¹ Nad'de, djara lua dakka Muri di, Yesus Kristu, nga awe ta pe he'eh'i di hela'u nga No, ne ami dji pa mu, tuwu ahu-tuwu ahu, ² Midji do'do miria bara biru pa dara penge mu pa awe rangngi ri mu rowi awe Muri do dakka ke, ie ti hemanga ie ta ti peda'i li ie ta mi huri do ti dji. ³ Bole wie ne lo pa heda'u he ta pe huli mu ri loro djara do minami we. Rowi, ne lodo naanne dakka dae do ki'do lebu dae ne lua pe tad'u ti dau-dau do ke batto he, na harre ke dau-dau do ta nara lua wolo do peloro. ⁴ Do penyu pe tad'du nga do perihi anni ti dau-dau do pali ta deo nga do dai ta medjura pa no we; nga no do kale era medjad'di pa Ammu Deo nga peteleo anni mi Deo he. ⁵ Henge ko ri mu we ado pa awe do era ko ya nga mu, do pika ke ri ya ne lua lai do na harre? ⁶ Nade, toi ke ri mu nenga ne do labb'e no hakku hine ko dje itu ta peteleo. ⁷ Rowi, dau-dau do petadd'u he do djagga dara-dara ke, tapulara ne ko do tamme no, tade dai la awe ta nyakk'e no we ta hore no. ⁸ Alla pa naanne, dje itu ta peteleo ne dau-dau do tao wo apa he. Rowi, ri Muri do ta pe made no ri henga ti uba-No nga dje pemarra pa lodo dakka-No. ⁹ Ne dakka dau-dau do tao wo apa he do kako penau nga djagga wango, do pelere nga ae-ae worowu higa, nga telia madalae do'do pote; ¹⁰ nga hari-hari uku kewarru tu ro do ta wolo he rowi ro do alle ke pe djakke ta do wae nga do mola mira nga wae do ta peie pe ae. ¹¹ Rowi do mina harre, li Deo ta moe ne lua pehuli teballi do ri nga ti ihh'i midje dju parahadja ro pa lua pote appi ne, ¹² Hakku ro hari-hari do ta pe ohe we ta pe happo ne wolo pa do'do parahadja lua mola, tapulara dai nga pote appi we. Ne Bad'di Midje Ta Peie Peae ¹³ Tuwu ah'u-tuwu ah'u do rowi Muri, djula we kololi ie ae pa Deo tu mu. Rowi, rai ti petari rai Deo do bidd'e mu tu ta peie peae dje pema'u ri lua dJagga Henga nga dje manno pa mola mira. ¹⁴ Tu naanne ke Deo ne bid'de mu rowi pelebe li lole mengallu dara midje ta unu ri mu ne lua di'da medera ti Muri di Yesus Kristus. ¹⁵ Tuwu ah'hu-tuwu ah'hu titu we nga rui dje parru we ne li adja-li adja do alla pe wie pe adja pa mu, lake djara li pedai dji nga lake djara huri do ti dji he. ¹⁶ Hakku nade, la'a we no Muri di Yesus Kristus miha, nga deo Ama di do alla pe pe delo da'i nga pa di dje wie lua hale dara do peloro nga lua henao do ga, lake djara ruba dara ¹⁷ ne wie lua hale dara nga perui ne ade nga penge mu nga pa dara djagga do woie nga li pali li pedai do woie.