1
Kawungana linan na Morda,lina Morda na kodo ngodyai Maroba Allah,mona lina Morda idoka Maroba Allah.
2
lina Morda na ole angun Maroba Allah walla kapungena.
3
Ngaradukkana barayini ledehona la Iyo, Bajanekan Iyo, ngara dukkana ka nengo hena jana dakma ba nedi.
4
La bara Na nenna morha mono morha nana magakaha kadadi to.
5
Nana magakaha na magakara dalo la kapogto, mono na kapogto jana dakma bana popa-Ni.
6
Neni na hawu to pa hawedena Maroba Allah, ngaranai Yohanes.
7
Na mayo iteya kana hadukiwani tutna na magakaha tonam ledena iyo ngaradukka toyo kada hatena.
8
Yohanes dagu ja magakaha nekmaya,ta idoya na ma hadukkini tutna paitena nena magakaha.
9
Magakaha ka dongko, ka magakahad ngara dukkada toyo, na ma laponu tana.
10
Magakaha nana nemowan la pnutana mono ponutana I kahadadini, ta idoyaka ponutana jana tajanekma-Ya.
11
Na madukini apan hadaguna,Ne hatag-Na nana, jada hiba nekmaya Iyo.
12
Tabollo, he i ka hibaya Iyo wodi hatena tonam kada dadi anana Maroba Allah, iyo kahatenaya na ngara-Na.
13
He iyo da dadi ja kawali la ruto mono pakamaddi kabiyo, jedoka wali pakamagda kabani, tabolo wala Maroba Allah.
14
Li hatena nana na dadi kabika mono na engango la jongada. Da iteya mowaya magebora-Na, nana magebora ana kanaha nai Mori, bon ngo kanyuru mono katengngo.
15
Yohanes na kawulo bana hadukini na lina tutna Iyo, "Ika Yi pa tokigu at bagu bawegu,' Pojaka dugu, Na mayo ullu wali la yayo orongo Iyo ulhona baneni bajanehoga yayo.'"
16
Ka wali la padagu-Na, tangakohada idango da hiba kanyuru hilu kanyuru.
17
Orongo, Pata Taurat woiya ledenai Musa; taidoya nakanyuru mono katengngo nemen ledenai Yesus Kristus.
18
Ja nekmango hawu to ka iteya Maroba Allah, taidoya ana kanahana Maroba Allah, ka nengo la babana Maroba Allah, wenena-Iyo. Paitenai Yohanes kapaihongo wemaringi
19
Ika yi haitenai Yohanes hit to Yahudi hawedei ana wit ana limana mono to Lewi kawali la Yerusalem kag kanukai Yohanes, "garaneggu?"
20
Yohanes na ngon, mono jeddo jawenekmana, na hatenaya, "Yayo jai Kristus nekmawa."
21
Da kanukkaya labarana, "Bahekana, garaneggu? Elia wu?"
Mana baleha, "Jai Elia mawa."
"Nabi w attu?"
Na baleha, "Jedokma wena."
22
Mowalka, weneda hatokida labarana, " Garag yoyo, orongo yama ma baleha nehoyi hit to kahawedema? apan hatokim tutna tuba tom?"
23
Yohanes na balehawadi patokida Nabi Yesaya,
" Yadoka hatokida to Nabi Yesaya haweda kakawullo la maroda gilro:
' Halurhonan na lara tutna Maroba Yesus!'"
24
Hit to Yahudi pahawededa na to kahatena poleka.
25
Mowalka, hit to weneda labarai Yohanes,
" Ba jai Mesias kaw,jai Elia kaw, monoi Nabi kaw nat, aba mam paihongo wemaringi to?"
26
Yohanes nabalehayi, "Yayo gu paihowagu weyo, tabolo la jongam yomi na dede hawu to jaha tajam.
27
Idoka na kamayo poja yayo. Na bugeradi kaloro kopa wit-Na, jagu tutnekmawa."
28
Ngara dukada nadadi la harona Betania, la habali la loko Yordan, ido paihonani Yohanes.
