¹ Oras, latu basar Agustus lope parentah mati sekenu mana mansia lalaina. ² henei, sensus pakamina ria matir loi irenius una gubernur he siria . ³ manuei ilata lepaso ria mansia welau lia kota matilina panus matir nalana . ⁴ yusup kene ilu nazaret, kota galilea. la mati tujuan ke yehuda, daud nawala inalana betlehem, matima keturunan hilu daud. ⁵ yusup la tunangan maria mati kene palaloi lalu mati anucu matir nalanu maria natia ila. ⁶ matir lai betlehem, maria liana. ⁷ maria liana manenana undana maria manentumalu latapi mati tue. ⁸ Talou hilu wala Yesus liana,gembala matir na penjaga domba sakawang lupito lapangan halalenu. ⁹ Hatalia unanei Tuhan na malekat masa'a lai kamati. Tuhan nakalela par dong koliling lalaina. nalamati hatalia. ¹⁰ Malekat heten kamati ''naka imin tau! au lai lope brita,brita ina una ,mansia hutua tele. ¹¹ Pito hene konana masa'a koe liana Daud nawala, kota nanalana Betlehem. konanama lope iana ka mansia-mansia manenana loi maka una ianu ka salamate Kristus Tuhan . ¹² Lali, ime ari konankoe routa louna latapi. manen pilo hewala nawala pung tampa. imi ruenu lepama ilia pitahi. ¹³ Hatali unanei. mati ari malekat lai henu matilai palaloi la malekat nikou. mati manyanyi puji Tuhan unanei. ¹⁴ Somba lete Allah lai sorga manue uraia la mansia hutua sanange. ¹⁵ Malekat-malekat hali peluke ka sorga, mansia lali domba mati hetenu lia mati, ite ene ari konana rou-rou ka Betlehem, palampa la Tuhan la malekat hetenu lia ite. ¹⁶ Mati ene laina rewawala. mati lai, mati ruku Maria ,Yusuf, lakohena rou-rou. anaima manese tilo wala anta binatang piara wala anuta. ¹⁷ Mati aria kohonana rou-rou ma mati ilalepata malekat hetenu par mansia heinu di wala kohona koemang. ¹⁸ Mansia lia wama mati herane. ¹⁹ Maria peu hutua mane panene mae. ²⁰ Mansia selali domba mati hali peluke. mati somba Allah, mati panene la mati ari.palampa malekat hetenu lia mati. ²¹ Pitoma Yesus na umur nusu ria walu tahunu maneina la mampapa una ria mansunate. mati lope nalana ria mane manalana ria yesus palampa ria malekat hetenu pitoma malekat hetenu ria Maria tau hamil salah. ²² Pitoma Maria atilina, mane la Yusuf kene di Yerusalem. mati ene li Tuhan nawala sombayang matu una papea mati sama la Tuhan palampa Musa seruli li mang kitabe Maria kene la Yesus la hue. mati lope mane ria Tuhan. ²³ Allah na serbuk taurat ilepa unanei. konana undana ria mati lai kamina aku na mansia. matina makan tua mati lope mati ria Tuhan. ²⁴ Mati lope hulunu tekukur maslua. katahi, mati lope hulunu pombu maslua ria Tuhan nawala sombayang palampa na serbuk taurat palampa Musa ruli. ²⁵ Pitoma li Yerusalem, pitoma .mansia ma manana Simong manema malekat la Tuhan mangkene la Tuhan mae. manema manselali Tuhan na janji ria mane, Tuhan lai pisa Israel lalaina. manue na roh kudus li mansiana hutua. ²⁶ Manue na roh kudus kakisa hetenu ria mane tabisa lope matalali awari mane baru au mata manuese tanauna lope salamate ria mansia. ²⁷ Pitoma, Simeon manekene liawala Tuhan nawala sombayang Tuhan na roh kudus hetenu ria mane, pitoma Yusuf