Ap'apingio Tutuna Pernikahan ¹ Henenne, tutuna anetu epapturohummu el baragu: didiyaka baik tagunani akbani tanaka amma todo warcoyo. ² Dimoko, or anggio pezinaan, gar hakbani sebaiknya mang arwe knehebadak mon gar warcoyo mang laghi knehebadak. ³ Alaghi harus ptutini tangjapana terhadap arweynya, merwejokka arweyya terhadap alaghina. ⁴ Arweyya jan kwuahaya apolto knehen, melainkan alaghina. Merwejokka alaghijan kwuahaya apolto knehena, melainkan arweynya. ⁵ Yoyo am eg pambrowumi, kecuali wango pahtuju enggenge taguna sementara waktu tanaka yoyo leluasa wonni waktumu taguna berdoa. mengge, mopir enggeni tanaka Ambrapu mbokol amma akaba wangu or in mampumu e'mbu kwuahaya polto kneheng. ⁶ Dimoko, yaya mbuk takiya ayiyo sebagai klogo, in sebagai prete. ⁷ Yaya harap ngarkehheya atoyo merey apoltonggu. Tapdimoko, ngar atoyo anggio karunia knehed wal Lambram Allah, e'mbah ih toyyo el barana tutuna ayiyo, mon elah wadciong barana anetu. ⁸ Taguna el jan nikah mon para janda, yaya takuguni bahwa rehi dahha taguda diyo jika eb enged el keadaan mwr el yaya. ⁹ Tapdimoko, jika diyo eb jan ndadika mban aturoya apoltonna, sebaiknya diyo menikah. Ornak, rehpong dahha menikah daripada mban knabu or be atina. ¹⁰ Barana el jan menikah yaya wonni prete ayiyo (in wal yaya melainkan wal Mori), yaitu arweyya jan ndadi mdalini alaghina, ¹¹ (dimoko jika diya dol langganaka mban mdalini alaghina, diya harus engen jan mga enggeni, ato bolo mbialing enggeni alaghina), mon alaghina jan ndadi apheghe nanni a arweynya. ¹² barana enne arehunggu, yaya takiya (yaya, in Mori) bahwa eb enggioko loledemu el anggio arweynya el jan percaya, mon awercoyo anetu benggio mopir mbolo enggeni, diya am pheghe enggeni arweynya netu. ¹³ Merwejokka jika al ked warcoyyo eb enggioko laghina el jan percaya, mon akbani netu benggio mopir mbolong, diya amdala damnik alaghina anetu. ¹⁴ Orna alaghi el jan percaya netu akudussoy or arweynya, mon arweyya el jan percaya akudusoy or laghina, eb jan hennyaka, anummu didihiki al ghenenge indahha, tapdimoko henenne diyo kudus. ¹⁵ Dimoko, jika el jan percaya netu benggio pheghe, paklokbaniki diya mbab pheghe. El barana hennya ayiyo, dungkabumuni ato anminyomuni jan terikat walik. Tapdimoko, Bram Allah mengeke mban kwulada yicca untuk mopir el barana mgolor ati. ¹⁶ Orna hei arweyya, pen wamuku yoyo peghini kalau-kalau yoyo neme mbu klamatoyo alaghumu? Ato, penwemuku yoyo peghini, hei laghi, kalau-kalau yoyo neme klamatoyo a'arwemmu? ¹⁷ Dimoko, mere epdol mengene Mori mbap tangudani taguda gar atoyo, sebagaimana Bram Allah mengeke mba kwuloni diyo kneneheng, eng mbu mopiro el keadaan el enni. Hewejonaka yaya aprete el barada ngar jemaat. ¹⁸ Apakah anggio toyo epak kwulongo ketika diya mengge mba sunatoy? Diya am mohedamniki tada-tada sunaton. Adakah toyo eb ketika mba kwuloni diya jan mengepong sunat. ¹⁹ Orna, bersunat maupun in bersunat, jan penting. Dimoko, el penting didiyaka awani terhadap apretena Bram Allah. ²⁰ Ngar toyo harus doyyo el barana keadaan mere ketika diya ebakwuloni. ²¹ Apakah yoyo ata ketika mba kwulongu? yoyo am don atidamoko tutuna anetu. Dimoko, jika