¹ V1 Mimnaub sin he naluli noi ana aplenat ma akuasat, natuin ma naloitan na naob ale mo'et alekot, ² kan tek nale'uf tuafes sam sa,kan matoe, mahoe, ma namneo-namneo an hake nok lemah lembut noi ale tuaf ok-oke. ³ Natuin, nahunut hit at olel, ka tatuinah, at sek, nafsu huma-huma ma lasi mlilel an kuas kit, monit bi nanan lasi bulalug ma nekak ke an iri, ka malomi, kat malomi es nok es. ⁴ Mes on nan, neot athoes ma manekan Usnenog, hit Asoi sanat, naklil on, ⁵ In fe kit ao honis, ka natuinnfa mo'et am neot le hit mo'lel, mes natuin In manekan kun nok maboet na honis nafani ma afe'ug a Smana Knino. ⁶ le In nasanut te noi kit nok nat hoe an boni Kristus Yesus, hit Asoi sanat. ⁷ On i, leka namneob nalali kit nok In athoes, hit jali a simo warisan an matom nok afnekan lof monit le nabal-bal. ⁸ Aguab ije teb-teb namneo. An tom sa ije au lomi nam neo-namneo him palsai he nati sin le anpalsai nalaljen noi Usnenog nabe'i napep nanaob mo'et alekot. Sa-sa ije lekog ma an manfaat noi ale tuaf ok-oke. ⁹ Mes on nan, am tatis om mako matoes-matoes, anuan-anuan, sulij, ma matoes le olel antom aplenat Torat, natuin saan nane kan mui fa in ota ma pal sum-sum. ¹⁰ Noi tuaf le neki lasi mapeas, mimnaubbe haefes ai haef nug, nalili noko nane te mitsotu makon. ¹¹ Fun hi mihin tuaf on le nan nasekeb nalalje leh ma nahenu nok sanat, in neki kun hukum noi in tuane kun. Lekat amsopun ma Han hosen ¹² Leka au sonu nai Artemas ai nai Tikhikus noi ko, maunggom he um moikau mbi Nikopolis natuin au ufek ulaljen he umaike abi nane le selama olas mainikin nen te. ¹³ Nok ho be'ime ok-oke , am bab nai Zenas, ahine hukum nan, ma nai Apolos le anbi nanan lalan he nati sin kan kulan fa sa' nem sa. ¹⁴ Hit tuafen ne lo he na noni namep anbi na naob mep alekot he nati nabe'i sin nahenu sin palut noi monit nenog-nemog ma kan monif nok ka na fuah. ¹⁵ Ale tuaf ok-oke le nabua nok kau an sonu han hosen noi ko. Muteb au han hosen noi sin le an manekan kai anbi lasi palsait.Tetus nokan ki ok-oke.