1
Sababu, wange magena ya ado teroko o uku i sosora. De o nyawa yo ma papade de o dorou ya a'aka asa done yo ma'aka tero ko gota ma age. Ma wange ma gena ya ado de asa ya si dutupu, ma Jou awi demo, de asa ngai moi lowa ali yo dongosa ku ma ngutu de ma uma.
2
De done, ngini nio momodo Ai ronga , de asa o loha ma darangi de o buturu ni duguti nia giaku. De ngini asa ni supu de ni masi tutudu ni ma aka tero ko sapi ma ngongopa ma kurunga no asa ka isupu.
3
Ngona asa na si dodipito o nyawa yo dodosa sababu ona yo ma aka teroko o ga'apo ani tdohu ma soha ka, ma wange ta sosadiaka, ma Jou awi demo.
4
De ni sosininga o Taurat ma bobita ma Ai leleani, o Musa, o Horep ma tala ka de tou solo wini si ngangasu Ai umati Israel ka, ena gena o bi tatapu de o bobita.
5
Done asa, towi sulo ma nabi Elia ngona ka ma o,rasi done ma Jou wi wange i lalamo de po dodo dato ya ado.
6
Una asa wa aka baba-baba manga sininga yo giliho ngopa-ngopa ka de ngopa-ngopa manga sininga manga baba ka la done upa si dago Ta hino la o dunia mana Ta ngapo bati i sisa.