Nasihat Untuk Sehati dan Sepikir ¹ Ra kanaitua ama usato-usato'u o'tawi'u Ra kanaitua ama usatu-usato'u ino'tawi'u tai'nia inorendomo'u, no po'oali moela kuno bangga, potikero po'ohoso o'huangia Tuhan. ² Aua tutu mo'harapu oni Euodia tai'nia Sintikhe suwuli sumomobolo mo'pia o'huangia Tuhan. Tantu a'u mokole o'nimu sahabato-sahabato sojati'u, ³ tulungempa wowa-wowa i'taye sebapo isatolu rono karija mosokato tai'u demi molayani no Injil, tai'nia nohota'I Klemens ku tota'i-tota'i sopokarjana tai'u ingka roma i'wania, ku raito-raito'nia rono tuliso o'huangia buko kehidupan. ⁴ Poelaro turuso o'huangia Tuhan. Ulango pokumau poelaro! wuleromou pia'nia kina ⁵ nimu otawa sohuoro momata. Tuhan ro noriko. ⁶ Aingka mohuatero ra'anu'o no'ali. Sebapu, Ohuangia ondaro i'tua popnyata onda inokina o'ni toku Handa'I (Allah) huangia do'a ku permohonan tai'nia mo'syukuru. ⁷ Damai sejahtera toku Handa'I (Allah) ro'noilimpaso ondaro pengertian momalihara kina ku pikirango nimu huangia Yesus Kristus. ⁸ Ahiri'nia usato-usato, sohuoro mo banari, sohuoro ro mulia, sohuoro ro'noali adili, sohuoro no suci, sohuoro no gaga, sohuoro ro'no sampurna, sohuoro ro'no terpuji'o, pikirompa sohuoro i'tua. ⁹ Anu'o ta nopalutou itolu no'balajaro, tarima, rongoka, ku mosile nongko a'u, takando sohuoro i'tua, sebapo toku Handa'i(Allah) sali'nia mopopia, moposango totapo mohotai onitolu. ¹⁰ Au'a tutu-tutu mosanango o'huangia Tokukawasa (Tuhan) o'masaya, ahiri'nia i'tolu no'ngongke perhatian ona'o. Memang, nopalutou nisio i'talu no'ngongke ona'o, tonga itolu nda o'wakutu. ¹¹ A'u mokuma halo iye nisio moni inoraisa, sebapo a'u ro'no balajaro mopopo sukupo no watanga'u ampa walianu mai hampi'ai. ¹² A'u motau anu'o artinia inoraisa, ku a'u motau anu'o artinia nia lebe. Huange ondaro maihampai, a'u no balajaro rahasia sosumobolo mosusukupa, apa rono wosuko mongo mokoke, ampa sumombolo mohuo noroi mongo nda roi. ¹³ A'ua mo'mampo monaka ondaro sebapo Ota (Dia) no'ngongke no'hoso ona'o. ¹⁴ Ampa, kanaitua itolu mononaka barango mopia meiwako mohotila onda inorasangku. ¹⁵ Itolu kikina motau, jemaat Filipi, ta mulai'nia mo narima no Injil ta nopalutou a'u nonala kampungo Makedonia, ndearo jemaat meiwoko mohotila onda inorasa tai'u o'halo mongongke ku monarima, wali nga itolu. ¹⁶ Amparo no o'kota Tesalonika, itolu wai nongkirimo no bantuan guna posumbolo'u ronolebe einsa. ¹⁷ Padahali nisio bantuan itutaitua sialongku, tonga a'u mosialo, wungania guna mopo o'solako untungi nimu. ¹⁸ A'u romonarima bayari'nia mosukupo, nisio meilebe. A'ua wai ingka onda sohuoro parlu'u sebapo inongke nitolu nokirimo ona'o no pi'iriko Epafroditus. Nongongke nimutua noali persembahan moumuto, korban ta notarima, ku mo'osanango oni toku Handa'I (Allah). ¹⁹ toku Handa'i u(Allahku) ro nopopoingka onda parlu'o nimu mouhi no kokayaan-Nia ta tutu momulia o'huangia Yesus Kristus. ²⁰ Kemuliaan o'ni toku Handa'I (Allah dan Bapa) ni'tontolu tetapo mo'turu-turuso. Amin. ²¹ Po'hapuso salam nami onda ta momata mo kudus o'huago Yesus Kristus. Salam buat o'nimu nongko usato-usato soiman ta ingka nohota'i ta'iu ononi. ²² Sohuoro momata kudus mongirimo salam oni'mu, lebe-lebe isatolu ta nokarija mosoliwiro o'istana no pamarentah. ²³ Anugerah nongko Tuhan Yesus Kristus hota-hata'i o roh nimu. Amin.