1
ma orasi o hakim-hakim ipareta,idadi bare ilalamo magena,yanau moi o Betlehem no o yahuda matonaka, yotagi yogoge o moabka,una de mapedeka de awi ngopa yanau yasinoto.
2
o nyawa magena awi ronga o Elimelek,mapedeka mironga ongo Naomi, de mingopa yasinoto manga ronga Mahlon de Kilyon, o binyawa Efrata o betlehem o Yahudaka O Moabka,
onakadoka yogoge.
3
pasa de o Elimelek wosone ongo Naomi maroka, demuna mogogoge dede ona ngopa yasinoto.
4
de ami ngopa yasinoto madehe o ngopedeka o Moab no.o ngopedeka mimoi mironga ongo orpa de masinotoka ami ronga ongo Rut.ona yogogoge kadoka madeka o taung mogiowo.
5
pasade ami ngopa yasinoto o Mahlon de o Kilyon,yosone kagena de o ngopedeka magena midongosaku ami ngopa yasinoto deami roka.
6
tekade momasadia de momotdoka yasinoto yoliho o Moabka,sababu maJou wa nano awi umati de wahike o ino .
7
muna moma ma jobo demi riho kikiaka muna mogoge de ami modoka yasinoto, ona manga dodagi marabaka yoliho manga doku o Yahudaka.
8
Naomi mo temo ami modokaka yasinoto,"notagi, de nioliho nia tahuka denia awaka.tanu o gikimoi winigalusiri nginika.koloko ngini nisi dumu ka nyawa yo sosoneka de ngohika.
9
de o gikimoi winihikeka nginika o riho deminitolomu moi-moi niatahuka de niaroka."de muna mahame onaka de ona loyo ari manga iliilalamo lo isupu.
10
ona yo temo munaka,ngomi lo miliho dedengona ani bangsaka kagena.
11
kagena de ongo Naomi motemo,"niolihola ai ngopa-ngopa.dado ohaso so ngini nimote dede ngohi? ngohi done he topuo kawa o ngopa yanau idadi ani roka.
12
niliho ai ngopa - ngopa nitagika,sababu ngohi iperekika so nako dei roka tanu ngohi ai harapan de ma ena ai siningaka, ngaroko idadi o putu manena de ai roka,de topuo Ai ngopa yanau,
13
deno damaha sidago o ngopa magena yabilago? so de magena ngona nomatahan de no modokawa? Ai ngopa-ngopa upa komagena.sababu mangaku ka de mamali matero ngona,sababu gikimoi Awi gia woilawan ngohika.
14
ona yoari manga ili ilalamo lo i supu.kagena de ongo Orpa madunu momi hame, duma ongo Rut momasigapala una ka.
15
Naomi motemo kali,"nomi nano ani dapu molihoka ami dokuka de nia gikimoika, nolihola ani dapu nomi mote.
16
de ongo Rut motemo, upa noi sulo toni doloda ngonaka, de noma giliho de nomi mote ngona, sababu kiaka ngona notagi kagena lo ngohi asa tahika. kia kaka ngona niduputu, kagena ngohilo iduputu, ani
17
Bangsa lo to ngohi ai Bangsa ani Gikimoi lo tongohi ai gikimoi.de kagena lo ngona nosone, ngohi lo kagena tosone deipoosu kadoke,nako magikimoi woi si hukum ngohi de ifoloi magena da ngodu,de nako ngohi nisiritinga dede ngona lebebae katosone.
18
de ongo Rut manano de ma nako de mosininga mo tagi dede muna moholuka motemo munaka.
19
so ona yotagi yasinoto yaado o Betlehemka kagena de ona yaado kadoka o Betlehemka o nyawa yangodu yo sawang,de obi ngopedeka magena yotemo, ongo Naomi magena?.
20
de muna motemo onaka, upa niaso ongo Naomi, duma ongo Mara, sababu magikimoi woi hike ai oho damali poli.
21
ngohi to tagi de ai sininga daloloha, duma o gikimoi woisigiliho de aigia maraba ihiwa, doohaso noi aso ngohi "Naomi," dema gikimoilo au gogelelo wosidolaka.ngohiku awi kuasa wosi mane de o badu woihike ngohi ka.
22
de pasa de ongo Naomi de ongo Rut yoliho,o ngopedeka Moab, momo doka,de momi ngaho yoliho ami doku ka o Moab ka.ona yaadoka o Betlehem ka, manonoma ka musim youtu o gandum.