Kawukku 1
Li Manawara Wallai Paulus
1
Wal lai Paulus, duki la Bapa Yesus Kristus oro maringi mala walai Maroba Allah, lopo duma Timotius lopola ole bai toha tena.
2
Lopo tangada toyo kamuraha hatena Kristus nolai Kolose kanyuru kanoga, moli mopaha wali labarana Maroba Allah.
Kawojo mono Patokinai Paulus
3
Kawojo kataba tuttumu, yama hama nutaya Maroba Allah, Morida idda Kristus Yesus,
4
Oro bama rongoya hatenamu, nolai Yesus Kristus lopo manawara kanengo labramu, tutdda tangada toyo kamuraha paha ngada.
5
Patena mono manawara na dedo labaramu lopo dumu deta la Sorga,lopo dumu rongo lali ege ate nolai injil.
6
Li ege ate ka duki labaramu lopo dumola hagala ponutana, mona injil na wolamu hedu mona ka dadi labaramu, walhena lodo bam rongoya mono pahangadani kanyuru Maroba Allah ka hooda tena.
7
Yommi hanuwa wali labara Epafras lopo ole payilii labara Mori Yesus, kamanawara gimmi.
8
iyo katokiya labarama tutna manawara kawali lawad ka tena.
9
Nebahena wal hena lodo bamu rongoya, yama jama kadonakma kawojo kataba, karaiya Maroba allah. Kana ponya tut tajaya katena no laha ngada.
10
Oro bahenaka yomi, koleni morho katena la aro Maroba Allah, ka wola wu payilli mono ka buklo noha tajana Maroba Allah.
11
Kanyurum yomi bamu kulho mahadi madaika bamu koleni, bamu runini kalagebora.
12
Maringi malala Mori bamu hibayi ngawu to hatena no lama gakaha.
13
Mori napa hil hoda wali laka pogto mono naha dikda laha douyo kamaja la ana pamanawara-Na.
14
Nolai mori naha lohoda, mono naha waldadi doku-jalada
15
iyo katuja wali Maroba Allah, japa ite,mono ka ullu tanga kohada kadadi.
16
Oro, baido kanengo la surga,lopo la ponu tana napa dadidi, pa ite mono japa ite mono kama deta,kakawaha,kapareha, tanga kohada naha dadidi ledena iyo tutna iyo.
17
Iyo, baneni, janehongo ahja-ahana mono tangada na dullai.
18
Iyo katoku wali latonna, nola toyo hatena iyo kakapungengo ka ullu nola jonga to mate jo kaullu tang kohada.
19
Maroba Allah na pon ya mono engana labara-Na.
20
Ledena Iyo na moli dongadi kanengo laponu tana, mono la Surga, Na moli leden rutona kamadori la yayu paka dailo
21
Yomi ninna hagobango, hamuhngo Maroba Allah, wani pangadamu., mono rayini kajapata,
22
Nebahena yomi naha molgim pola tonnai Kristus leden matena, manuta-maraka kateng langna la arona Maroba Allah.
23
Yomi engangola hatenani,hakulla, kadongko, mono hadidara, abu gela goga, wali la Injil ha rongomu,patodo talara tang kohana lakabu langto, paha duk paha tomanai paulus.
24
Nebahena, Lagebora mona mayilla oro kabigu kamayilla nai Kristus, tutna pola tonai Kristus.
25
Yayo witti lima naga Maroba Allah. Paduki tomanan li ege ate dita kokoni Maroba Allah tanga kohana.
26
Winni kaka bunyi wali iha dau-iha dau mono diha dode-diha dode nebahena na dedo la barada tangada toyo kamuraha.
27
Maroba Allah naha dedoi winna katena tangada nuha-nuha, Kristus neni hamone, kamaringngo.
28
Yama mahadukini tutna iyo kaha apen mono kaha nuwan tangana toyo kaka tungo nolai Kristus.
29
Nebahena yayo liya mayilla bagu payilli tepija.