1
O wange mogiowo de saange, o ngo osa mogiowo de sinoto, ena gena o Adar ma ngoosa, ma oarasi ma kolano awi pareta de o bobita ya aka. O wange magena o Yahudi ka manga saturu yo ngongano, ona done o Yahudi manyawa ya si kala ona done ma nyonyata, de o Yahudi manyawa ya si kala, o nyawa ya doduhudu.
2
O Yahudi manyawa i ma tolomu manga kota-kota ka, ma kolano Ahasyweros, awi daerah da ngoduka, la manga saturu ya to'oma de manga edekati gena ya si cilaka. O nyawa moi lo ya aku wa ima puturu eko ima tatau, sababu o dodato de o bangsa magena da tdapatdu ku.
3
O daerah manyawa i lalamo, o bobareta, o bupati de o kadato ma bobareta o Yahudi manyawa ya riwo, sababu o Mordekhai awi motdo de wi dodato ya tdapatdu ku,
4
sababu o Mordekhai foloi wo kuasa ma kolano awi kadato ka,, de o habari mangale una yo gi esa o daerah dangodu ka, so koma gena, o 5
Komagena, o Yahudi manyawa manga saturu (musuh) ya ngodu ya taito, ya to'oma de ya binasa ; ona ya aka mote manga sininga ma mau, onyawa ona ya doduhudu ka.
6
Ongo Susan Ami kadato ma rabaka o Yahudi manyawa ya to oma de ya binasa o nyawa ya ratu mori toha,
7
de lo o Parsandata, Dalfon, Aspata,
8
Porata, Adalya, Aridata,
9
Parmasta, Arisai, Aridai, dan Waizata,
10
O Haman awi ngopa ya nau ya mogiowo, ena gena oYahudi ka managa saturu.
11
O wange magena, o nyawa ya toto'oma o Susan Ami kadato ka yo si ngangasu ka ma kolano ka.
12
Ma kolono o temo ango ratu Ester ka, o Yahudi manyawa ya to'oma de ya binasa ka o nyawa ya ratu motoha, de o Haman ma ngopa-ngopa o Susan ma kadato ka. O kia ya aka ma kolano awi daerah ka ma so moaka ? orasi ma nena o kia no gogolo ? magena asa ni hike. okia ni gogolo orasi ma nena ? magena asa ya tiai.
13
Ngo Ester mo sango, " kolano, nako ka i dadi de, O Yahudi ka manyawao Susan ka na si aku la i langi de yo mote mote o aturu o wange manena de tdohaka, la o Haman mangopa ya mogiowo ka magena yo si suru de ya liko o golingasunka."
14
Ma kolano osi bobita, so o hal magena asa ya aka. O bobita magena isi tatapu p Susan ka de ona ya liko o Haman awi ngopa ya mogo owo magena.
15
O Yahudi manyawa o Susan ka Ima tolomu kali, o wange ma mogiowo, o Adar mango'osa, de ya to'oma o nyawa ya ratu sa'ange o Susan ka. Duma manga arata ya koora wa.
16
O Yahudi manyawa ya somoa li, yo gogoge o daera daerah da ngodu kalo yo ma tolomu de manga rimoi yosi puturu sidago ya make o sanangi, o bi nyawa ya sasaturu no de lo ya to'oma ya cala mori tumudingi de motoha (75,000), o nyawa ona ya doduhudu, duma manga gia ya toa wa eko yo ko'ora.
17
O hali magena idadi o wange ma mogiowo de saange, o Adar mangoosa ka. O wange mogi owo de iha, ona yomatogu de o wange magena isi tatapu idadi o otdo ma rarame de o nali de o more ma wange.
O PURIM MA WANGE ILALAMO
18
Duma, o Yahudi ma bi nyawa kanaga o Susanka ma wange mogiowo de saange de mogiowo de iha o ngoosa magena ona yomatolomu. Ma wange mogiowo de motoha ma ngoosa magena ona yomatogu de o wange magena ona yositatapu ma ngale idadi o otdo-otdo ma rarame de o nali ma wange.
19
Sababu magena, o Yahudi ma bi nyawa ode o dokuka yogogoge, o wange ma mogiowo de iha o ngoosa Adar yosidadi o nali ma wange ilalamo de o otdo-otdo ma wange ma ngale o ino yomatekekodota.
20
O hali idadadi dangodu magena o Mordekhai walefo de o bi surati wosidingo o Yahudi ma bi nyawaka ode ma kolano Ahasyweros awi daeraka yogoge, bae idudumuka eko ikakakuka,
21
de bwasi patutu la ona isilamo o wange ma mogiowo de iha de lo mogiowo de motoha o Adar ma ngoosa o taong isigeto-geto,
22
sababu o wange magena o Yahudika ma nyawa yamake o dame de o sanangi manga saturuno de o ngoosa magena ma rabaka. O duka idadi o more, de o duka ilalamo idadi o wange ilalamo. Ona bilasu o wanga-wange magena yaaka idadi o wange ilalamo, o otdo-otdo de nali de more ma wange, de o ino imateke komkodota, de lo o ngongike o nyawa isususaka.
23
O Yahudika ma nyawa yamake o kia yaaakaka de Mordekhai walefo onaka.
24
Igogou o Haman o Hamedata ma ngopa o Agag ma nyawa magena, ena gena o Yahudika manga saturu, wosidailako wabinasa o Yahudi ma nyawa de o pur waumo, ena gena waundi, la nasisusa de wabinasa.
25
Duma ma orasi ongo Ester mahino mowirisima ma kolano, una ma kolano wosibobita de o surati, la o dailako ma dorou o Haman waaaka o Yahudi ma nyawaka yakiliho awi sahe ma tdokuka, sidago o Haman de ma ngopa-ngopa yasidapaku de yaliko o golingsuka.
26
Ma sababu magena, o wange magena isironga o Purim, ma sihino o demo o Purimno. So komagena dangodu isilelefo surati magena ma rabaka, bai yakokelelo, komagena lo yajajame,
27
o Yahudi ma nyawa isitatapu de yatarima maro o bobita onaka de lo manga ngopa de manga danoku, de lo o nyawa yangodu kiaka yomateke rimoi de de onaka. Ona asa yatilakuwa isilamo o wange sinoto magena o taongu isigeto-geto, ma tero maro isileleffo o bobita ma rabaka, komagena lo o orasi isitantuka,
28
de o wange-wange magena bilasu yosininga de yosilamo o ngopa de o dano o keluarga, daera de lo okota. O Puri ma wange yaakuwa yawosa de yatilaku o Yahidu ma nyawa de yososininga ma ngale o hali magena de yaakuwa yapiki eko isisa manga ngopa-ngopaka.
29
De ongo Ester,o Abihail ma ngopa de o Mordekhai,o Yahudi ma nyawa magena o surati yalefo de manga kuasa, de isiputuru de o surati ma sinoto ma ngale o Purim ma wange ilalamo.
30
De o Mordekhai o surati o sidingo o Yahudi ma nyawa yangoduka o ratumoi de monahalo de tumudingi ma daeraka, ma kolano o daera, Ahasyweros awi paretaka, de o dame o sanangi, de o banari ma demo,
31
de isitatapu o Purim ma wange ilalamo ma orasi, matero maro o Mordekhai o Yahudi ma nyawa magena wasitatapuka, de lo ongo Ester. Imatero ona isitatapuka ma ngale onaka, de lo ma ngale manga ngopa de manga danoku, ma ngale o puaasa de manga gari ma wange.
32
Komagena ongo Ester ami bobita isitatapu o Purim ma hali, de o hali magena isitatapu o buku ma rabaka.