¹ Walai Paulus kadad witlimana ja oro bakadad toya molka lede kadadto ney Paulus jana tamakma hekabul dungo anahakodo halolena Ananaha, taboloy Paulus dadwit limana orongo paha tingonan Ananaha dag pojaka ne Ibana pone la Hoylo. tabolo ledena Ananaha moy Bapa Kamawol Kamaray kahatolkon ne Iwala jonga to mate. ² Nepilhon, wala tangkohada olebe hawu hatena ka olega ya, tutdahe toka ngote la Galatia. ³ Maring momalala dagmin wala Bapada Kamawol Kamaray mona Morda Ananaha, ⁴ kawo mowayaka napola Tona tutda hedok jalada itango tut hatolkoda ita walhena latana kabokala bahena dokun habena Kamawol Kamaray Nabapada. ⁵ Dagnan Ika Namanadango koha anamuri-anamuri. Natena ⁶ Yag bangara, malewara pijaw yom ujakan Iyo, kamakog ledena manawara Ananaha, mapalayo lahalinuwa heka. ⁷ Badokan, janekmango lihanuwaheka. Tabolo, ned hawu duto kahawolon yom mokakab aten kabal nutnemen naliha nuwa Ananaha. ⁸ Badokan, neyamal molka hawuna anawit analimana kawal lahoylo hadukmin labaram lihanuwa kahagoba ne apan pahaduk mowama labaram, kolengo jakadoha! ⁹ Kahengo nepahaduk mowama at kalongango manebahena yagtokpiwalgun, banekango to kahadukgun labaram lihanuwa jakadoha mo apan hakole mowam, jekana kana kolen jakadoha. ¹⁰ Manebahena yatongrog mayegango hango kadadto monel hangona Kamawol Kamaray? Mowalka, neya enga alahog kabango hadoha ateto? Banekan ya engahog kabango hadoha ate kadadto, yaja anahawede Ananaha. Todo talara naniy Paulus tut anawit analimanan ¹¹ Bag olebegim, yahakab ateg kamtajaya manena lihanuwa pahaduk mowag ja lihanuwa haraytok maya. ¹² Yajag hibakmaya walla kadadto, tabolo yaka nuwagun wala kadadto, tabolo ya hibagun ledena hatok kawal la Ananaha. ¹³ Orongo, yom rongo mowayaka tutna hada morhog kalongango wala pahatena Yahudi, yag hamayilay ana kangotena Kamawol Kamaray kamayila ma mayegad kapodahay. ¹⁴ Yag taja hadangango tuthatena Yahudi, rehtaja tepija nematudana nola jonga olebeg. Yagmanud pijawa nebag karawoy hadakanogo nuhweikag. ¹⁵ Tabolo, nena Kamawol Kamaray nahawate wowaga ya walakab inyag ledengo manawarana kawonango ¹⁶ nahaleden na Anana dalo la ya tanam neya kadad hadukin Iyo nola jongada to jaka yahudingo, yajag malewarakmawa kare pahangada nela hawu akto. ¹⁷ Yadomol jagma lewarakmawa halako laharona Yerusalem neka tobokay he ikadad anawit analimana baja nehoga, tabolo yagmalewarawa halako la tana Arab mabalpido laharona Damaskus. ¹⁸ Tol do kalongango, yagha lakowa laharona Yerusalem kag taja akiya ney Kefas ma engango olen kabul lima lodo. ¹⁹ Tabolo idoka, yajag itekmawa hawu ak walhe anawitanalimana hawadeka, helengoy Yakobus angwuna Morda. ²⁰ Yagha dongkomyom nela aro Kamawol Kamaray maba apad hepa tulhog labaram ne jakawoho kakmay. ²¹ Pojaka no, yagha lakowa laka lingora Siria mo Kilikia. ²² Ya jada tajakmahogan nakanogog heto kangote dalo la Ananaha kanengo laka lingora Yudea. ²³ He i rongo juadan, "Ne Ika ul kaha mayilam yom, bahena hadukin nahatena neka ul ne i nengo bakabad hamohod." ²⁴ He i hamanadan Kamawol Kamaray orongo ba ya.