¹ He angleba, baneka kangoto padukda rayngo hawuka jala, neyom kahatena habalnehod heto hamera hengo nawad liwawa. Hamatarakngo tanam neyomdag abum dokngo kokodog. ² Matul wukim dalo bamdetoya namayila tanam neyom dokud hatokna Ananaha. ³ Banekango toka kahangadan napola tona ipahatena, badokkango jedokma, ne ihajode wudagnan. ⁴ Maka tangana to kaba wudagnad harayna. Pojakano, ne inadad kabob iteya hada dagna majja oro kejuy he ihato. ⁵ Orongo, tangana to nataghod hadeto dagda. Engango rayin heka doha ⁶ Garan kakolengo lihanuwa walhela hurata hor Kamawol Kamaray ne inabawey tangkohada heka doha oled heto kahanuwango. ⁷ Abum hajodew. Kamawol Kamaray jaha malengo wakmaya orongo to damangut apad he ipa hobarana. ⁸ Toka kahobarango wala dadara polato mangut jakadoha walla polato. Tabola idoka, toka wokango walla wadtengo nakolengo morho jakaman dukango wala Wadtengo. ⁹ Ne itango abda jolka rayngo jakadoha. Badukan narahna, ne itango damangut matne itango abda erngo. ¹⁰ Oro idoka, ne itango bada kolengo mahigo, madaka rayngo kadoha tangana tangkohanato, he olebe dalo lahatena. Paulus nahadukya Nahuratana ¹¹ Ba itekaya yiy Paulus bana tulhoy yina hurata wango tulho lima dagna. ¹² He iyo kakab atengo hatingod kadoha walhe pa ite dadoherag neka ngej. He rayid heyo tanam abda hamayilay tutna yay hakadalo Ananaha. ¹³ He iyo pangej domol jada dokugmad Ukpata, tabolo idoka he iyo hakab ateda yom ngejum tanam he iyo kada hama nadawuda tutna nena ngejda. ¹⁴ Banadadhe neya janadadma hamanada wungo helengo dalo la yay hakadalona Namorda, Ananaha. Ledena Yayhakadalona, pontana teromowadka tutug ya, maneya tut pontanaya. ¹⁵ Ngejuy mojangej apan gona. Neka tepijango nepaha dadbayo. ¹⁶ Tangkohana to kapaha lakoy hiliha nuwa, langba yina maring malala mono kanyur kabur labarada mola jonga Israel dadna Kamawol Kamaray. ¹⁷ Nelobona, abne kango to kaha mayilawa ya orongo ya ngod tadko Ananaha dalo la ihig. Tadko Ananaha oro pota la ihna yiy Paulus oro bada hamayilaya tutngo talaran Naliha Nuwa Ananaha. ¹⁸ Angleba, magba namanawara Namorda Ananaha nen ole dobada wanna wadtengna. Amin.