¹ Mong à ä nyanta, Yesus Kristus Lahatala Ey du nami umating wede e hulu ara tangwala Yesaya ² ö suru mi "ëdunu Na notangwaladu naahowo miyoturu duunye ya yee bulu utaroong med ene ³ nami moin belentara builmi lowi id, Yesus öyebulu ùtaroong ye e bulu du, uil-uil äbulu-äbulu. ⁴ Yohanis moin belantara builmi sinami longmi eynaimi ö ahala úlam anao madulung ⁵ Yudea e Yerusalem önami noo barapi Yohanis olap hoo, eymoin Yordan mulmi si yuulung olongmi oho we nami noo airnu yo ohala ubang ⁶ Yohanis ei kondomati unta omuj we mi holo o yahaang apesedu binanta o uil o naadidu tariwaleweng e wainsi ⁷ Yohanis ei úbang dooin naring áng we namiden woil hoodu ei kuasa yo mimidi na li ie öhalupu ö hiwang di naaweteng yaha ⁸ nasimed ílongmi duunbo yaring ba yahooubanghedu yahami modulung we med íring ta YOHANIS SI YESUS ALONGMI ⁹ äring yeldu ära hama, Yesus hoo Galilea mi eimoin Nazaret mi hoo Yordan mol mi öhowe Yohanis ei simed ölongmi ¹⁰ Mongsi ömmi madanghe mongyehe-yehe bulung ö yaara yaring doling hami madulung ya noo úúlau hele Yesus ábeli tamihi ¹¹ Ämapaa ätaai tuin sorga mi hele úbang áring oin doro noey numhele maerengë du naueneng SETENG YESUS ÄPATI ¹² duuin ohowe hami madulung Yesus ara lami moin belantara builmi ¹³ ara dopomi taring airut ommy ohowe seteng hoo apati. Yesus binanta waleweng towong aning hama mi bo Malaekat hele ebuung YESUS MOIN GALILEA MI LAHATALA ÄMA PAA DU WOIL UMATING ¹⁴ Yohanis spiri bang mi áng we Yesus moin Galilea leang Lahatala ämapaädu woil úmating ¹⁵ Ya ùbang öyel änang surga ö hoo omadu wanagang íyum äyum e Lahatala ämapaa du álepeng é öatinoo ubang YESUS SKOL ËIKENEWE PIRIDEN ÜTARAA ¹⁶ Minumi Yesus poin Galilea tutta yadunuhe Simon e, Änderias dopomi puku ähirhe wedee yuülungdu nami áb lap ëy ¹⁷ ohowe Yesus ëi yuulung adail,"manataai du üuin e ihaai puku áb mi wewe dang bo, nami noo we miwewe" ¹⁸ Simon e Änderias yo puku du med meng öhowe yuülung ma Yesus ätaai ¹⁹ Yesus lamiyolete ëidunu he Yakobus, Zebedeus ö ëy woilmed Yohanis yopuku útaroonghe ²⁰ Yesus yuülung ädail öhowe yuülung yomong ätain Zebedeus ba éita, woilmed nami kreyeng ë nun di ma Yesus ätaai ²¹ Yuülung yang Kapernaum mi Sabat ärahama Yesus Sinagoge öm la midi öhuwe ey name ära skol ²² nami ba Yesus ö mating maehedu yahoir yabobo ëmpiri mongwedee, nami kwasa ara duuin änami Taurat omoling duuin dang ²³ äring yeldu ärahama du, ara sinagoge ommy ëy loti nu du seteng tabulu tamang öhuwe ëy áhew ²⁴ ey úbang "éinaba yu ära tara hamowo ó Yesus Nazaret hini? áhooma nimini ë hoo? na ähol áring du ána áring du madulung Lahatala mi hoo!" ²⁵ Yesus ëi öaraaing úbang "áporo! aring ba nami ommy du áheleyang" ²⁶ hami yaha ba nami ömmy du ey nami odong áwe e ohowe ëy uahew,hami yaha ba ära nami ömmy du heleyangang ²⁷ nami noo airnu yahoir yabobo miyatana naba o nayo prente balolo nu ei kwasa du ey homi yaha nun du ebeng alili oho barapi wa eiwe ataai ²⁸ ohowe Yesus opanene du nami u mating pliiairnumi yang Galilea mi SIMON OODO OBO WOILMID NAMI NOO TOWONG YESUS EI ANO OTABIRING ²⁹ Yesus med o skol ey knewe Sinagoge el aweteng, yuulung yang Simon e Anderias obang mi, Yakobos e Yohanis di yuurung ara hama-hama ³⁰ duuin de Simon o odo obo di o waha tayoo, duruwe yuulung haraain Yesus aramating ³¹ Yesus ei obo du olap wa ei atang u upuin ohuwe yatohu. aring yel du arahama ey obo du otoyoo mongyohingang, angwe yatohu nami noo nundu edunu ³² Wed di muju buhung om di parangang nami malodi, nami ba seteng yaha om tamang du nami ara Yesus olap hoo ³³ ohowe sereng air mu taunu ara hemeng boo du mi mihi ³⁴ Yesus nami noo towong ba melodi du anoo taburing nami noo. melodi air mu ommy Yesus ey nun du nami Yesus ahol YESUS EY AAOMI E EY LAHATALA AMA PAA UMATING ³⁵ Mong kur he Yesus toho, ey yang teng tening nu mi ya aaomi ³⁶ Simon e obeng ara nami hoo Yesus lap ³⁷ nami Yesus tatoho nami aramatin "nami noo towong aring lap he!' ³⁸ Yesus ubang, "ma pi bang wanang nun oin do la midi e na Lahatala Amapaa du umating" ³⁹ wedee aring oin doro we nom abuuinhe duru ba na u ho o, duru ey le we Yesus ey Galilea palii du ana ey Lahatala ama paa du umating ara Sinagoge nu mi yang sinagoge nu mi woil med seteng nun du alolo yang YESUS NAMI KAFOTO YAHA ANOO TABIRING ⁴⁰ Nami kafoto yahanu hoo Yesus along ey Yesus abang ey e wana ohowe ya "yesus abang Yesus aa eneng he a nanoo tabiring!" ⁴¹ Yesus om e yaha empiri Yesus yang taahir ya woil atol ey ubang "na eneng a tabiring'! ⁴² aring yu du arahama du o kafoto yaha du yo hing o ho we yatabiringang ⁴³ Yesus ey ahowo yabora bo ey om anoo du u uma ⁴⁴ Ey aramating aring ana oinda a haai nami den aramating eu du uinde a boro yang aring med Lahatala o mansing e tub makeneyaho ubang med Lahatala arahama ara tana a yakaru mi ya noo melodi du o saka mong wedee Musa ubang he du uin ⁴⁵ Du unde aring nami du yang oho we ey u mating empiri. duru ey lewe Yesus ey peteng peteng hoo yaring tun dang ang ey ara poin loling we milami he moin palii tening we mi du uin bo bang air mu o nami noo hoo olap hoo