¹ Mon, pghili mhbol enggeni Diya, yam weddi mendorong yoyo tanaka in himbiaya aknuru knangga Bram Allah wangio hal'iole. ² Orna, Diya berfirman: ''Pahi a waktu Yaya mbuk mhghenenge, Yaya krongogu, mon pahi a alod klamat, Yaya ktologung.'' Ptatbaniki, henenne didiyaka a waktun lamghenenga netu. Ptatbaniki, henenne didiyaka alod keselamatan netu. ³ Yam jam wonni mang pneghewana garra aliolbanik tanaka pelayannom jan kdir wiongo, ⁴ Melainkan garra hurun yam mam phudoni apoltom yam sebagai pelayan-pelayan Bram Allah, wangio ban mwangio el barana ngarkeh kri, kesesakan, kesukaran, ⁵ palu, gallu, mruh, wekbud, in mduru, klam, ⁶ wangio bannu kemurnian, peghe, mlo ati, mil ati, Roh Mbih, amnowor el hetopinjana, ⁷ apnegheng el ghen, kwuah Bram Allah, ktop ktaka kebenaran el lim kwanan mon lim kleynya, ⁸ kemulian mon kehinaan, umpatan mon p'enge, a anggap sebagai bolet padahal yam ghen. ⁹ Yamma mer ja pahpegheng, tap terkenal; merek el nyaris mati, tap icebaka, yamma mopir; mere to epap hajar, tap jah hmati; ¹⁰ mer berdukacita, tap yam eng mbam mglor, yam kri, tap membuat to hiek roto, ja'ngo papaya, tap enggia ngarbak etu. ¹¹ Yamma mengek mam wukeya a ghobama el baramu, hei to Korintus, a atim yamma lamwuk langtakka. ¹² Yoyo ja hukogu or yam, tap yoyo a hukogu or ati mangwumu. ¹³ Henenne, taguna awolhod el mere-- yaya kupneghega mer an'guk bukanlah pula atimu lamgolloro. ¹⁴ Am jadi damok pasangan el jan seimbang toyo el wani a Bram Allah. Ornak, merpayaka el enni barana a kebenaran mon a ruhha? Ato, merpayak epap ngole el barana amgohok mon akpandu? ¹⁵ mhbol payak epap'ndonna Kristus mon Belial? Ato, tagu payak el enni bara toyo wani Ambram Allah mon atoyo el jan wani? ¹⁶ Mon, mhbol payak el enni bara Bait Bram Allah mon akwod ktabini el jan ghen? Orna, yicca didiyaka a ummu-Na Bram Allah el mopir, mer firman Bram Allah, ''Yaya kudoyyo el barada diyo mon hloko el barada diyo, mon Yaya neme kbalingo Bram Allah diyo, mon diyo kbalingo umtung. ¹⁷ ''Orna netu, lohhobaka yoyo wal lap'duda diyo, mon mhegherbak,'' pneghen Mori. ''Mon, am todo damok payak el jan dah, maka Yaya nem kuhimbeogu.'' ¹⁸ ''Mon, Yoyo neme kbalingo Bapa mung Yaya, mon yoyo neme kbalingoko an Gung an kbani-Gu an warcong-Gu,'' dukdunuanik alinnya Mori, elakwuaha.