¹ Petrus Yesus Kristus ge gaying walo, met mi uyachki asing ula abang Pontius, Galatia, Kapodokia, Asia, etang Bitinia. ² Gamam Laatala gang ogoiwalo miging wang trako, egu cheu mosoing ge brisi mi wei unang. Laatala ge Berkat egu Anugrah alus ula ing ming ³ Tamam Laatala pila pi Tuhan Yesus Kristus,ge berkat gu etabit wadon,gang piwatga gobot mi Yesus Kristus gala nimino,obot ewatgu ge gom ming. ⁴ egu warisan harta pusaka gang cham diningo, musi diningo, cheleli bino,ula surgom minggu ig. ⁵ Ge egu ing ge Laatala ge Kuasa ula ing ming.Iman wat ge molo egu amami taring wergemi nuko. ⁶ Egula ing sana ng-sanang,masa ping tang ega,pila idir war tutung, susalala diguang ba. ⁷ I'Iman egu gegai emung Mas gedaning bino,Mas egu ula adwasing miwang uji terbukti murni egu menghasil kan Pujian,Kemu liaan dan Kehor matan,Wergemi nuko Yesus Kistus gang mitaring. ⁸ Ing yedy gang lali bedo,asi isayang egu ula we,etang weki ega ing ula lali bino,asi etabit ing percaya, ega ila sanang wang ilech ula wang tutuk bino asi Kemuliaan ula ing ming. ⁹ I'Iman gu ge tujuan akhir egu Yormani ge wat. ¹⁰ Wat ega, Ging Nabi namun nggu Nubuatkan egu Anugrah. egu imilik ing selidiki, pelajari guchua-guchua . ¹¹ Ging wangta kani egu yamo, etang taweding cheu mosoing Kristus ula we ula gila ging ming, gila Nubuatkan Kristus ge idir, etang ge.masa mingsi Kemulia an gang ere. ¹² Ging Nabi-nabi namunggu,gila wang brito, ging Melayani egu gidi rila enuchkai bino,Ging uyachki egat Melayani ni,nab-nab ging wang uyacho ula Injil Gom wangtu tuk egu ging wang gibrito.Ing seigi cheu moso ing Surga ming ya,ge chowi egu la Malaikat diula wang brito. ¹³ Ge egula,I akal budi wang siap,etang waspada. I Pengharapan egu gumukung mi Anugrah saat Kristus Yesus gang wang ibrito. ¹⁴ Ping uyachki muruyung aki tom klikil tas klikil emung ila yedi bodoh gegomi wat. ¹⁵ Iwat guetang Iamar itasinggu mosoing ,egu Laatala lah ula ipeko gang egula mosoing, ¹⁶ Si ula Surat misuro indi mosoying emung nandi ala mosoying. ¹⁷ Ing egat ge pekit esu ganggu Pimam, Gala ma uyackhi egat Hakimi nabila gila wang kriyang aki beda-bedakan, wat gu reckho,ila yed wat emung uyackhi Asing gedaning, ¹⁸ Ing egat ula lalo,ilawat iamar itasing ge yaso,irat namung ula mi imeyanggu ula tebus sei,bukan emumung Mas mi Perak gedaning. ¹⁹ Egu Kristus ge wei molo,Laatala Guackh ge wey,egu catat bino egu sempurna. ²⁰ Parmoi ega yedi ebedo,Kristus egu ula wang trakhi sey,asi gang ugugi miitaring Zaman akhir ega. ²¹ Melalui gang,Ing egat Laatala la Percaya,Laatala lah Yesus gang nimino,gang gobot er ewat,Laatala Kemuliaan gu mi megeng,egugi gi Iman I Pengharapan egu ula Laatala lah ge goming ²² Imuruyang mi ge ckhowi egu Yormani gu ing wang gu chuwa sey egugi tang wang sayang egu ula ing ming,la ingma iyom gomigu wang guchuwa tang wang sayang etatabo. ²³ I wat egu ula mi gobo sey,bukan emung naniminang ge daning, egu emung nage nimini bino egu ulawe. ²⁴ Sur Mosoying gang wang brito,nab-nab ula wat egu emung teigedaning,teh si cheleli,gebumsi usuwa, ²⁵ Asi Laatala ge Sur mosoying egu ula we ge glula wang bino.