¹ Nako ne Yudas, nok ne Yakobus on ne Yesus Kristus in ameput ten, noi sin le In an pili sin ma an nek sin nok manekan Amaf Abal-balat, ma le an pafa/babi sin noi ne Yesus Kristus. ² He nati manekan, halinat nekaf, nok manekan nathoen nes an nbi ki. Uis Nenoh ofa an hukum le amo'e sanat sin. ³ Benu bia amanekat, sementara au lul mepu mafena noi ki natuin lasi monit hit ok-oke, au naben nat au he lul noi ki ma au toti ki he nati hi teb-teb mepu noi lasi palsait le naton kit haef mese talan te naba-bal noi tuaf-tuaf Aknino. ⁴ Fun, tuaf-tuaf nati sin naanep-pok ken nok le ka natenab nan ne, on le sin ahunut le an pili sin nen he an HUKUM sin, tuaf-tuaf le kan mu'if nek palsait ma le an mo'en san tetus hit Uis Nenog he nahenu in lomit pahapinan ma kan simo akuasat hit Usi, ne Yesus Kristus ⁵ Au he umnauba ki he maski hi minel len nok teb-teb, natuin Uis Nenog in nan fe honis noi in tog Israel napotan sin nako pah Mesir, mes lalit In namate sin le ka apalsait. ⁶ Ma, ahaket-ahaket abit neno tunan le kan naluli noi sin mahiun-mahiun kuasan, mes sin nasaitan nani sin bale umel, in futug len neki konelit abal-abalat nbi mesiokan le ka tail tit fa noi lefi lasij nbi neno naek amnemat. ⁷ Natuin pah Sodom nok Gemora, ma kot-kot le ahaumakat, le nahenu si lomit on lasi kakel ma naen natiun lomit le ka alekot, sinan simo nalali ai abal-balat on aleta. ⁸ Mes on nanem sa tuaf fen i, nafnekan sin smanken, nale'uf sin aoken, an tita kuasat, ma na'akan alekanan alekot Uis Nenog. ⁹ Ne Mikhael, on anakaf ahaket nenog tunan, lekug le in maban nok nitug noi ne Musa in panbuat, in kan malule he napoitan aguab aleut noin, mes in napoitan aguab nak "Uis Nenog naik nato'an ko" ¹⁰ Mes on nan, le asekeb in kan palsai fa sa-sa le sin ka nahinel fa, le sin nahinel an natuin anoni, on le mu'it le kan mu'if lolef tenab. natuin mo'et-mo'et of naleun sin. ¹¹ Aktulas noi sin, sin natuin ne Kain in lalan amle'ut, ma naen natuin mo'et ne Bileam, ma na natuin ne Korah in mo'et. ¹² sin on le mapasu noi ekut manekan, le neku nok ki kan mu'i fa lasi mtaus, mes in natenab noi in aon. sin onle nopel le kan neki ulan, fun anin an fu naa'ep pem nemam an fan. sin on le haug-haug le kan nafua nbi in lekug he nafua, an mate haef nug, naun nanij nok nani in abaan. ¹³ sin on le tasij in pesan amaunut, sin nan hakamu'i kuk sin aoken. sin on le mu'it an nao naklok, noi in aon mesi'okan abal-balat naloitan no neh. ¹⁴ On tuaf fen i ne Henokh, on ekel hit nako ne Adam, hanaf ahunut naton nak, "mail mit Usi nemeh nok in to knino sin nifun-nifun, ¹⁵ He nanaob lasi fekat noi esam-es in mo'et, ma an Hukum tuaf-tuaf le ka apalsait ten noi le sin mo'et amle'ut ten nok le tuaf-tuaf ka apalsait sin aguab amle'ut noi Uis Nenog." ¹⁶ Sin esa le nane tuaf-tuaf a sakoit, an etu tuaf fe in sanat, nok natuin lomit ten, naguab anaek kan nes, nok naminab nekaf he napeni sa. Amnauba nok Fainekat ¹⁷ Benu bia amanekat, hi he mitenab mifani le Usif Yesus Kristus in amneki hanaf fen natonel. ¹⁸ Sin naton ne len noi kit nak "Nbi neno amsoput, lof an mu'i tuaf-tuaf amoet le nem naguab ben natuin sin lomit amle'ut ten. ¹⁹ Sin esa le nan es an mo'e tuaf he nabat tin, ma natuin lomit amleut pahapinan, sin lof kan mu'if Asmak Knino. ²⁰ Mes on nan, au benu bia amanekat, mufenab ho aom me nai nbi lasi palsait knino ma am onen nbi asmanak knino. ²¹ Munaeb ho aom nek palsait nbi manekan Uis Nenog ma am pao tetus nako hit Usi, ne Yesus Kristus, le an bab kit noi monit abal-balat. ²² Muteb nek mahoet noi sin le an neka koko, ²³ Ho hem sik man tua teta naki aij. noi tuaf ateta, muklila ho manekam nok lasim mntaus, nok naik am toh sin bale paken le an toman lomit aleut pahapinan. Musaeb pules noi Uis Nenog ²⁴ Noi In, le a mu'i kuasat he an panat ko he naikam mov ma natam ko nbi In matan KEMULIAAN nok aomina nok malinat anaek. ²⁵ Natuin Uis Nenog, on ahuku honis pahapinan, natom bon nbi Ne Yesus Kristus, hit Usi, kemuliaan, anaeba, be'if matani, nok kuasat nbi lekug tabug: palmenug, lekug i, talan te naba-bal. Amin.