¹ Man nebbahenna, kolle banna dadka kanna Anna Nahha nella Betlehem, la Yudea PADA SAMAN Ngorra To Herodes, itteyya, to Manynyurra Pewwe walla loddo kahhuddo nem maddad nella Yerusalem. ² He iyo kappattadad, "Gennen at Iyyo, pahha dadda, nenna Ngorra To Yahudi? Orrongngo, yamma itte mowwa yakka namma Dunnonna la loddo kahhuddo manne yamma nemmamman nettut Kawwojjoman." ³ Mannenna Ngorra To Herodes banna rongngoyya tutna nenne, ne iyo marrawtonan, olle tangkohhanna na Yerusalem. ⁴ Manne, he iyo madda kohhay hettang ngadda IMAM KEPALA monno he toppewwe Uk Patta nel lakka lingngorra. Ne iyo manna kojja pahhangadda wallabbarradda, gehhaddonna Anna Nahha eddo haddaddan. ⁵ Manne hattokda labbar ranna, "Nella Betlehem, lakka lingngorra Yudea, orrongngo hemmanna pattul hodda he anna wit anna limma: ⁶ 'Manne yo Betlehem, lattanna Yehuda, jahhenne hingnguk manna yokka hodda morrahha lajjong ngadda hekkappa rehhayya Yehuda, orro wallab barram nahhudda nahhawwu kappa rehha, nekka jawwagad he Anna Suhhug, Israel. '''Mikha 5:2 ⁷ Mahhaleggeyakka, ney Herodes nakka makko bunynyid hetto manynyurra pewwe, karre kahhe pijjangngo wallabbarradda he iyo nettut rah jerkonna nennamma dunno. ⁸ Manne, iyo nahhawweddey he iyo nella Betlehem mahha tokna, "Hallakkom monno kamka nukka haddoh hayya tutna nennal Lakkedda. Mobbam pojjakka Hattobbok Kayya, tokgan labbarrag tannam neyyay dommol dadwa bag mawwa monno Kawwojjo." ⁹ Mappojjakka baddarongngoy nenna Ngorra To, mahhe iyo hallakko dad. Ma ittey, mad dunno neppa ittedda nella hudda matta loddo nad dokkud he iyyo kohha badda duk modda ngah neddetta lahhaddonna nenna Lakkedda. ¹⁰ Ma badda itte yakka nenna maddunno, MEREKA BERSUKA CITA DENGAN SUKA CITA YANG SANGAT BESAR. ¹¹ Kolle badda tam makka neddallo la umma, madda dukkin nenna Lakkedda ollenniy Maria, Inynyanna. Mahhe iyo maddakka wojjo Moddakka Tabban. Mahhaleggeyakka madda buggerrad hehhaddo happottedda madda MEMPERSEMBAHKAN HADIAH-HADIAH Labbar Ranna, mahhe ommahha rara, KEMENYAN, monno MUR. ¹² Orro badda pa apped dallo la nagganif abbum balkam labbarrannay Herodes, madda bal lahhaddodda wangngo larra hekka. Preha Tutpla nella Mesir ¹³ Kolle badda balka het to Many Nyurra pewwe, ittey ya, Anna Hallerronna Nammor pattingngo wunna labbarray Yusuf dallo la nagganif mohhat tokna, "Koddewka, ngodya nenna Lakkedda ollen na Inynyanna kamplam nella Mesir. Engngam nemme habbal kohha bagdukwa bagtok gimmin labbarram orrongngo ney Herodes nakkab atte hingngon nenna Lakkedda nettutna Nehhallin." ¹⁴ Mahhaleggeyakka, ney Yusuf nakkodde manna marrongngan nenna Lakkedda ollen na Inynyanna nebbanna huddongngo tannam kahha lakko dikko ro nella Mesir, ¹⁵ manna engngangngo nemme habbal kohha banna mattey Herodes tannam kanna bonngokka nehhat tokkanna Mor nelleddenna NABI: "Wal nella Mesir Gukka makkon na Annag. "Hosea 11:1 Pammattey Tangkoh Hadda Lakkedda Kabban nella Betlehem ¹⁶ Mahhaleggeyakka, Herodes banna tajja yakka badda happollekkayya hetto Manynyurra pewwe, manna ban teppijja manna parrehhay nekkahha mattey hettang ngadda lakkedda kabban nella Betlehem mottang kohhadda hemme lakka lingngorra, nejjakka dukngo dudoyyo, kahhengngo narrah neppa tajjanna wal hella to Manynyurra Pewwe. ¹⁷ Mat, tubba nanka pahha dukda he anna wit limmannay Yeremia: ¹⁸ "Hawwunna liyyo nehha rongngo nellla Rama, kammilla mokkalol kahhodda mayyilla. Rahel nahhud he an nanna, mojjanna wawwakma badda haddohha nanna attenna orrongngo bajja hilnedka. "Yeremia 31:15 Preha Nettutna Bal nella Israel ¹⁹ Manne, banna mattekkay Herodes, ittey ya, anna hallerronna namMor pattingngo wunna dallo nella nagganif labbar rannay Yusuf nella Mesir, ²⁰ mahhattokna, "Koddewka, marrongngan Nallakkedda ollen na Inynyanna atla tanna Israel orrongngo hetto kakab atten hammatteyya nenna Lakkedda dammatte mowwakka." ²¹ Ma mokka, manna kodde manna rongngan nenna Lakkedda ollen na Inynyanna balnan nella lattanna Israel. ²² Tabbollo iddokka, manne banna rongngoyya bay Arkhelaus kakketnen nappa rehha nella Yudea jelyay Herodes, bappanna, Yusuf kabboh hallakko at habbal. Badda ha appen neddallo la nagganif, manna hallakko lakka libbo Galilea. ²³ Manney Yusuf nadduk monna engngangngo lahhawwu harronna kangngar rangngoy Nazaret tannam kanna bonkangka pahha dukda he anna wit limmanna, "Ne Iyo newwen neddan 'To Nazaret'."