Ana Bebe nai Maroba Allah
29
Delakango tana, Yohanes na iteyai Maroba Yesus kama labarana, ma wenai Yohanes," Pahoran, Ana Bebe nai Maroba Allah ka opiyi ngaradukana doki jala la ponu tana.
30
Idokayi hatokigu at bawegna,'Poja yayo nemeni yina to karehi teng padona wal la yayo orongo ulhona ba neni baja nehoga.'
31
Athona, jag taja nekmahoya Iyo, nebahena tonam kadedoni la to Israel, mag mayo paiho wani weyo."
32
Mono, Yohanes wenena, " Yag iteya Wad kaburru wali la langto kamerra kawur merpati mono Wad nana engango la bara-Na.
33
Ya dagu jag tajakmaya Iyo, tabollo I kahawedewa tonam kapaiho wango weyo wenena labaragu,' Iyo la tok-Na kam itei Wad kaburru mono ka engango, Idokayi ka paiho wango Wad Kateng.
34
Yayo ite daguya mono gu tokya ba Iyo Anana Maroba Allah.'"
Ana wit Ana limana Maroba Yesus Kawungana
35
Delakango tana, Yohanes na dedewali bana oledi du to lakedana,
36
mono na iteya Maroba Yesus ka tongro halako. Wenai Yohanes, "Iteyala, Ana bebe na Maroba Allah!"
37
Ka dungo lakedana rongoya patokina nana ma da dokuni Maroba Yesus.
38
Maroba Yesus na gilakani naka bedona mono kole bana iteyi bada doku-Ni, Ma wenad, " Ahan hamayegam?"
Weda patokida la bara-Na, "Mori gi do engam Mu?"
39
Wenena patokna labarada, " Mayo mono kam iteya." Mowalka na diha lodo da mayo mono da iteya pa don Na mono da engango ole-Ni orongo nana enga weker kabulya.
40
Yina hawuyo wal kadungo lakedana karongoya patokinai Yohanes mowalka dokuni Maroba Yesus nana i Andreas ya, olebenai Simon Petrus.
41
Bajadukhoni, Andreas na tobolayai Simon, olebenna, mono na toknani, " Ma tobokoyakai Maroba Yesus."
42
Mowalka, Andreas na ngodyai Simon lai Maroba Yesus. Maroba Yesus na hamatarani Simon, mono wenan, " Yo Simon, anai Yohanes. Yoyo Kefas wenehog ngaramu
43
Delakango tana, Maroba Yesus kag halakowa la Galilea wenna. Na hatoboka dongani Filipus mono wenna labarana, "Ma dokga!"
44
Filipus walla harona Betsaida, harona pado engada Andreas monoi Petrus.
45
Filipus na hatoboka dongani Natanael mono wena labarana, "Yama ma tobokaya Iyo pa tulhanai Musa dalo la Pata Taurat mono oleda Nabi, idokai Maroba Yesus kawalla Nazaret, anai Yusuf."
46
Natanael wenena la barana, " Yikadoha enga nemeni walla Nazaret?"
Filipus wenena labarana, "Maw kam iteya."
47
Maroba Yesus na pahorani Natanael ka mayo labara_Na mono wena patoknani tutnai Natanael, "Iteyala, to kalangngo hatenana, jahil kawohoka nekmanan iyo!"
48
Natanael nakanukka, "Ahanyinena mam tajawa?"
Maroba Yesus nabaleha, "Bajana kamakohogui Filipus na, Yayog itew ba neggu la kabu punge yayu ara."
49
Nabalehai Natanael, "Mori, Yoyo ana nagui Maroba Allah. Yoyo Kabunge to Israel."
50
Maroba Yesus na baleha mono wenan, "Orongo Ya baweg la baramu, ' Yayo gu itewu lakabu punge yayu ara', mam hatenaw? Yoyom itenehow karehi bokola wali neba henna!"
51
Mowalka, Mana hangatani, "Kahehijango, Ma weg labaram, yim itenehoya na langta kama bugera mono Ana wit Ana limana Maroba Allah ka pone bur woddi pakamakda ngara dukkada kadadi to.