¹ kawalai Paulus, silwanus, monoi Timotius la barada toyo kahatena la harona Tesalonika, kanongo nolai Allah Bapa monolai Moridai Maroba Yesus Kristus. Kanyuru mono maringi malala kanengo labarami. ² Yama mawojuya mahadi madaikaya labranai Maroba Allah tukna yomi tangakohami mono katokimi yomi nolai bama kawojo katabamayama, ³ Ha,ape juani pahayili nola hawadi hatena,hayilli mawara,mono hakidini hajuka hamonemu nolai Moridai, Morida Yesus kristus, nolai Maroba Allah mono Bapada. ⁴ Tangami bagu olebegimi hamanawaranai Maroba Allah,hatajakinila ba 'iyo kakoleha pedemi yomi. ⁵ Baoronani, lihanuwa* yama janemekmagama labaramu noba baha toki-toki nekakya, tabolo nojala la kawahana nawadi katengo*, Mono hatenmu kabonngo; kahengo yomi bami tayi Tangada toyo kahengo apa kani yomi nene la jongami yomi, wolakaya kalatutudagumuni. ⁶ Yomi kolehami dadi tommi kahatingo gama hada yama mono Mori oronani yomi bami hibanani na lina nobana danga ha podana kamayillah mono ege ate kawalai wadi kateng kalangngo, ⁷ Tanam yommi kadadi lihawuyo tuja labarada tangada toyo kaha tena la Makedonia mono Akhaya. ⁸ oromi, walilayomi linai Mori kahanewe jelai mekadoni belekma mono akhaya, mono jala la dihati hawuyo hadoyo nahatenamu labarana Maroba Allah kole bana mahobara labarama yama jehilli ikma hatokma tangawalma.oronanani, he iyo dagu bada tokiya tutuna yama, aha nyina bami hibama yamaha mono bami balimi labaranai Maroba Allah Wali bara halla toyo*tutna bami talarani nalina Maroba Allah kamorha mono katena, ¹⁰ mono tutuna baremani bana mayo na ana-na kawali la sorga iyo bana kode habali wali la jonga toyo kamate,idoka namorida katul gatada neme na liharo kanemengo.