¹ Ti ana mone bata, pa ina do bad'e nga pa ana oha no, do dai ri ya pa dara lua mola, nga ado ta ya we, hari lema tu hari al'e dau do tada lua mola mira, ² rowi lua mola mira do pe pa dara di nga do ta era hela'u nga di lohe la hape lodo do na mi mi ne. ³ Ruba dara dai nga hadja helama tona ie ti Deo Ama nga ti Muri di Yesus Kristus, Deo Ana, era hela'u nga di pada lua mola mira nga hadja. Muri Mada we Pedut'u Pedara Deo ⁵ Awe nade, ame ri ya pa au, Ina e, buki dea helai pereda do wiu, pulara li pereda do era oa di rai awe uru, midje di pe hadja pe dai. ⁶ Nga, nade ke ne hadja dai di muri mada pedutu li pereda-li pereda-No. Nade ke ne li pereda ne, he minami ke do al'e ta rangnge ke ri mu rai awe uru midje mu muri mada pa dara no. ⁷ Rowi, do ae ke do pehuli do dakka ma rai wawa, hamme do ri ro ta Yesus Kristus do dakka ta hemi wora'u dau do dau rai wawa. Ro tarra ta mone pe huli nga tarra-tarra ta do hamme Kristus. ⁸ Penge pe wo ie-ie we midje mu do do ila nenga ne do alle ta la'a rui ri di, ta pulara ta hamme ne unu pala do tobo ne. ⁹ Hari alle ne dau do do kako mola pa ru djara nga hari dau do do halla anni pa dara li aja Kristus, unu do ri no Deo. Ta pulara we, nadu we do halla anni pe pa dara li aja do napuna ta unu ri no ie ta Deo Ama hari lema Deo Ana. ¹⁰ Dje ki era dau do dakka nga mu dje do abba ne li adja do nade, bole hamme no la dara ammu mu nga lema bole wie hela tona ie ne nga-nga we pa no. ¹¹ Rowi, na du we ne do hamme no nga ag'u unu pala hela'u nga dau do djagga do wo apa do nane. Pe Dae Kololi Mahu Pa Awe do Ta Henab'e nade ¹² Ae ne lua lai do ta buke ri ya tu au, ta pulara wae do ya ta buke pa dara karata nga tita. Pulara, ne henao ya do ta dakka ya nga au nga pe dai di li penadja hedapa midje ne mengallu dara di do petobe tarra. ¹³ Ana-ana na wani au do lakka ta bid'e he pe dae li pe langu mahu pa au.