PAULUS EH ADA
1
Naingba Paulus, Yesus Kristus eh sakola bai, Lahatalah eh jaling omi mi ingba nehe hamulang Efesus mi, ne he omi metma Yesus Kristus omi.
2
Aung hama, toang ahung suka nabera Hatala piLahatalah bot Yesus Kristus.
3
Timang Lahatalah, Yesus Kristus ing tajaning, aung hama mona maja lung, bot Sorga eh sadaka metma pi oa.
4
Por burang ue jeduung, ana ping veng talaita toot hamulang, bot eke kasita Roh hamulang omi mi.
5
Eh Halomang ana, ping veng talait pingohit metma oal ening ba ila Yesus Kristus, eh ial ing omi mi.
6
Ana metma etajaning eming, eh aung omi taangmi ana para surang metma ma pinang, ba ila Yesus omi mi.
7
Ene omi mi , ana talibal aunglaeh, ma eh pasaka hamulang ening.
8
Lahatala eh ande aung metma ping veng atotu lebe-lebe eh ande aung.
9
Ana pinaning pi tubino, Kristus aungeh hama ba, ana at lamal angu.
10
Yesus Kristus nababa ana, lamal angu oras nu mise, ana toang apina Sorga eh bot ala mula eh angu.
11
Yesus Kristus omi ping ametma eh pasaka ening turang mi, ana metma tapalai tila.
12
Au langeh pingba halomang-halomang, tomi metma Yesus Kristus vengmea, metma aing tajaning, aing palebang.
13
Ene omi mi, ingdi amal mamolo angu vengme, aing anguba slamat ehela, ih iomi metma venganamangi partat anung Roh Hamulang omi mi.
14
Roh Hamulang ia vaning, ing sai metma Lahatala o al ih dat ening, aing tajaning aing palebang.
15
Uang uh, eh bele nabanang iih omi veng aa namang ue Mutu Yesus omi, metma nehe Hamulang toang adana.
16
Naing veng ah ladil niang, ing metma ne sambajang omi mi.
17
Na sambajang metma Lahatala, bot Kristus Yesus, enang gulang eeh iih ande angu metma iih omi mi.
18
Na sambajang eulang eeh, iih omi angu ot jara sengeeh ih ing metma eeh pasaka eh ning.
19
Eh da eeri eehele aana metma mapinang toot tomi metma veng anamang.
20
Eeh ehle eeh daeri ana ma, tubing eng uba Kristus oot bale ameta nehe amina eh haltami, bot ana mida Sorgami imang atang tene out mi hi.
21
Lahatala e mihingma angu bot mi ele-mibalolu, bae ming manaba ae por alolong taang ole hama niang, bot Lahatala ene angudi mi elle mi balolu metma aangmi ametang eeh moe manengu.
22
Kristus eeh mampi angu, metma la ibang mea bot eeh boa ih pi, ena mapinang metma jemaat oong ening.
23
Eboa ih pini anguba eh mang-emang pi ue mi.