¹ Ge weka gang, nikung-nekau, sembayang met mi ning tagang seing gi Lathala ge sur ge dar gu user namar met mi gang plewang, pas ameng gue isama mi. ² Seing gi ning di ning mlai met mi ujakha-ujakha nmul nong guna gong ba ujakha egat gomi gnamang ninga. ³ Geguruang di, Lathala gong gue. Gang khadu kuat wrekeng met mi iena ing wenjaga karna ujakha nmul di gue. ⁴ Ning gana ge akhung weng iatutuk i brita gang ning niomi gat ninga guna gong ba ing di weng krejang ameng ning gana weng krejang ga gdenang. ⁵ Ninga se ge akhung ge griang gue nimang Lathala met mi Yesus kristus ge akhung gu gmurung. ⁶ Nikung-nekau, gana gang ning ang gaing asoi, Lathala ge sur ge akhung gu ba weng krejang, ing weta ake ploit-ploit naba ba ning met mi iatutuk. ⁷ Naba ba ning gana weng krejang ing gi gmurung ning krejang gang ning ploit-ploit ninga ping egat weng krejang. ⁸ Ning si gi mkanang di na ninga doi dena mi sgena di ninga. ⁹ Ge gboi gu, ning krejan getitibit wed treng gong gi ning ga nag khoa deng tewang ninga. ¹⁰ Ning ing weng e s'sama gong ning se gi sur ga weng iatutuk ; ing krejang ninga, ake nagna. ¹¹ Gong ba ning go wrakha ping weta ga ujakha deng go ploit-ploit ge krejang ninga, gang go ge benga-benga gu ba gang misi weng ukur. ¹² Ujakha ge gurang gu ning ga tutuk ning gwona Yesus Kristus gatang gomi mi. ¹³ Gang krejang gang ge mkanang gu ba na. ¹⁴ Ujakha-ujakha ning sur wentutuk gang, ujakha gu gang weng mulung, ujakha gu ake gang leba gong gi gang mniang. ¹⁵ Ge gurang di, ake su gang go e deng e dena ninga, gang weng tdumung met mi ikung e kau geni. ¹⁶ Lathala E akhung, E alus gu ang met mi nienat wed khanap, Lathala Gang ing weng jaga ing weng bukang. ¹⁷ Nang, Paulus, natang ga nang suring ge molo-molo met mi iena. Nang suring gu gegurang. ¹⁸ Anuhgera pi Lathala Yesus Kristus gang ing egat ing weng sama-sama.