¹ Nako ne Paulus nok ne Timotius on ne Yesus Kristus in ameput ten, noi ne Yesus Kristus in tog-tog knino apalsait tan nbi kuan Filipi ma noi atukus-atukus nok amepu klij: ² Tetus nok aomina nako Uis Nenog, hit Amaf, nok Usi ne Yesus Kristus in nokan ko! nanne ne Paulus in toti syukur nok in onen noi to apalsait tan nbi kot Filipi ³ Au usaeb totis syukur noi Uis Nenog nbi lekug tabug kalu au umnau it ki. ⁴ Nbi au onen totis noi hi ok-oke, au utnat nbi onen totis nok nek malinat ⁵ natuin mepug Beno Alekot him mepu mibua nakko mepug an fat non taleka lekug i. ⁶ Au teb-teb a palsai oi In le inan mulain mepu alekot ijen nok ki, In nam sa of es nak knino nbi ne Yesus Kristus in nenog. ⁷ Ante in in tabug len he au utenab noi hi ok-oke on i nbi au nekak. Nbi tabug le au fe a bi nanan pa besij ma nok lekug le au esi ki nok uhelan hi nekmen nbi nanan Beno Alekot, him mepu mibua mok kau gen nbi nanan Tetus Uis Nenog. ⁸ Uis Nenog In jali saksij noi kau, kalu au umnau ki nbi nanan manekan ne Yesus Kristus. ⁹ Au onen ak on i: Mes he nati nek manekat an ma sat ton ten, natuin hinef nok alekanan HIKMAT; ¹⁰ he nati hi mihin hem pili le amasat anesit, ma ho aom le nan kan le'uf namas nabalah nbi ne Kristus In nenog; ¹¹ ma napoi nok fuaf-fuaf amneot le neman boni ne Kristus Yesus noi In masan nok pules Nnoi Uis Nenog. Ne Paulus in mafena noi neki Beno Alekot ¹² Au benu bia, au lomit he hi mihin noi saan le an tomen anbi kau, moet nan in neki afena noi Beno Alekot, ¹³ es apaoten anbin ume sonaf ok-oke nok tuafen ok-oke nahinen nak natam kau es pa besij natuin ne Kristus. ¹⁴ Benu bia apalsait atuin nok abainesit sin nek ken naki anten noi Uis Nenog natuin le au tamas noi pa besij i, nok maloem teni he muton lasi Uis Nenog ka nok fa lasi 'mtaus. ¹⁵ Mes, an mu'i tuaf-tuaf le an saksi ne Kristus natuin nek unu nok naiti nekaf, mes an mu'i tuaf fam sa le nok nek alekot. ¹⁶ Mes kalu sin le naten ben alekot, sinan mo'el natuin lasi manekat, fun sin nahinen kalu an tao kau nbi i on afek lasij noi beno alekot. ¹⁷ Mes kalu le atenab amleut ten, sinan mo'el natuin an etun kanaf, ka natenben fa nok nek alekot kalu sinan lolu kau anuka noi kau anbi nanan pa besij. ¹⁸ Nu kalu on nan, mipeni sa? YANG PENTING ADALAH he nok CARA saan hah, he nataobon ai kahaf, ne Kristus nabenob piut, es on nan au umlil. es on nan of au umlile piut, ¹⁹ fun au uhin, kalu an boni hi onen-onen nok babat nako ne Yesus Kristus in asmanan, nok sa le an jaljen anbi kau nane an fani fetis noi kau. ²⁰ Afnekan le au palsaijel nane au ka upeni fa lasi maeba babaun nakon. Nafani on, au upeni maloet nok mahenu he ne Kristus, nok lekug i le an pules piut anbi au aok, anbi lekug Inan mon ai Inan mateh. ²¹ Fun kalu anbi kau, monit he noi ne Kristus nok mates nane neki penit sufa anae le'uf ²² Es on nan, kalu au he moni bi au aok i, nane of au he mepu he upeni sa es. Lalit, mele le au he piljel, au ka uhinleh. ²³ Au unuka a mat es lal nua en i, he pil. anbi au lomit he ufetin au monit ma utuin ne Kristus, natuin nane in nalekon nes. ²⁴ Mes on nan, noi hi, nalekon nes kalu au moni piut anbi monit au aok i. ²⁵ Nok palsait i, au uhin au ofa a toko ubua ok ki ok-oke, noi afena ma malinat anbi hi nek palsait. ²⁶ Kalu au fani teni eti oi ki, ofa hi minaeb bam tenjom anbi nanan Ne Yesus Kristus natuin au. am nek mese, nok am mepu piut ²⁷ Es on nan, hi he am moni mituin mo'et alekot le an matom nok Beno Alekot he kalu au fani um, ma u eku ok ki, ai kalu au ka um, au nen hanaf kalu him hake piut kam tatif nako asmanaf mese, nok nek mese, hem mepu mibua noi mepu nek palsait nako Beno Alekot ²⁸ Naikam fe menuan noi hi musug-musug hen hakatau ki, fun nane ofa teb-teb kalu sin ofa an mofu noin abola, mes kalu hi mipeni honis, tonas na nem nako Uis Nenog. ²⁹ Natuin noi ne Kristus, an fe ki jen kanugaf hem palsai noin, mes he himsat minuom noin. ³⁰ Es on nanet hit mipeni tu'as-tu'as papmese on le hi mail mitem nbi kau, nok le lekug i him nenel au fe usal.