TEMENENO UANGE YUNUS OMBULENGGENE ¹ Lubat Temeneno na silingan doi Yunus Amamatai na pau nabantile. ² bangung tauso doi niniwe kota mo babasal po serukanggene doi yanila sebap konakulokisan polongo doi yaku. ³ Bau Yunus basiapo taus doi tarsis dedenggene ko temeneno yana taus doi Yafo tukoh pososunggen kokapal mo Tarsus doi tarsIs. yana mo beale biaya naampakonan maka na tabalut tukon yanila doi Tarsis mo dedenggene temeneno. ⁴ Temeno molubatene kosukoi makansang, doi tobuy maka lubat kosokoi makansang doi tobuy sehingga kapalo adukon manas. ⁵ Lalabut doi kapalo matakuto tuuno, sasaibino mo uanggene komeng na ilah-ilah, yanila saku kene doi tobiy lalomo langge-langge dano doi kapalo Bay Yunus obulus doi bilit. ⁶ Lubat kapiteno doi yana na bantole,bulandokon ikoo molamo mo'olo tobosokon? banguno uanggene komu Temeneno tobikun mu Temeneno na kilayo ikita tobikon kita aki na silaka.BULANDOKON KO SOKOI MO TEALI ⁷ Po bantile ko mian doi mia bailon, maimo nda ba cabut undi sukano nda toyo indee komu salah tobokon kita kanakan silakaan.Yanila balambitan undi, maka undi do tuuk doi Yunus. ⁸ Basalingano yanila doi yana, botiken doi kami niako saato ndemiano mo kubaikita malaate kosilakaan, nde komu limang?nando mu luean? doya komulipu? tukon doi bangsa oila komu lubatan? ⁹ Yana timbilio yanila"yaku mian IBRANI yaku sosubayo ko Temeneno, mian bisa mo, mokonggukene ko timbu mo kubayo toboy tukon lipu". ¹⁰ mian-mian do teali matakut tuuno lalu yanila bantile"napa inde kumo lapamo ikoo kubaiyo?"sebab mian-miano do motoyo bahwa yana lapa dambasene doi temeneno salaano tobikon yana lapamo botikene doi yanila. ¹¹ yania mansaday, napa nde mola kami kubaiyo doi ikoo, supaya tobuy nateali tade tukon komu na serange ikami sabab tobuy polokkon makansang. ¹² kona solingan doi yanila,"Binggate tukon lambitene doi tobuy lalomo, maka tobuy nateali tade doi komuyu sebab yaku toyomo, tobokon yakumo kosokoi babasal naiya molubotio komuyu. Lalu mian-miano babose kabukuan mokanggio kokapal do moabali doi lipu. ¹³ Bay yanila akina berhasil kobokol polokon makansang moseraange yanila. ¹⁴ Yanila mansadai doi Temeneno na bantile Mianbisa naimokubai kami silaka.Tukun nai motanggungkangene doi kami sau miano mokio konasalan sabab ikoomo koTemeneno kumolakukangene tukon mu mongeasan. ¹⁵ Yanila mo binggate mbai Yunus maka yanila sakukene doi tobuy lalomo maka do sokoido tade. ¹⁶ Mian-Miano do moteali namatakutuno doi Temeneno.Yanila mebe persebahan iyayon mo binantal doi Temeneno tukon na bajanji nazar. ¹⁷ Temeneno mo tetapkan gene ko meng ko ikano babasal mo kuete mbai Yunus.Yunus dungolo doi ikano tiano lalom tolu kokooloyo tolu kopopook.