¹ Komanena, ma Jou Awi demo o Israelka de o Maleakhi o sidofa. o Gikimoi o Israel wadodara ² "o ngohi tini galusiri ngini,"ma Jou wi temo. Duma, ngini nitemo Ngona no galusiri ngomi?" o Esau magena de o Yakub magena imarigia nongoru dasowo?" ma Jou wotemo." duma, Ngohi to wi galusiri o Yakub, ³ de ngohi to wi dupa wa o Esau. ngohi asa taaka o pidoka ikilato ma hiwa, de ma pusaka lo ta aka o boleuka. ⁴ Nakoso o Edom wotemo," ngomi mi waro-waroka,duma ngomi asa misimomi kali mia sangisara no," komagena ma Jou laha tala wi demo. "ona asa ya goko kali, duma ngohi asa tosi turaba kali,to ona manga Daerah asa isi ronga"Daerah datotorou", de o Bangsa magena o bala yadahe sidago sidutu ikakali. ⁵ de nilako maserete ngini asa nikelelo deno temo:"ma Jou duru wo lamo sidago o Israel madudu ka. O Binyawa Ma Jou Awi Horomati Kawa ⁶ "Mangopa moi wi sihoromati ma baba, de gilalo moi wisi horomati ma tuangi. ngohi ani baba kikiaka ani horomati? nako ngohi manena ani tuangi, kikiaka ani rasa modo ngohika? ma jou laha tala wi demo, ngonaka, he o Imam- imam Ai ronga nisi tura.duma ngini asa ni masano, "dodooha ngomi ni situra ai ronga?. ⁷ ngini nia aho o roti datotorou Ai mesbah madokuka, de ngini ni temo idadooha so ngomi mia aka datoru?" de mima pikir, ma Jou Awi meja aku posi ceke!" ⁸ Nako ngini ni si suba o Hewan ipipilo idadi nia suba magena o manara madorou dasowo? nako ngini ni suba o balihara i cucuga de popanyake, magena o manara madorou dasowo? hika ni si diado nia bupatika, una aku wini simote de wini tarima daloha? Ma Jou o dunia isidadadi. ⁹ Sababu magena,"hika la nisimu utdu o Gikimoi Awi sininga la una wagalusiri ngoneka!"sababu de Ani gia dangodu manena idadi.to ngaku wa una magena waterima o nyawa moi ngini no de wi tarima daloha?.o Gikimoi Awi sininga la una wagalusiri. ¹⁰ Nako nia si dongirabaka la kanaga moi wo mau o ngora wa peresu de o uku wa sora Ai suba ma mejaka, ka parasaja ngohi tini dupa wa, Jou o dunia wosi dadadi wotemo, ngohi ta holu ta tarima o suba ani gia no. ¹¹ Igogou, o wange ibao o kore mie mabati o wange itumu,Ai ronga ilamo o Bangsa-Bangsa ma dongiraba ka. o riho dangodu ka o dupa yo si suba de yo si suba manga gaso mangale Ai ronga de lo o suba ya o otdo de datetebi, sababu Ai ronga gena ilamo o bangsa-bangsa ma dongirabaka, Jou o dunia wosi dadadi wotemo. ¹² Duma, ngini nisi faja de nima pikir," Jou Awi meja gena da faja de o ino kagena lo aku nisi ceke!" ¹³ Ngini ni temo,"nia nano, isusah icarawa!"de,ngini ngohi nisi susah, Jou o dunia wosi dadadi wotemo. ngini nia aho o haiwani yakokoora, haiwani icucuga,de haiwani ipopanyake idadi nia suba. done ngohi aku tatarima nia gia no? Jou o temo.Ya ¹⁴ kutuk o nyawa yo titipu, to una awi haiwani manau moi awi biara marabano, wosi niatika, duma mosi suba o haiwani datotorou ma Jou ka.Ngohi manena o kolano ilalamo,Jou o dunia wosi dadadi wotemo. de Ai ronga gena yo modo o bangsa-bangsa manga dongiraba ka.