¹ Mietang adeng maveng angmuse polme adana Yesus ana bale kapernaum ila , ini vengmese mela ana ue hava mi . ² Angmuse nehe toang hoa taingveng kumpul sampai mana osing di niang ila tundil amulung angudi bae osing niang , bot ana hur hamulang angu ma vengimaring . ³ Nehe nu lamal ahala arunge nehe buta Aing tevang senge at ebele hoa . ⁴ Nehe toang ebele anguba ini bae bisat nehe angu at ila Yesus abang angu miniang angmuse ini mida ava odo Yesus adana angu abaleleng , ini abaleleng senge ini daiba nehe lamal ahala tangtia angu at hela . ⁵ Taangmi Yesus ana uling iomi anamang angu ateing angmuse ,ana metma nehe ba lamal ahala angu veng at mateng hula " hai noale , eahalang toang angu nehe vengampong ila" . ⁶ Arunge ahli taurat inang aedeng angmomi mihi angu , ini iomi ,mi vengangde. ⁷ Eatalangba nehe anga meteng aalang anga? ana ue hura manantisehi ! nubaba bisa nehe eahalang angu vengampong male lahatalah angu ba enang kolang ?. ⁸ Yesus ekavasa omimi nababa ini veng ukur iomi mi Angu ana tarus ateing ana metma vengiatmateng etalang ba ini veng aulang iomi mi angu ? ⁹ Etalangba lebe mi aung , metma nehe lamal ahala angu veng at mateng hula eahalang angu veng ampong ila , niange me at mateng hula , tahie etiang mana angu medi e lamal . ¹⁰ Aulang base ini malekang ateing hula manusia val angu ekavasa ae poralolang anga tang nehe ahalang angu vengampong , Yesus ana nehe lamal angu at mateng hula . ¹¹ Na metma veng at mateng tahi etiang mana angu medi bot ehava mi ila . ¹² Nehe lamal ahala angu mi hanakomi tahi , etiang mana angu medi ,angmuse nehe toang iapang adana angmi lamal via elami hela ingemampi iomi mamea sehi bot lahatalah tajaning vengbanang hula na alang anga ni bae ateing mi aiba jedung . LEWI YESUS AMULUNG ¹³ Yesus ana bot kolang adil angu mi ila bot nehe toang angu harut ebele hoa base Ana ing ajar . ¹⁴ Ana angmi lavat se ana uling leuri Alfeus oalangu ateing , ana ue blasteng bajar e mana angu mimihi sehi angmuse Yesus ana at mateng hula ma namulung angmuse lewi ana tahit bot amulung . ¹⁵ Bot Yesus ana ue lewi e hava mimihit naadang sehi angse nehe ba glastang bajar bot eahalang veng di toang ue apmiang di Yesus e me egahing vala ang naung imampi mihit naadang hamahama eveng banang hula nehe toang bot ing di Yesus amulung . ¹⁶ Taangmi ahli taurat metma Farisi inang aedeng uling se Yesus ana ue nehe eahalang venge bot blasteng medi ang naung iat mihit naadang sehi angmuse ini e gahing vala angnaung iadang taaning hula eatalang ba nehe ba blastang medi e bot eahalang veng ang ana iat mihit naadang ? ¹⁷ Yesus ana vengme angmuse ana iat mateng hula nehe ba mana angu ana bae molang vala angu parlu niang arunge nehe dila na hoa ang nabae nehe moloebele hoa niang arunge neheba jasi ahala. TAANING ME KANEMPEL ADANA ¹⁸ Yohanis egahing vala me Farisi ang naung veng ini ue kanempel seh nehe eadeng hoa senge me Yesus veng adang taaning eatalang ba Yohanis me Farisi ang naung i gahing vala veng ang naung ini kanempel se aing e gahing vala ang naung kanempel niang ?