¹ salama' lu dio mai paulus, to i tarukkun anu' sanganna puang Yesus, anna samala' duka' lu dio mai timotius sola kapeimangatta lu lako Filemon solaku mekkarang to ki kamasei. ² anna lu lako duka' jumaa' to ma' ko'bon dio banuammu. ³ Tamba' anna kamasekkan lu dio mai puang lu lako kalemu. ⁴ ma' kurru' sumanga' tarru' na' lako deatakku, kek kukilalai omoko illaan sumpayang ku. ⁵ anu' kurangngi kapeimanganmu anna pa' kamasemu illaan puang anna lu lako angkanna to masero. ⁶ kupa' sumpayangan anna malai pa' patongananmu mendadi pa' paissanan angkanna katonganan anna kamapiaan illaan kaleta lu lako Kristus. ⁷ kamai penawakku anna masannang na' illaan pa' kamasemu anu' i pake ko mu pamaottok sule penawanna to mai tau to masero. ⁸ iam to o, anna moi duka' i to o kamai kapeimangakku illaan puang, anna malanak uparetta ko umpokauk angkanna apa la parallu mu pokauk. ⁹ appok anu' pa' kamase ya' arami kek dunnuk ko ku pelakui. kodik te e, paulus, ma tua mak, anna temo i tarukkunnak anu' sanganna yesus kristus. ¹⁰ memalak na' matin lu lakona anak ku onesimus, to ku silampisan illaan tarukkun. ¹¹ dolona takekuna, appok temo ma' kuna mi lu lakona kalemu anna lu lakona kaleku. ¹² ku sua sule matin te anakku e, ¹³ appok setongana kela susi maramuk la ku patorro tarruk si bawa na' anna malai mu balak i ko uttuntuan na' illaan tarukkun anu' kareba mapia. ¹⁴ appok kek takdai mu tantai, mokanak dukak kodik ma' palao lao, anna malai ia to kamapiaan mu pokauk tannia pa' parettaan, appok kamasannangan penawa. ¹⁵ umpaik na suruk ri to o i pasisarak ko onesimus sikka'tuk anna malai mu tarimpo sule' sule lako sae lakona. ¹⁶ appok tanniami sabuak, appok lakbimi anna ia to o, iami to o la dadi ulluk mu ammu kamasei, annia lu lakona peanga kaleku, appok lakbi lakbinna lu lakona kalemu. susi mettolinona anna susi mendeatanna. ¹⁷ dadi kek mu angka' na' sola pekkarang mu, tarimpoi onesimus umpa susi untarimpo na'. ¹⁸ anna to kek denni kasalaan na lako kalemu, battuka deen intanna matin, kuan na' i, anna ku bayak i. ¹⁹ kodik paulus na' ku tulik sola limak ku temai, la ku bayak asan, anna takda mora ku sakbuk angkanna intam mu lako kale ku, iam to o, banua penawam mu. ²⁰ le ulluk ku, la ku kita kamadottasan mu llaan puang. pamatotto' i penawak ku illaan Kristus. ²¹ anu' ku patongan pa' perangngim mu, yak ku tulisak ko polek te sura'. anu' ku tantai la mu pokauk asan pada to to ku pelaku. ²² anna kelak mala i, pasediannak saleak, anuk ku rannuan tarruk illaan sumpayang mu, la mala na' ri to o, sule matin. ²³ Epafras, solaku laan tarukkun anu' Yesus Kristus, ukkirim salama' matin. ²⁴ susi dukak markus, Aristarkhus, Demas, anna Lukas, sola sola pekkarang ku. Tamba' lu dio mai puang yesus ²⁵ kristus, la urrontong tarruk penawa masero mu.