¹ Paulus mi hoo Yesus Kristus o mangsing Lahatala Ei Om alolo, med nami Madulung towong yehe Efesus mi. ² Noo hama temi tawoil i ring mi Lahatala mi hoo, duru e timi woi med Tuhan Yesus Kristus. Woi Piri Laana Piri Noo Hama Kristus Ommi ³ Lahatala Om noo ubang med Omo pi Tuhan Yesus Kristus med wuipiri, laanapiri toin surga mi. ⁴ Wed Ei taringu teraa ma Kristus ommi dei palii yaten dei, duuin e pi Madulung pi yaha mi tede dang, noo we ara ommi, ⁵ Ei piring med u yey anoo, towoho ano Yo oykenewe ma Yesus Kristus Ommi. Ara Ei Om alolo. ⁶ Ei du panene du puin awoho atele ukarang Eyaha. Ba aboro med teneng du u parasumu wedee ukarang eyaha. ⁷ Ara ommi du pi hami noo med O wi tawoil. Aring duru we puin ahala towong upaabala. ⁸ Pi Lahatala na towong mi tene ma ana dilahol, Namehe mi. ⁹ Ei yo na tawuni ba Ommi du Ei puin taramating, Ei Omdu noo duruwe. Duruwe O hulupaa Kristus Ommi. ¹⁰ Duru ei lewe yang yel taloil towewe du mi duuin hi barapi ara Kristus om, barapi toin Surga mi woi med oin palii ita. ¹¹ Kristus ommi piring di ya noo otoho opoo nami ubang ang du ma Ei alolo. Nabara pi ba Ei Om mi du ma Ei naaholmi. ¹² Duru ei lewi piring ba tom puin Kristus hi dumidu puin dalapaa ano pi puin dala. ¹³ Omi du iringba Ampaa Madulung du mehe duru we Injil weseng ara Omi, o atinoo ahol puin utara pahii Homi Madulung you puin yanoyel. ¹⁴ Homi Madulung duru we tei udumi, ya woi ma tateleng hele Lahatala duru we tei udumi, dala orong puin Eniutarain. Paulus O'Omipaa ¹⁵ Aring duru ele. nami i atinoo ba, ma Tuhan Yesus Omi woimed e i ukarang Eyaha ma nami abulu towong ohadana. ¹⁶ Na mahene yaha towong we ubang i ohadana ma no omi paa om mi. ¹⁷ Na omi duuin e pi Lahatala, Tuhan Yesus Kristus Omong ba, Madulung abulu mi hoo du. Noo hama med i ene ma dilahol namehe mi yo ara i ara. ma ona ahol ara om mi. ¹⁸ Na O omi iohadana duuin E iom du lele umadala, i omu du dumi duara ma o lowi paa mi bisi kawasa ba ya med tene tetana tohamo du ma nami ba o atinoo ahol du ta. ¹⁹ Kawaa mati nami puin piring huu yaha du puin piring ba o atinoo ubang, duru we puin u tetubu ma o mati o kawasa okuwa ommi. ²⁰ Omati olawen okuwaa duru we, Ei med u tubu ma Kristus yateletoho dumi ma nami mini towong Eni Hama mi me yatang tein le alolo mimihi toin surga bangmi. ²¹ Yo mi lawen mi parente lelengairnu arahama dang, kawasa, kawaa yo mi lawen ma nami noo lewen oin paliita du arahama dang, yang pi palii habara lawa. ²² Ei naleleng airnu araleng du ma E awa war mi, noohi ya noo awen bomo ma jemaat towong arahama. ²³ Oboo duru we bara pi anoo anangang ma barapi ohadana.