¹ Salam nako nai Paulus, Tuaf le an bi paan natuin Yesus Kristus, nako nai Timotius,benu bia palsait mese, noi Filmon,bae benu ameput le haim nekki, ² nok nai Apfia, bae benunok nai Arkhipus,hai maut mi bua nok to slani le am onen mibua ambi ho umel. ³ Tetus ao mina noi ki nako Uis Nenog, hit Ama,nako hit Usif Yesus Kristus.Au toti syukur natuin palsait ma manekan nai Filmon. ⁴ Au fafe atoti syukur noi Uis Nenog neot ne nati mimnauki an bi au onen, ⁵ natuin au nen an tom palsait le hi muij an bi Usif Yesus ma noi tuaf-tuaf aknino. ⁶ Au onen he nati nekmese nabua anbi lasi palsait an moe mepug noi hinef le nahan an mui lasi alekot le anbi hit namneo tatuin Kristus. ⁷ Au umlile nanael ma au malin natuin ho lasi manekat natuin nakoho,Benu bia, nekaf tuaf-tuaf aknino le nalekon fan. ⁸ Onanet te, masi au palsait anaek anbi nanan Uis Nenog he nati hi mipeni aplenat le hi moe sa le anjal hom sutaij, ⁹ mas natuin manekan, naleko nes kalu au toti nakokog. Au nai Paulus--le umnasje, le tabug ij au jali atoni atam paan natuin Nai Yesus Kristus-- ¹⁰ au toti noi ko noi au anah, Onisimus, le au penjel neot au bi paan, ¹¹ le nahunut in ka mapakefa noiko mes mui ij teb-teb in ma pake, naleko noi ko ma naleko noi aum sa. ¹² Au leleug , on au nekak nanan hen fani neti noi ko, ¹³ Au lomi ke he u taug hen toko nokau he nati an seko hen tut hae kau neot au bi paan nanan natuin lasi alekot. ¹⁴ Mas kalu ka ho lomit, au ka lomif he unaob sasa he nati alekot nane mi naoba naik nok aseke, natuin lomit. ¹⁵ Oni nai Onisimus an faikas nakokog leku tukfes he nati hom simom fani talan te nabal-bal, ¹⁶ ka on fa atel anten anesi nako na, an fani benu amanekat,kanugafa au, anes-nes neu ko, ma lekog noi ao poaf ma noi Us Nenog. ¹⁷ Kalu hom pake kau on le soba ameput, amsimo nai Onisimus on le hom simo kau. ¹⁸ Kalu in moen sanen noi ko ai natus sasa noi ko, an sutaib noi kaug. ¹⁹ Au, Paulus, Au lul sulat ij eki kuk au nimak ka tek an fa ho tusa noi kaug, natuin ho monimme kum. ²⁰ Ia, Au benu, mautu nain an bi nanan Uis Nenog au peni alekot nakokog. Mumlileb au nekak an bi Kristus in nanan. ²¹ Natuin au palsait ho lasi palan, au lul sulat ije noi ko,natuin au hin of ho moem nes nako le au totis. ²² Tabug ij muloitan kau kean noikau natuin au ufnekan onen, lof anbineotes au fani um oikog. ²³ Epafras, au soba neot haim bi paan an bi Yesus Kristus au sonu salam noikog, ²⁴ noi nai Markus,Aristarkhus, Demas, nok nai Lukas, ma letuaf-tuaf le an mepu nokaug. ²⁵ Athoes nako hit, Usif Yesus Kristus,naki nok hi smanmen.