NAMI TI AWAYL O ARA HAMA ¹ Yi yawalala mihi o t'poro mi Yesus woy nami ayom apahang. Nami no'o ho'o te'unu Yesus edene e walowi mi du towong bi'i we ey midi eey nu om mihi bo nami no'o towong du hele ta'ata ta yi yawalala o tporo mi toho. ² Ey na o ara hama med amoyldang ya no'o ta yumpa'a puyn nami a'yom a'pahang. Tayom tapahang mi du ey uubang, ³ "me'ehe, aalepeng! Nami ti awayl ahar nu yang yo ti awayl ahar. ⁴ Mong yehe-yehe yo ti awayl du ahar he, ti awayl du dene yedi'ing mi har, ohowe hiw leleng ayrnu ho'o adiang. ⁵ Dene har wuy bung lahele o wa'ay kurung, we ti awayl du hano'ong abowoang yo bo o wa'ay du a uludang ⁶ minumi wed buni tutung, ti awayl du wayl maloto wede'eo a'li'ing aradang we ti awayl du mong ta'ata. ⁷ Dene namang bung we mi har, we tapaha namang hama-hama a'bowo ti awayl du a'rapa yang mong mini. O piri o pa'a di ara dang. ⁸ Bo dene har waay no'o we lahele du eyle a'bowo mati o piri ta den ayrtowo aleheng, dene ayrtalang aleheng, dene ratnu aleheng. ⁹ No'ohi Yesus woy uubang, "aana yo aawel ara puyn aalepeng ey, yey lamihe yalepeng!" ¹⁰ Yel du ara hama, Yesus yolo nami edene a'walowi mi med Rasul-rasul yonang aiyrnu welingolo. Nami Yesus atana na o arahama du uutaayn. ¹¹ We Yesus uuaboro med nami uutaayn du ene, "Meres o na tawuni du na med iienang, bo med nami beng o hadana na ayrnu na o arahama na ubang. ¹² Du'uyn e yuwunun dunu he yo bo ya'aholdang; med na me'ehe yo yuwung me'ehe yo bo o t'nut lahele dang. Du'uyn e yuwunun yom aboyl ey med uukarang ey. ENG A'LELE MA TI AWAYL O HADANA MED O ARA HAMA MA TI NAMI TI AWAYL ARAHAMA. ¹³ Minumi Yesus aramating, "aa iit'nut lahele dang yo na o arahama oyndo? Toro'oyn med iit'nut lahele na o arahama oyndo yabarapi dopo. ¹⁴ Nami ti awayl ahar du yo ti awayl ahar Ampa'a. ¹⁵ Yuwunun du mong wede'e ye adi'ing mi har du'uyn doporow we Ampa'a o leng. Yuwunun me'ehang yo bo apoti ho'o ampa'a ba yuwunun me'ehang uutoto oho. ¹⁶ Du'uyn didi nami ba Ampa'a me'ehe hano'ong med uuyei ano'o om uumino'o. ¹⁷ Holldang, we aluwung dang hi mong yehe-yehe k'raka bihi pal ma Ampa'a du eyle. Yuwunun mong oloang ¹⁸ Bo woy beng du dene namang bungwe lahele. Aringdu nami ba Ampa'a du me'ehe ¹⁹ Bo yom aba'ang pli'i mati du eyle, ari'ing wayl, bis'kwasa om na ayr nu du uuma ee ma Ampa'a du arapa duru eyle o piri ardang. ²⁰ bo Ampa'a du dene wa'ay mi har du nami ba Ampa'a me'ehe med uuyey ano'o du o piri ara. Dene ayrtowo aleheng, dene ayrtalang aleheng, med dene ratnu aleheng." O ARAHAMA PELITA ²¹ Yesus nami aramating, "Pelita du aamed lele war amihing dang. Du'uyn didi aamed de'e war mi amihing dang. Bo pelita dopo med lele o yele du ta amihing. ²² Wede'e na dene aayaring uutawuni ta aholdang du'uyn didi na ayrnu yaring tawuni yaha wede'e na du pa yaring peteng" ²³ Aa nami nu yo awel ara puyn aalepeng, yey lamihe ya puyn aalepeng ²⁴ No'ohi Yesus nami aramating, "Edunu, Uualepeng, naba o na yo iimehe, uutoro yo iipuyn, minumi hu'u doporow we woy puyn aring hu'u med dey ara yo du'uyn woy med eyta. ²⁵ Wede'e aanayo o na ara yel nu mihi woy eyta, bo aana yo o na ardang, o naba yo ara o bong o'lolong du mi, minumi med atepeng" O ARAHAMA MA WIN BATA ²⁶ No'ohi Yesus woy uubang, "Meres du o arahama mong wede'e nami ti awayl ahar na awayl med dil te'e du'yn ²⁷ Nami ti awayl ahar du tara, toho, dil'uwu-dilele, bo ti awayl du o wolo po'o abowo bo nami ti awayl ahar du aholdang naba o na yo ara ²⁸ Wa'ay du yolo ano'o piri ara, mi turu o wolo po'o, woy ata'ay he o puhu, no'ohi gandum o awayl o piri om mi dopo. ²⁹ Minumi gandum o awayl du tene, we ey hano'ong horo lap o yel du miang" ³⁰ No'ohi Yesus uubang, "naba hu'u we pi puyn Meres du puyn hu'u me nani e o arahama toro we pi putn hu'u? ³¹ Meres du mong wede'e sesawi o awayl du'uyn. med wa'ay ta har. aang na awayl du ka'ay bi'i ma ti awayl beng ani hama dumi oyn pli'i ta. ³² Bo pane'e ta pi a'har na awayl du abowo bo yomi mati ma te'e a'maynbarrpi oyn dil om du mi, med aatng mati y'ba'ang ohowe hiw toyn loling hama mi ho'o ewar mi yobang aten." ³³ Med o arahama towong yaha dopo puyn Yesus Ampa'a du uunami aramating naba we yuwunun me'ehang ³⁴ Yesus nami aramating du na o arahama duru we puyn. Bo barrpi he du Ey Yoskoleyknewe du aramating. YESUS HOMI MATI ANO'O TENING ³⁵ Aring yel du, a'rahama wed helang Yesus o skoleyknewe adail, "ma pi moyn yi yawa lala mihi o deng le dopo la wa." ³⁶ We nami no'o towong dopo a'tayn. Nami Yesus ara hama-hama eey ta midi Yesus o leng dopo mi med ey beng didi Yesus ara hama-hama ata'ay. ³⁷ mong yehe-yehe homi mati toho. Bobo mati ey du awoho amuyu. We o t'porta yi uutulu. ³⁸ Bo Yesus ara eey o hama mi tara lu'u bo'o uulu'u. We nami Yesus aden toho ara mating uubang, "Tungur! Tro'oyn we aaoonabeng? pi da tabang yo" ³⁹ Ohowe Yesus mong yetele toho homi e'taba'a med ji di yaramating, "Tening!" Ohowe homi du tening drama. ⁴⁰ No'ohi Ya nami du ara mating, Toro'oyn we ii bros? Toro'oyn we iiotino'o ahol du dey yo?" ⁴¹ Yuwunun bros empiri. no'ohi mi uuyaramating, "nami o taro'oyn yo Ey oyndo, We homi mati med ji barrpi ewar ey a'lolo?