¹ Wali la ana witi ana limana Morida, tutna inya da ha pede mono tutda anana, hamanawaragu la li hatena, ja yawabelekmango, tabolo ngara dukkada too ka tajaya katena, ² orongo hatena ka junga labarada mono ka ole hangatada. ³ Manawara,milla Ate, jora koko kawali la Morida Maroba Allah mono kawali la Morida Maroba Yesus anana kagolu okada dalo la lihatena mono manawara. ⁴ Gu lagaharawa orongo bagtajaya kapirango anamu morha la lihatena, kahengo hatokuna pahibada kawali la Maroba Allah. ⁵ Nebahena, pa karegugu, Inya, yi hatokigu jahillu abu harayi nekmaguni, tabolo harayi kawalila ka ullu, tanamu kada hamanawara wungo. ⁶ Monno, ika yi namanawara, orongo bada morha dokuni lihanuwa-Na. Yi na liha nuwana, harongo mowam ka ullu tanam kamu morha la barana. ⁷ Orongo, bana dangayi kabolko bana hudda laponu tana, jada ngo nekmani Maroba Yesus ba iyo kamayo lahadana kadadi to. Ha iyo kabolko mono ja to hatenakmayi. ⁸ Hamatarangola abu na bungayi kanemowango, tabollo hibayi tanga kohada. ⁹ Tangada to ka halako lohongo kaja engango wali la lihanuwa, iyo janekmango Morina Maroba Allah, Tabollo, gara nehingun ka engango la lihanuwa ka doha la bara Bapana mono Anana. ¹⁰ Banekango to kamala baramu mono jana ngodikmaya yina liha nuwa, abum hibakaya dalo la umamamu mono abumu hanewe dongakani. ¹¹ Orongo, bagarakani kahibaya iyo tamanani la to bokala. ¹² Dangayi ha kabu ategu tulha tangamu, tabolo jagu wawakmawa rayini wango hurata mono we pena. Ta idoyaka, gu kamakduni kagu mawa labaramu mono hanewe dongagu haaro matango tanam kada bonngo bada lagahara. ¹³ Lakeda walila Olebe mawinemu ha pede kana hadukini na lina labaramu.