¹ Ngati Paulus do alla ta bad'do taga Yesus Kristus, lema ngati Timotius, a'a ari padara he ah'hi lua manno, natu Filemon,ana hiangan do pehaja ped'ai, ² nga pa Apfia,rena nawan'ni di, lema wie Akhripus, ana hianga do alla ta pe la'a rui hela'u, hari lema natu do herani lowe do pekupu ta hebaja pa am'mu au. ³ Ie nga ae ngati Deo Ama, do ama di, ngati Yesus Kristus natu mu. ⁴ Peha'e li mahu ya la hedapa Deo ki dai ta henge mu ri ya pa dara hebaja, ⁵ rowi do alla ta rang'nge ri ya jara lua manno nga ketarra mu lema lua haja da'i do era pa mu pa dara Yesus nga hari natu do herani lowe. ⁶ Ne li habaja ya mej'je ne lua pehe uju he edde para dara he ah'hi lua manno nara ta tobo ri lua tada do wo ie natu di padara Kristus. ⁷ Dai woraw'wu mengal'lu dara ya ri lua haja da'i ngati mu, Lema natu a'a ari do herani ta pe kad'di kebali ne lua manno. ⁸ Rowi do mina harre maji lema ta era lua henao do mone ae padara Kristus hari lema do jam'ma ta pereda pa mu ta jag'ga ne do jam'ma ta jag'ge ri mu, ⁹ tapu lara ri pa dara pehaja di, do rihi wo ie ta ame ri ya pa au. Ya, Paulus weka ke, -- je awe nad'de ne ke do bad'do tage Kristus Yesus-- ¹⁰ ne ami ya pa au natu ana ya, Onesimus, do alla tanara pa dara am'mu bad'do, ¹¹ ki do uru ado ke do guna natu au,tapu lara guna ke awe nade ia ta natu au lema natu ya. ¹² Nan'ne ke no, do pepue ke b'ali ne wue ade ya nga au, ¹³ ne do petu ne do ege ta tahe ri ya ta pe nga ya na tu ta gate au ta hewewe ya helama padara am'mu bad'do ri li pedai Deo.* ¹⁴ Ta pu lara nga do'do bule dae li pe li hela'u, nga au wae do ya ta jag'ga lai mij'je ne lai do wo'ie ne dota jag'ge, tapulara nga tu nge menga'lu dara. ¹⁵ Bagi ne lua pe dab'bo Onesimus hag'gi anni ti nga au mi je ta nara ta hamme no ke bali na tu awe do peloro, ¹⁶ ta pulara ado ta heda'u ana an'nu ri, tapulara do rihi ngati na an'ne minga a'a ari do pehaja ado na tu ya we hari lema rihi rak'ko natu au ie ta pa dara ra man'nyi lema pa dara Deo. ¹⁷ Hak'ku, kido tak'ke ya ta hianga pa dara jag'ga, he la'u ham'me we Onesimus he mina mi ne ham'me ngi'u ya ri au. ¹⁸ kido alla no ta tao hala pa au kiri ado do era kal'lu nga weno pa au, hane we ta hape ri ya. ¹⁹ Ya, Paulus do buke ri kolo ku'u ya miha: Do tama gae ta ma'e pema'u --nga do pedae hudi he jara kallu au pa ya, jara ngi'u au miha. ²⁰ Wo, tu wah'hu hane we pa dara Deo ne nara ya ne lua haja nga da'i a'u. Pemengal'lu dara we ne ade ya pa dara Kristus. ²¹ Rowi ne lua man'no ya nga he nono au, ne buke ri ya ne huri na tu au, rowi toi ri ya do ta jag'ge ri au dokerihi nga ti do ame ri ya. ²² Kerihi ngati na anne roba ko dara ta pemoke ko ne kama na tu ya rowi ne henao ri ya ngati li menang'ngi au, nara ya ta bale ke bali nga au. ²³ Epafras, ana hianga pa am'mu bad'do pa dara Yesus Kristus,do moe ne li pelangu na tu mu, mi har're ²⁴ lema na tu Markus, Aristarkhus, Demas, nga Lukas ana hianga pa era jag'ga hari. ²⁵ Lua ie nga ae ngati Yesus Kristus, do era hari nga hemanga mu.