¹ Boas o tagi gerbang ma ngoraka de oma tame, igogou, itutupu moi o kahino de o temo Boas.Boas o temo, gia nongoru, hinolah kanena dahu."de una wahino de o goge. ² una waaso dodihimo yamogiowo kotaka magena, de yo temo," no gogeku kanena dahu."de ona yo goge. ³ Boas o temo o tutupaka,"Naomi o Moab asaka moliho,"de mosi ija o Elimelek au pusaka. ⁴ ngohi tomasininga toni singangasu ngonaka. de naija o tona manena o nyawa yadadala yogoge kadahu de o dodihimo manga simaka. nako no mau na tupulah.duma, nako ngona na tupu wa,nosingangasu ngohika mangale ngohi tanako sababu o nyawa yangodu manga hakku hiwa mangale yatupu cawali ngini de dabolo ngini,ngohi."de una o temo" ngohi ai mau tatupu. ⁵ Boas o temo," wange manena ngini nia ija o tona ongo Naomi ami giano, ngini asa ongo Rut nimi make,o ngopedeka Moabno,nyawa manga pedeka yosoneka,mangale nyawa magena au ronga isitide de touna au harata. ⁶ tutupu o temo." ngohi tatupuwa upa sidago ai harata ibinasa ngini bato nia tupu,sababu ngohi idadiwa tatupu ⁷ komagenalah idodoma israel manga biasa ya tupu de isitagali, sababu isitatapu hali moi, nyawa moi belasu au tarupa wa palako,de wahike masomoaka.manena manga cara o hali o israelka. ⁸ teka de o tutupu mo temo Boaska,"tupuka "de una wapalako au tarupa. ⁹ kagena de,Boas o temo o dodihimo ka ningodu."wange manena,ngini ni ngodu nidadi saksi o Elimelek dangodu to una. de dangodu o Mahlon de o kiliyon daboloka ngohi ta ija Naomi ami giano. ¹⁰ komagena lo, ongo Rut ngepedeka Moabno,Mahlon au pedeka idadi ai pedeka mangale o nyawa isosoneka manga ronga positide manga harata. de nyawa magena au ronga isisawa manga gia nongoruka de o gerbang mangoraka. wange manena ngini ningodu nidadi saksi. ¹¹ o dodihimo de dangodu o nyawa o gerbang mangoraka magena yo temo,"ngomi manena o saksi,nako so Jou naaka o ngopedeka yahino o tahuno koloko ongo Rahel de ongo Lea, yasinoto Israel manga gutiku.tanu ngona no sanangi o Efrataka de ani ronga asaka i lamo o Betlehemka. ¹² tanu idadi to ngona manga gutiku koloko o Peres manga gutiku de o Tamar mosi buo mangale o yehuda, Jou ni hike ngopo- ngopa ngonaka asa ngopedeka yang mosigohoe ¹³ De, Boas omi dehe ongo Rut ,idadi Au pedeka,de yaaka manga rumah tangga mahali. de o Jou awi barakati, muna mo rohe de mosibuo demi ngopa yanau moi. ¹⁴ Tekakawa de,obi ngopedeka yotemo ongo Naomika. "Jou misigiliri kiawa mia aka ngonaka." wange manena o nyawa moi o tutupu. dohaka Ani ronga ilamo o israelka. ¹⁵ Unalah asa osisanangi Ani sininga ,de Ani bereki ma balihara ani modoka asa monigalusiri de mosi buo to ngona ani ngopa ifoloi daloha,o ngopa yatumding magena. ¹⁶ Naomi madehe ngopa magena,de mahado ami ugu ma dokuka, de mapalihara. ¹⁷ ngopedeka makokudetuku o ronga yogaka o ngopa maronga de yotemo "ngopa yanau moi isibuoka mangale ongo Naomi"!de o ngopa magena o sironga Obet. una magena Isai ma baba, de Isay Daud ma baba. ¹⁸ Manenalah o Peres ma gutiku Hezron ma baba Peres ¹⁹ Ram ma baba Hezron Aminadab ma baba Ram ²⁰ Nahason ma baba Aminadab Salmon ma baba Nahason ²¹ Boas ma baba Salmon Obet ma baba Boas ²² Isai ma baba Obed Daut ma baba Isay.