¹ Habingko, yaya bangio yoyo peghini penwena boton mon pghani mon yaya kublakuya el yoyo, mon diyo anni Laodikia, mon ngara toyo el njan wuperna pong tobokoya ruponggu. ² Tutunggu tanaka atin diyo pomaya mon pahwuni pamnoworon dimokdiya tarani ngara roto pwalina wali kraghaya mon peghini wali rahini bramba Allah, didoku Kristus kneheng. ³ Doudulo diyo, bhbunini ngara roto wali peghe pngaddana. ⁴ Yaya paptakinggu yiyo njiawan go angngi toyo mon buelet pgabani mon rongngo altama bapngadani. ⁵ Meng, hawiddibngoko poltomu alinggu njan anni lamrenggu, mon yaya lamrengenggu barana bihhana, mon yaya ndaha ati iccenggu haddamu el ndaha dende, atiwamu barana Kristus. ⁶ Habiongko, or yoyo alhimbaya Yesus Kristus diduyaka Mori, mopir krohing barana Diyo, ⁷ Amuna lapkedeya poltomu el Diya, engdedemu penwenaka bapabnekunggu yoyo, mon mangana hurun trimkahiyo. ⁸ Dagango, tanaka njiango anni toyo halngadinggu yoyo mon njiang pneghen ghene mon lapdenjionggu, mon pwalina papngandina toyo meng ndaharon bihhana pannutana, mon indiyo haddana Kristus. ⁹ Meng, barana diyo tatknagha ngarkehe abanuna kwahana, mon mopir papndahana bihhana. ¹⁰ Yoyo aldadi bannuna barana Diya, mon didokka aktakkuna dodeta ngara pemrenta mon lakkwahaya. ¹¹ Mon diyo, yoyo mban sunatanggu mon indimyaka sunat lapghili limmana toyo dimok sunat mban ghilin Kristus, mban ktariya kbina el hala. ¹² Mon permandi, yoyo tono dengengguk elak Kristus, mon lap kedde dengeniki diya liyya elhadamu mon kwahana Allah mon lapkeddeyak diyo walli tomati. ¹³ Habiongko banna ulu matimu ngar phalamu mon kbimu njan sunat, Allah ap ndahanggu mopiro dengeni mon Diya mengeka banna oo am nggehin phalam yamma. ¹⁴ Mon oo, banna hbatloyo haghin mon pretene lakrailoloyo mon handinnyi hubungnon Allah mon yicca. Diyo dekeya mon akuya eldodete mbapakuya. ¹⁵ Diyo wukkeya ngar pemrenta mon lakkwahaya, meng dadiko diyo lahmekeyaka olen ornaka bantoloko el dodete bapakuya. ¹⁶ Ornaknetu, ampalokin bahtoyo wajawango amphalawumu yoyo el halla muyo mon innu ato loddo agama, ramin wulla buenni ato loddo Sabat. ¹⁷ Ngarkehe netu hamnyak ninyano tutuna banna emini, mon njiangi hahilono hapinja panguna didoka Kristus. ¹⁸ Ampalokin toyo banna daha ati mon ati papwani njan hatupinja papwani mon hmalekat-hmalekat prehenggu yoyo. Diyo didokka toyo-toyo albengio icca pdahaya meng lapdahaka pngadang diyo pamdete wudda orona preten pannutana. ¹⁹ Toyo njan hatupinjana njan tarapdahani aktakuna. Aktakuna diduyaka alkete ngarkeheni poltoyo, ngarbakka poltoyo pahwungo el riyya mon kbahhu, ngar etu lamtuyo mon lamtuka wali Bramba Allah. ²⁰ Dika bamrengeni Kristus yoyo elmati papretena topiyo pannutana, pene banpdalin yoyo epiong yoyo paptaru pannutana, mokin pretena merekka: ²¹ "Ambadangini, cicpi, amba tudikoyo?" ²² Apreten yiyo mon lihloroh banmontoyo or pretena netu papdahamnaniki pap pretena mon paknekeno toyo. ²³ Pretena meredokku netu banna iccaya lihloro mon lamdete ibadah dopamkah kehengo mon pakbawungo njan hanya mbapakriyo poltonna. Habiongko, ngarkehe netu njiangok walina mon dimoko tagun poltona.