¹ Nako Paulus, mafefa Yesus Kristus le mabeti on lomit Abal-balat anmam nok manta'en monit le antam Yesus Kristus. ² Natuin Timotius, anah le an nek. Tetus, ma manek, nok halan aomina nako Abal-balat, Amaf, ma ne Yesus Kristus, hit Usif. ³ Au pules Usnenog, au naob mepug nok nek muti on mo'et ahunut, lekug au umnau ho onen-onen ani manas ma anbi faij. ⁴ Tabug ij au umnau ho matnug, au lom mi he ail kog nahenu nok au amlilet. ⁵ Au umnau baki' nok he nek palsait nok amtisit, palmenug le ho mon onle hit inbaba bi Lois, ma in inaf bi Eunike, ma au palsai noi au monit anbi hom sa'. ⁶ Nak ona, au namnauba ko mes mengorbankan amnitas Usnenog le anbi ho aom natuin inanko inaniman noi kaug. ⁷ Nak ona, Usnenog kan fefa noi kit asman amle'ut, a'lan fek kit asmanak abe'it, manekan, nok nek athoes. ⁸ Anjal, naik mumaebom hem saksi' noi hit Usnenog ai noi au anbi pa'an. Nak ona, noi kuasat Usnenog mituin mibaunom noi Benog Alekot. ⁹ In esan soi noi kit In no'en ko' nok amno'en amneot, ka nok fa hit mo'et al hofnekan nok athoes anmes natuin le In fe noi kit anbi ne Yesus Kristus ka fe' pahpinan kan mu'i. ¹⁰ Lekug ij, mo'et ij anjal antom amneman Nabal-bal noi kit Yesus Kristus le anose amates ma in neki monit noi Beno Alekot Nabal-bal. ¹¹ Onle Beno Alekot ij, au anlek' kaug on au tuthaes, haefen, ma kulug. ¹² nak ona, au unu'ok onle lekug ij. Mes au ka nek moe fun au u'hin noi sekon he au palsai ma au palsai ma in lut inpao sa' le in palsaij noiu ko' lekok nenog nanen te. ¹³ heke nain anoni-anoni aomina le him nen nako kaug anbi ho palsait le anfokog noi ne Yesus Kristus. ¹⁴ Noi Asmanaknino natua' anbi hit nekak nanan, paok nok alekot amau le ma'upa le anpalsai noi ko'. ¹⁵ Him hin sa' le anjal ok-oke le anbi Asia anbailog ma anfani kot nako ko, anbi hit tatnanak ne Figelus nok nai Hermogenes. ¹⁶ Lekak Usnenog anfeko palsaitnok ne amno'ut noui sin umel nanan Onesiforus nak ona in namlil ma naleko kog ma ka nok fa nekmaet ma ka nok fa mabetis le anbi pa'an. ¹⁷ Nafani on le anbi Roma, In nok nek makoet an etuk kaug ma naeku nok kaug. ¹⁸ Lekak Usnenog an nanoni ne'eku nok nek amno'ut nako Usnenog nok nenog na, him hine mes inan faun faug le ho mepug tuthaes anfe noi kaug anbi Efesus.