YUDAS E AADA HAROMAT
1
Anga Yudas Yesus Kristus Egahingvala bot neserang Yakobus Metma ingba Timang Lahatala ing veng talail bot omi metma ijahi Yesus Kristus egariang omi mi.
2
Kilang Eomi met ma iijahi, tenang e eli mulenoa bot omi iijahi angu ana kilang metma mainang.
3
Kaku Naung na nomi metma iijahi,, nahula Surat metma mainang angu ping hama pi salamat, na malekang surat metma mainang bot naila banang aulangee iibalenta etatalit metma ii oomi venganamang anguba metma iat mateng minurot vengbanang eva metma ingba hamulang kadulang ang naung di i oba i aadana
4
Se neheba eele angnaung i oomi tang bae i a ava veng karuang niang benangba ingba neturang mi ingveng talail ing hukung. Ingba bae turang mi parsaja niang ang naung pi Lahatala ekavasa ebalenta elaleang angu ajajasing aba butung aulangee i oomi jasi angu akanap bot pi manaing Yesus Kristus e eele balolu angu ini veng ia.
5
Nahula Metma i vengaani erung kandati emampi angu iini ateing, hula pi maningba ing metma Mesir angu eaahalang, aulang aarunge mivea muse Ana ia meang angu i oomi bae aiing veng anamang niang angu ebele.
6
Bot ingba Lahatala egahing vala Sorgami ba bae Eparenta evia vengka ruang niang, aarunge iaava metma i mana ema molo angu e a ahalang angse Ana esar ejajehing angu metma ing parta ing metma kua kete omi angu mi jol eveng tahi eved eele angu ading.
7
Aulangdi Sodom bot Gomora bot bendar-bendar angmi angudi hula i oomi angu akanap hengi anguba va ila taingveng karuang niang anga ebeleba hukung ad ejajehing angu metma ioa iadana angu metma esuang ening.
8
Ing anga naung di aulang, idiri i ava bahi angu ajajasing aba butung bot nababa egunang niang anguba veng i oomi eparenta angu ini at hela mea sengiilaba va ila hamulang kadulang-huring jara angu ehura emananiti.
9
Mikael angu gahing vala Sorgami elumul vala, Musa ebaring angu ebele ana angmi setang at tota aulang aa runge ana bae i hura i manan ti niang arunge ana veng banang hula aulange pi manaingba iialil iiamara.
10
Aulang arunge neheba omi jasi ang naung ini naba-naba ba ateing niang angu ini ehura emananti eba ini ateing ini metma uukur jasi angu e eela ening eneng hula binangta ba bae e oo lang emang sari veng niang angu eda denang. Na alang angu ebele angu ba nehe ia musing ia jela.
11
Ing angu bae untung niang metma ioa ini va ila kain elamal etahi evia anguba oa boa a halamba toang rae Bileam ana ening anguba ingdi eamulung, bot i lumul ikavasar angu ebele anguba aaminang metma iaoa iadana emeng hula Korah molo.
12
Ing anga emeng hula karita angu eda denang metma taing veng toang pinat naadang ebalenta omi angu mi. Ini mod At tenangeeli angu ini bae veng iuang mari niang, arunge I diri iava bahi anguba ini veng iomi. Ing angu emeng hula bano aanuar veng niang angu eda denang eenar veng boning se ana vaila maila. Ing angu emeng hula teba e ooras mise ei hi veng niang angu eda denang, aminat ni aaru bot ahi lise ebariking emampi vengda angu eda denang.
13
Ing angu tange olang lumul tantang jehi e uurveng angu eda denang aulang di ia betang angu ingba ina ajajasing aba butung. Ing angu emeng hula iid emana mamo io veng niang angu eda denang kua kete eja jehing anguba metma i oa iadana.
14
Bot ing ang naungba henok Adam etabaning emibitu nababa ue jedung angu ana vembanang hula "Iini ieng uling minumise Pi mutu ana hoa bot metma nehe hamulang kadulang sorgami angu imampi,
15
huia nehe toang rae angu vengtalail sengilaba hukung metma nehe toang nehe raeangu vengtalail sengila ba hukung Metma nehe toang nehe rae ba ajabur kalamba angu ing tang mea, metma ikarajang jasi ba ini ening metma ijasi lahala veng mea angu bot ihur jasi ba ini vengbanang ue nehe toang neherae ehamami metma lahatala adana.
16
Ing aangu emeng hula neheba sukat nehe e navengpei bot nehe e ahalang a laping bot iomi ealil anguba eamulung angu edadenang. ing aangu eele bot nehe akal nehe kabule aulange ini hula untung angu metma i ooa.
17
Kaku naung serang naung iingba na nomi metma iijahi, iini malekang veng aani, nababa pikaku mutu Yesus Kristus eganing vala ang naung veng banang angu.
18
Ini turang mi iiat mateng iila, tangmi por burang evengtahise neheba omi jasi ahala ang naung ini hula tot va ila i oomi jasi, ia jabur kalambal anguba ea mulung.
19
Ing anguba ini eninghula nehe ot tatara, i oomi jasi poralolang eaamba ea mulung, bot Roh hamulang bae ingveng niang.
20
Aulang aarunge ingba, nekaku ne serang naung na nomi metma iijahi, tahi ee iidiri ii aava bahi angu metma iioomi veng anamang hamulang angu veng mea bot sambajang e Roh hamulang omi mi.
21
Ii diri iiava bahi angu gariang metma lahatala omi metma iijahi angu omi mi sengse baning metma pi Mutu Yesus Kristus eved aung hama eele balolu angu ading-aingba tapang pina metma aabetang eja jehing angmi tadu.
22
Aaung hama ba iingveng angu nabase metma ingba i oomi vang vang ang naung di metma maiinang.
23
Ingba nehe aba beung niang ee eba admi ang naung ing metma aad angue ahalang, bot ing abeung angu tomi metma tejajahi bot lahatala angu veng taku veng baliul angu metma i tubing ee itapeang, aulange i diri iiava bahi ba iioomi jasi ahala por alolange ening ajajasing aba butung angu oomi metma eaalahi iil.
24
Metma adana Aiing anguba eele balolu iing jaga iing buang auulange aaini ekang ba ekang, bot ana bae iing metma jasi angumi iiaadu niang aninge Ana iing metma omi ooa, mana huring jara bot suka navera.
25
Aiing anguba etatabit Lahatala ilva eedoni Yesus Kristus abung angmi hoa, pi Mutu, ehuring ejara, eele ebalolu, kuat daeri, bot eparennta angu ejajelung turangmi, vede anga, aot aulang ejehing emeang. Amin