1 Yaku nia komian mo kitayo ko sakisauan akibat tongkat Nalitannano. 2 yana telah singee tukon yana bahaya yaku doi kalipatan tukon bolikon doi madialan lolomo. 3 tatukon doi salanggu yana akalio kolimana moda-modalunggon sasamba kooloyo. 4 yana kubaiyomo kesail tukon kolitonggu motiss yana lotoyomo ko buku-bukunggu. 5 yana musuho tukon sangggupi yaku tukon kona mosopotan tukon konamalingan. 6 yana kubai yaku dungaol doi nakalipokanan pokana yanila mo molumbito namate. 7 yana pagare yaku suano akimo kumala kaluar yana kubayodaku rante-rante babarat. 8 tobikon yaku uwang tukon yaku banggabi pertolongan yana aki nalengele daku semboyangan. 9 yana pepelemo daku ampakonan tukon batu-batu mopingtol yana kubaiyo lolon-lolon satapak polipatek. 10 Pokana meng ko beruang, yana momolo doi na totilian pokana meng ko singa doi natampat basokonan. 11 Yana supete ko ampakonan tata-tatale yaku tukon kubai yaku matul. 12 Yana binggakene kona pona batango tukon yana kubaiyo yaku sasarannapanah matano 13 Yana tikee daku ginjal tukon anak-anak panah doi na baabosan anak panah. 14 Yaku teali bahan kokumbitan bagi sasaibino ko bangsa nyanyian potutulai yanila samba kooloyo. 15 yana telah kona yaku na mosopotan yana kubaiyomo yaku kumalanggu tukon ipuh. 16 Yana totoyomo kongolingu tukon kerikil tukon yana kubaiyo yaku papdiku doi abu. 17 konoanggu dinonggon doi paseongan yaku toliminggene kona senangan . 18 Yaku basilingan " Daku kokuanan lapuso Bunomo diya daku monyian doi Temeneno." 19 Neneke daku sakisauan tukon daku ndelungan ipuh tukon namosopotan doya. 20 Noanggu banggadudul kupikene tukontambul doi yaku. 21 Langge nian niamo yaku neneke doi kupopikikon tukon diamo yaku moynyikene . 22 Poseang TEMENENO akina pernah kabus kona paseang akina pernah kabus. 23 Koluano selalu boolu samba kadodoa, TEMENENO satia tuuno. 24 " TEMENENO anoon kubagian" noanggu bantile " Tobikon doya yaku manggaa doi yana". 25 ' TEMENENO do monondok doi mian mo toliliyo yana tukon mian mo umboliyo yana . 26 Lebe monondok montolali tukon nyai ndaiyos keselamatan doi TEMENENO. 27 Lebe monondok meng komolane na tanggunge kona langge mobabarat doi waktu napau maranean. 28 Tinggalemo na duduk susungo tukon akina biak susungo karena yana konoikene doi bungkut. 29 Tinggalemo yana abase kosungoo doi abu kokidon dano konda hinarap. 30 Tinggalemo na bekene ko papaino doi mian mopukule tukon tinggalemo na moono hinaan. 31 sebab Temeneno akina tolayo untuk posidudukan. 32 meskipun seandainya yana sebabkanggene ko susah yana seseyange tuneo sesuai kona seang mobadang. 33 Sebab yana akina rela nahinukum atau mokubai susah pau-pau manusia. 34 Suane namanase doi ainyo adeno sasaibino jawaban doi lipu. 35 Suano abase doi bibit komian nahak doi salano mian mo talandak. 36 Suano natuenge meng komian doi naperkara lalongo Temeneno akina loyngiyo. 37 Nye miano mobasilingan tukon kubaiyi kona silingan tiali kalu Temeneno akina mobotokan? 38 Bolikon kai nia dari yang mahatinggi bahwa momonondok tukon molokis lubat. 39 BUlandokon komian mo tubo mengeluh ketika yana hinukum karena nadosa-dosa? 41 40 Mai kita palesayo tukun kita selidikeyo konde lalon-lalon tukon alling doi TEMENENO. 1 Mai kita binggate konoanggita tukon limanggita doi Temeneno doi surga. 42 Kami salomo mata kami nggimal tukon ikoo akina ampunio. 43 Ikoo bubungio kodili-Mu susumu tukon lilitan tukon lelenggene kami serta akateo tanpa rasa seang. 44 Ikoo bubungio dilili-Mu susumo tukon bunen tukon kiano kosembayangan motadule. 45 Ikoo kubaiyo kami pokana ko morosot tukon mengirit doi bangsa tatangano. 46 Saisabinokonggai musuh yanila bukayomo ko babanggila doi salanggami. 47 Komatakutan tukon kosinasakian lubato pisasaiyo kami na mainosan tukon nahancuran. 48 kelombaan komata loloa bulus doi matanggu sebab namanasan ko bangsa-molukene. 49 Komatanggu akina berenti konalombaan tanpa berenti. 50 Polong TEMENENO kitayo doi adeno tukon kitayo dari surga. 51 Matanggu kubaiyo susah sebab saibino komomoluto doi kota. 52 Daku musuh-musuh kio na sebab lolongganaku pokana meng kolomisi. 53 yanila aisanaku mene yaku motube doi buang lalomo tukon sakule yaitu tukon baju. 54 Paisu toduap laise koalunggu yaku basalinganmatemo yaku. 55 Yaku uange ko sambumu ya TEMENENO doi buang lolomo. 56 Ikoo lengelemo koalalonggu nyai mo seekene kotelingamu doi konggaleamonan makabi tolong 57 Ikoo lolani ketika yaku wange Ikoo, Ikoo basilingan,'nyai matakut!' 58 TEMENENO,Ikoo belayomo kuperkara-perkara noanggu Ikoo toiyodaku tuboan. 59 YaTEMENENO, Ikoo kitayomo kunyakatean,adilliyo daku perkara. 60 Ikoo kitayomo sabino pembalasan yanila saibino konapai rencana terhadapku. 61 Ikoo lengelemo konapai honaan, ya TEMENENO, saibino konapai rencana terhadapku. 62 napa silingan para penyerangku, tukon konapai pikilan lawane yaku samba ko oloyo. 63 kitayo napai dudukan tukon napai kokondongan, yakumo napai objek sinasiboli lagu-lagudo. 64 Ikoo balase yanila, ya TEMENENO , pokona tukon napai kokubai limanggila. 65 Ikoo benaa yanila matikan konoanggila, komu sumpah dano doi yanila bungkuto. 66 Ikoo lelenggene yanila doi Muliitan, tukon manse yanila doi TEMENENO na timbu adeno.