Huroton Paulus El Jemaat Efesus Salam Wali Paulus ¹ Wali Paulus, rasul bram Yesus Kristus ap ghahina Bramba Allah. Mengnge toyo bringi mlala el Efesus, toyo beriman barana Yesus Kristus. ² In paghahi meng wumunni wali bramba Allah bapanda yicca meng bram Yesus Kristus. ³ Kub enggeyo bram Allah mon bapan wali yicca Tuhan Kristus Yesus, mengnge takkidanni yicca papwonna lapdoya Surgawi. ⁴ Meng, Diya apedak yicca Kristus eb njan dadi pongo pannu tanna meng yicca dadiko Kudus mon indi hala elahdapan pawonna. ⁵ Meng engdiko yicca wali atuko ahkotayakka meng eldadiko Anan wali lak Kristus Yesus montoko pahben-Nya. ⁶ Meng lapdahayo mon lahbayangniki pap wonna, wali lapghahini meng mere dumoko el baradda yicca meng el Anan papwonna. ⁷ Meng Diyo, ngaliko lohhong wali el ruttana, mengnge langgaroko yicca hahmereniki arotonno mon apghahini, ⁸ Meng Mori wobuagamak yamma pgahahi, mon tanna peghe wongo. ⁹ Meng el takkiyak el yicca njanfalin apghahina mon hmereniki el ndaha meng apngadana walli Kristus, ¹⁰ Meng pahlokonna meng radangok banbannu mon lahbolo ngarkehenge pailiomok wali Kristus, anni surga allanni pantana. ¹¹ Wali lakristus, mengwaddi yicca awidingi tagunda. Engdika walli atu kuhmereniki pap ngadanggu meng el paknekonggaka ngarkehe papwonna. ¹² Meng yicca el ulu engdiko tagum ap ngadagu elbarana Kristus meng eldadi alodo. Meng kemuliaan-Nya. ¹³ Meng diya, mengwaddi yoyo mon mrongoya bihhaNa mon el ghene, meng Injil pah mopir wamu, walangtakani albarana, Diya dimatarai roh bihamu mon pap rahingo. ¹⁴ Bihha pap wommu tagum yamma, al dukiko penebusan tagunda yicca meng dudikki apdonna bramba Allah meng lodon bihana. ¹⁵ Mengeke tuaya, mon yaya bak ronghoya bihhana wali bramba Yesus meng pap wongarkehena toyo njangio mnihi, ¹⁶ Yaya njakku mhuha bakk takkigim tagum mon yaya kub ngadanggu yoyo mon lahbaingunggu yoyo. ¹⁷ Yaya kuhbayangnga mon Bramba Allah walli yicca, bram Yesus Kristus, mbapanda mon bihhana, wongga roh bihhana, pamnoworono mon peghin tutun Diya. ¹⁸ Yaya kuhbayangoko meng amata mon ati tanlam gohokwongo meng yoyo ngali wongo neb peghin apngadang lahbolo wongo pakwulana, arotono lahbolongoko mon walli taguna walli omono toyo njangio mnihi, ¹⁹ Meng abghahina el bokolo njan dadi aukuroyo meng yicca el wani, penwenaka papdodokko wali albokolo apghahini. ²⁰ El bokolo ap ghahina adodokyak pahidiyo mon hmopiryo Kristus wali el tomati meng alodo diya lahbiali kwanan el lapdonna Sorgawi, ²¹ Ella broyyo mon lamdeta mon ngarkehe preten pakwahan, mon pghahina, pemrenta, el rahi mdeta mon ngarkehe ngara etulwani, indidimok hanenen, engdiko eme el emin. ²² Al hibbaya payak el wani woyak poltonna mon dadiko kpala ngarkehebakka jemaat, ²³ Mengnge poltonna, gebdobanuna wali omo ngarkehena.