¹ Putu magena ma kolano awi kiolowa, sababu magena o awi nyawa wi leleani masulo o buku mangale o kadato ma jarita yaaho, la wi dabaca awi simaku. ² Ma buku ma jaritaku yalefo sababu ipaparaka o Mordekhai na ongo bigtan dan Teresh, de ma kalano awi susulo, ngaro yo jajagana ya bi singangasu sababu tanu makolono awi tooama. ³ Da baloku de, ma kolano wo sano: “o Horomati de o lalamo kia ode wihike sababu magena? De ma kolano awi leleani yotemo kia-kia wa ode o Mordekhaika awi hike”. ⁴ De makolano wisano: “nagoona o lolohaka? o orasi magena, Haman asaka o Kolano awi kadato ma lolohaku wa wosa. Ma ngale ma kolanoka womasigolo latanu o Mordekhai awi liko de wisuru awi sosone ka o gota ode wasi belo da boboloku. ⁵ kolano awi leleani awi singangaru “ nou nano ma Haman o loloha kawa ma okoku “ de ma kolano wotemo nisulo wowosa. ⁶ daboloku de o Haman wo wosa de ma kolano awi sano. Haman o kia ma ngale o nyawa de ma kolano awi siningaku ya dahe awi horomati? De Haman awi sininga marabaka wotemo, o nyawa nagoona na makolano awi sininga yaaku awi horomati na ifoloi tero ngohika? ⁷ De Haman ma kolano awi sango, ma ngale o nyawa moi de ma kolano nohoromati. ⁸ Nou dohakala o juba ma kolano wa papake na, ode ma jara ma kolano wa papane de o tuwala ma lalamo awi saheku nia singado. ⁹ de, idohakala ma juba de ma jara manena. Kadato manyawa ode ilalamoku awi gia ma soha ku ya hike. De daboloku o nyawa ode ma kolano tanu awi horomatiku awi sitiba. Dabolo kuli de o garaku niu sibaneku la ngeko-ngeko o kota marabaka niu sigiloli de niu si nenere awi simano. Komagenala yaaka ma nyawa ode ma kolano tanu awi horomati. ¹⁰ makolano o Hamanka watemo “taika, o juba de o jara no tetemoka, na dehe, de na aka dangodu magena o Mordekhaiku. o Yahudi ma nyawaka magena, de kagena naga o kolano awi kadato ma ngora ilalamoka. Upa na wosa ngaroko ka ngai moi mangale o kia ade no si bobicaraka magena. ¹¹ ma Haman o juba de o jara wadehe. De ma juba magena ma Mordekhai ku awi si tiba, de awi ngaho wisi giloli o ngeko-ngeko o kotaku de Yosi mote wisinenere awi simano. “ komagena na ya aka mangale o nyawa de ma kolano tanu wi horomati. ¹² Daboloku ma gena o kolano awi kadati mangora ilalamoku duma o Haman o matai-tai awi tahuka woliho de awi sininga peleso de awi sahe watalakeku. ¹³ Haman, ma petdekaka ongo Zeresh momisijarita dangodu awi dodiao. Da ngodu de wamake nyawa-nyawa de yopapade de zeresh, ma petdeka awi sitemo”nakola ka o mordekhai de awi simaku lo no solano no turakah, sababu o yahudi ma nyawa sababu nou aku wa nou si kalah. igogou done no tura awi sima-simaku. ¹⁴ ma orasi awi demo, ma kolano awi leleani ibola, de ma Haman awi ngaho o otdo ma rarame de ongo ester ma boboloka.