1
Nako anakaf aslanit, mabeti noi inaf ma noi anhen, le nek au nis ki an bi lalan amneot, ma ka nako aum sa, mes nane tuaf namfau nahine lasiJ amneot,
2
Natuin lasij amneot le nabala anbi kit ma lof nabua nok kit nabalbal.
3
Tetus, lasij manekat, halan nekaf nako Amaf Usifnenog ma nako Usif Yesus Kristus, neno anan naneom na hafon kit anbi lasij amneot ma lasif manekat.
4
Au um lil usekseke'ko na tuin hai mihin nok anah-anah fauk-fauk an monin bi lasi amneot, on le aplenat le hit simguel nako Amaf Uis Nenog.
5
Nako i au toti noi ko inaf, kankelkel au lul aplen feuk, mes aplenat le him mipenjelen nako ahunut, he nat hit at manek es nok es.
6
Nok, ije manekan, natuin hit tatmon natuin aplenat-aplenat nako In. In naplenat nane, on le him nenel nako palmenuk he nat him moni bi in nanan.
7
Fun, namfau atuab hen poi noi pahapinan, sin kan palsai fa Yesus on Kristus le nem on humaf mansian. Sin on le atuab nok musug Kristus.
8
Ampantom he hi naik mineku sa le hit mabguel, na tuin on simo upaf namtis nam no.
9
Noi tuaf le an naon poi in kan nabalbon anoni Kristus, in kan muif Uis Nenog. Mes on nane, sekog le nabalbon an bianoni nan in mui, nako Amaf ma nok Anah.
10
Kalu an muif tuaf nem noi ko ma ka neki fa anoni ij, naikam simok nen tam noi ho umel nanan ma naikam fen han amaut sa'sa.
11
Na tuin, sekog le in senu in, in naiti upaf an bi mepuk ambeut tuaf nane.
12
Nam fau lasi le au lomi he lul kij noi ki, mes au ka lomi he unaob an boni sulat nok alulat. Natuin, au uf nekan au um oi ko, nok he au uguab ok ko at ma ail humaf nok humaf he na nahenu nok lasij amlilet.
13
Anah-anah nako ho fetof le mabeti nateb ham amnaut noi ko.