¹ Walli omo penatua, el barana Ibu epah pilid mon el barana anana, epamnowrung el barana el nghen, mon in yaknewedinga, tap ngarkehe toyo el penghini el nghen, ² orna kebenaran el doiyo el barada yicca mon el engkrohi bman bol enggada yicca. ³ Aknuru, pamnowrono, meng damai sejahterah walli omo Allah Bapa mon walli omo Miori Bram Yesus Kristus, sang Anak, aldangan yicca el barana kebenaranmon amnowor. ⁴ Yaya kudah ati langtakka orna kupengniki bahwa pirriaya anamu el linnyi alara el nghen, merwejokka aprete epah mengeda yicca himbiaya walli omo Bapa. ⁵ Henenne, yaya kukreiya el baramu, Ibu, in atturwalgui aprate baru, melainkan apret epah mengeda yicca dnondni wal hitu, tanaka yicca enga pamnowrong wungo. ⁶ Mon, yiyo didiyaka amnowor, bahwa yicca mopir nomtoyyo apreteNa. yiyo didiyaka aprete anetu, merko epah mengemu ronggoya walli hitu tanaka yoyo mopir el barana. ⁷ Ornak, danga el pahdapada indahha emnik hundaka el pannu tana, diyo ja mgakunni Bram Yesus sebagai Kristus el emini ellaptudwuna topiyo. Diyo didiyaka penyesat mon anti Kristus. ⁸ Dangwumi tanaka yoyo in mohewongo payak epah mengeda yicca usahai, melainkan himbiabaka wal ngarkehe. ⁹ Ngarkehe toyo ellah loko loh mon in doiyo el barana apreten Kristus, diya janga Bram Allana. tapdimoko, ngarwedpangguniki el doiyo el lappretena netu diya knonggo Bapa meng waddi Ana. ¹⁰ Eb engoko toyo el emin el baramu mon jan ngandiya apreten yiyo, am himknamok diya el ummomu atau himlimmiaya. ¹¹ Ornak, ngarwedpanggunik el himbiaya diya el ngoleka pghili el lappghili mbrapu toyo netu. ¹² Danga hennya netu epah benggu turohoyo el baramu, tapdimok yayay jok bengga plakuya wango huruto mon wepiena. Tapdimoko yaya kuhuarap langtakkamok eme el baramu mon pneghengo wango ptobmata wungo tanaka sukacitan yicca el bannu. Kede walli dungkabumu epah pede elappdukini salam el baramu.