¹ Usif-usif, am moele hi atel sin nok amenot ma namnes natuin hi mihin bahwa himsa at ammui Usif et nenog tunan. Sa-sa le He ma naoba. ² Mimep ambi onen, nok ampa-pao ma am toti syukur. ³ Am onen kaimsa he nati Usnenog nasoitan nesug noi aan he nati hai nabei mikua Kristus In lasi kolo,le natuin nane te au tam paan. ⁴ Am onen kau he nabei au uteba nok jelas lo ona le mele he au uguab. ⁵ Mihakebom mok bijaksana noi tuaf-tuaf kotij ampakele menuane nok lek-lek. ⁶ maut he hi guabe nahenu piut nok manekan, anfukal nok masi, henati hi mihin onmele mitae ale tuaf nok amneot. Hosen nako nai Paulus ma Tuaf-Tuaf Le Nabua noknel. ⁷ Nai Tikhikus lof anpeoki ale benog anmatom nokkau. In lo hit benu amanekan anbi lasi palsait, ameput amakoet,ma benu ameput anbi Usnenog. ⁸ Au leluge noikij nok salit hi hi mihine hai keadaan ma he bei in hatani ki nekmen. ⁹ In lof neti nok nai Onisemus,hit benu amanekat amkoet ambi lasi palsait, in tuafes noko hitnanmen. Sin lof naton noiki ale sa-sa le anjalinbi i' ¹⁰ Au bia enbi paan, Na Aristarkus, ansonu hosen noiki, nai Markus samsa, Nai Barnabas in keponakan, le natuin in himsimo milali lulut; amsimog neog in nem noikij. ¹¹ Han Hosenansa noko nai Yesus, le noennet nak nai Yustus.Nako ale au biaen anbi mepug noi Plenat Usnenog, alsin le ije noko pukan atoni maheli, ma sin anjali fuli nekaf noikau. ¹² Nai Ephafras, hi benu anbi lasi palsait, atel Kristus Yesus,ma ansonu han Hosen noiki. In an onen piut -piut natuin hi he nati nabei him hakem miki nok nek aplsai mahenu anbi ale Usnenog In alomin. ¹³ Nabei au etunki on mele in napeni hamuit namfau noiki ma noi sin abit Laodekia ma Hierapolis. ¹⁴ Nai Lukas , lotel amanekat, ansonu han Hosen noiki. ¹⁵ Miteba Au han Hosen ale bae-benu anbi palsai abit Laodekia, ma noi Nimfa ma to Slanit abit In umel. ¹⁶ Leka antae nalali sulat ije noiki, am taelemsa noi to slani Laodekia. Anfani ona nane te,amtae sulat noi toslanit Laodekia. ¹⁷ Mitonan nai Arkhipus, "Mail lek-leko he himilali tugas mepug le himsimo milalije leh nako Usif" ¹⁸ Au, Paulus, alul han Hosenat ije eki au nimak kuk.Mimnau au konelit. Athoes Uis nenog nokan ki.