¹ Lubat Temeneno na salita doi Yunus kolualunggono na bantile: ² Kokondongo, potauso doi Niniwe do kota do mobabasal pelenggene doi loila kotetetba kumulapamo Yaku salitayo doi ko. ³ Kokondongo Yunus makana taus doi Niniwe pokakana tukon Temeneno nasalita. Niniwe do meng kokotano monondok kona babasal tolukooloyo na ampakonan na luasan. ⁴ Mulaimo Yunus mousok doi kotado posopokan kooloyo kona dodon na ampakonan. Yana mootunggul sangkap kooloyo Niniwe naikon minanaso. ⁵ Niniwe miano maanggamo doi Temeneno yanila moumumkangene napobapuasa tukon mapake toikkalung mau mian babasal mau kay poipoisik. ⁶ Bontikene salita do doi tomundo Niniwe. Yana bai bulus doi nabatumondoan na tanggale kona jubah makana mapake toikkalung kodilino olsulang doi abu adeno. ⁷ Bungkono tamundo parentano tukon tuano, mian-miano molongolikkene kopengumuman doi Niniwe. Banggapi tukon iyayon, lembu, sapi, tukon mbe-mbe, domba akinamola mokane kolobosamba tukon akina mola mo inume kopaisu. Banggapi tukon iyayon napa mapake kotoikkalung basalita nakabukuan doi Mian bisa tukon sasaibino komian moabali doi naloloon mo kulokis tukon kekerasan na kinobai. Tadu mbanggong ko Mianbisa mo bolio kona tetel tukon akina nggimal sampai ikita nia aki na silaka. ¹⁰ Salaa Mianbisa mo kitayo yanila motinggale kona lolon mo kulokis bay Mianbisa sesalio kona ukuman Yana morancangkangene doi yanila tukon yana kimonaukume.