yoyo weddi ngole kbalingio to el merdeka, rehpong dahha wabniki akesempatan anetu. ²² Ornak, diya el ketika mba kwuloni barana Mori didiyaka ata, diya didiyaka to merdeka ndonna Mori. Hewejonaka, ketika toyo el merdeka mba kwuloni, diya didiyaka ata Kristus. ²³ Yoyo mengeke mba tebusung wango walli lunas, orna netu yoyo am kbalidamgok ata topiyo. ²⁴ Lolede, hendaklah ngar atoyo enge do enggeni Bram Allah, el barana keadaan ketika diya mba kwuloni. ²⁵ Henenne, tutuna atoyo al jan perna pong ban nikah, yaya janga prete walli al Mori. Tap dimoko, yaya kuwoguni papngolegu sebagai toyo, al orono papnourono Mori, ngole abwani. ²⁶ Yaya kuanggapoyo hal yiya al daha al bar keadaan al sulit yiya, yaitu rehe al daha taguna a toyo tanaka al engewana mereke payaka al dadi. ²⁷ Apakah yoyo terikat dengeni arwemu? Am usaha dengeni apheghe. Apakah yoyo in terikat pongo dengeni arwemu? Am hardamngoko arwemu. ²⁸ Namun, jika yoyo munikah, yoyo inberdoho. Monno, jika bahtoni warcoyo menikah, diya jan berdoho. Tapdimoko, diya al nikah mokko al rahaya huhha mopiro al pannu tana, monno yaya pahbeguku yoyo diki wal tutuna netu. ²⁹ Lolede, kambu atigu yaya didiyaka alodono al tukaka. Jadi mulai henenne, paklokbad diya al meng arwenya, mopir baka seolah-olah diya japongo arwenya, ³⁰ diya alhoyo seolah-olah jan hoyo, diya al bersukacita seolah-olah jan bersukacita, diya al kahi seolah-olah al ja alolong, ³¹ monno diya al wani apannu tana yiya, seolah-olah jan wani. Ornak, keadaan nonno yiya pannu tana tegherene ban lenyap. ³² Yaya pahbeguku yemmi bebas walli haddu atimi. Atoyo al jan nikah al lapngadani hal-hal tutuna Mori, penwenaka ban pdahawananni a atina Mori. ³³ Tap dimoko, atoyo al nikah lapngadaniki hal-hal pannu tana, pewenaka ban pdahananni a atina arwenya, ³⁴ monno perhatiannya lahbahngiok. warcoyo al jan nikah lapngadaniki hal-hal tutuna Mori tanaka diya al kudus, baik apoltona maupun adewena. namun, warcoyo al nikah lapngadaniki hal-hal yiya al pannu tana, penwenaka diya ngolewani ban pdahananni a atina alaghin. ³⁵ Yaya bakku pdukini hal yiya taguna apoltomu, in tutuwalnanni tanaka aptanwagu, melainkan tutuna hal al daha tanaka pelayananmu al bar Mori jan terganggu. ³⁶ Jika engnga toyo ban anggap bahwa diya mengeke ban pdahaya hal al jan daha al bar warcona ornak warcona al rehika adonna monno hewadidonoka ta anetu, paklokbanki diya ban pdahaya payaka papkambu atina, diya jan berdoho; paklokbanki diya ban nikah. ³⁷ Namun, diya al mantappoko al atina, in or paksaan ngoyo, memiliki kwahana al papngad wanwuana, monno mengeke ban putusoyo al bar atina takana jan menikah wani aworcona anetu, moko diya waddi bertindak wangi daha. ³⁸ Jadi, diya ban menikah dengeniki warcoyo netu diya lapdayaha al ghenne, tetapi jika diya jan menikahi warcoyo netu, papdahana netu pun ndaha. ³⁹ Arwenya terikat selama alaghina mopir pongo. Namun, jika laghina ban matika, diya al bebas soko ban nikah garpamubniki pahbenya, asalkan toyo wal Mori. ⁴⁰ Tap dimoko, menurut papngolguku, diya mokko al reheke dah ati jika diya engena al keadaan nonno, monno menurutugu, yaya waddi engnga Roh Bram Allah.