bmuk loledgimmi epamnowrunggu, yoyo inglangtakaya payak epah mengeda takiya rasul rasul* Miori yicca, ''pahi loddona akhir jaman, neme emngo toyo el nompimoko in dahana pannu tana.'' ¹⁹ Diyo didiyaka toyo el lappdahha pdomhegerwongo, mon itoyka indahhana pannu tana, mon jangok Roh*. ²⁰ Tapdimoko, yoyo, bmuk loledgimmi epamnowrunggu, pkedmangwudmuiki poltommu el pan imanmu el jan kdirioko mon babngoko wango Roh Kudus*. ²¹ Krabaka poltommu el barana amnowron Bram Allah sambil bmu muangin rahmaton Miorin yicca,Bram Yesus Kristus, el lapdukida prapongo mopir bringi jewa. ²² Dobaniki mil ati tangu diyo ragu, ²³ Pahlamatbahki toyo hieka mon krebahki diyo wal eiya api. el barada lahwadtonggo, pakharapdanki amnowro bolongo kbohi, mon mubanki hakrewed diyo epah mengeda tandi indahana pannu tana. ²⁴ Tangun Diya, el bannu kwuaha el dangung mon in knabu mon mon lapdadigu yoyo mon in knirioko el lahdapana takhta kemuliaan-Nya wango sukacita bokolo. ²⁵ Didiya Bram Allah wupini, juruselamaton yicca, plinnyi Kristus Yesus, Miorin yicca, kemuliaan, keagungan, apghahhi mon akwuaha wal iatu prapongo hanenne, prapongo morwiali morwiali. Amin*.