la matiai Yesus nusu li luma Allah. mati lope Yesus li Tuhan nawala sombayang mati leka serbuk torat yang Musa seruli. ²⁸ Simeon tana ana ima la ma lepa somba Allah. ²⁹ Tuhan, hetenu ria au, ise papeae. manue sekolou au ria welauwe akuana au tua seiae. ³⁰ Tuhan su pese lope salamate ria mansia, au sepanene mane la akuna mata isinu kakisa. ³¹ Tuhan kakisa lope mane ria mansia li duniai. ³² mane i lope tarang ria mansia Yahudi la mati palampa pada marang una tarane ria mati. la mansia lope hormate ria unate Israel. Israel na Tuhan na mansia. ³³ Yusuf la Maria mati herane ria Simeon hetenu ria Yesus. ³⁴ Pitoma, Simeon mane hetenu ria Tuhan Yesus lope berkat ria ite mastilu. mane hetenu ria Maria, konanankoe, Tuhan sepakeu mane. nalamase se ilata, mane lope mulu la angkate umate israel . lali mane hetenu ria mansia, mansia se lawane laha mane siu. ³⁵ Mansia lalawane ria mane, mansia rupu pikirane ia na pikirane ia anena hutua ama, taia, palampa mansia hunu latulia mou ³⁶ Li walama urpainu masa mansetuae. mane nalana Hana. manei Fanuel nanana, Fanuel ma suku Asyer na upu. hana manema manese kawenu la hue. manena umure taong siwa manena kawenu mata.hanama, Allah juru la lepata ria mane. ³⁷ Yang ada orase, manese rupu janda e. manse umuru walo ati taonge. mane surue la Tuhan nawala sombayang nanala mae pito-pito manglali liawalama mani sombayang ria Tuhan. manema mane kuasa la hue. ³⁸ Hana mane setue li Yesus nawala manehetenu ria Allah. manehetenu ria mansia li wala mansia selali-lali lali nanila Tuhan lope ria Yerusalem bebs. ³⁹ Pitoma Maria la Yusuf mati peseu posia leka Allah na aturan Allah na serbuk taorat ria Musa seruli, mati hali peluke ria matir na kota, Nazaret. provinsi Galilea. ⁴⁰ Kohonana koelema, mane lete hilo mane se latiala la kuate. mane se mangarti, Allah na berkat ilata ria mane. ⁴¹ Pitoma, Yesus la mampapa la manenaina mati kene li Yerusalem mati leka maka mansia Yahudi unina ilata anu paskah. ⁴² Pitoma ria Yesus mang umure use lua tahunu, manue kene li Yerusalem laha manena papa la manena ina mati leka undana ilata ria mati reka pitoma ria tahunu. ⁴³ Nala posia undina ilata, mai halipeluke pitoma mati rana tau mati tatuenu ria Yesus manese tue li Yerusalem. ⁴⁴ Pitoma mati hetenu manese tue la mansia-mansia pitoma mane ina la mane papa mati rana pau nalarina musuh elanu. mati ari tahi yesus ee . mati ene akunia li mangsudarai la mangtamang-tamang . ⁴⁵ Matita rupu Yesus mana . mati halipeluke li yerusalem ria mati rewamane peluke . ⁴⁶ Mati rewa nalapito tilu, la mati rupu Yesus maka Yahudi mati nawala li sombayang nawala pusa. manese rolanu la maka ahli tourat mati herane ria matise akunia-akunia. ⁴⁷ mansia matima mati serolanu, mati herane sae lohari manei mangpintare yesus hetenu ria mati. ⁴⁸ Maka yesus na maka antua mati arima, mati herane. la maneina hetenu, anai ! yanaka ane una ite unanei ? au la ane papa hutua taia ria iterewa ane. ⁴⁹ Mane hetenu, unapa ina la papa rewa au ? ina lapapa imi tau pitahi, aui, au rue li akupapa na luma ? ⁵⁰ Maneina la manepapa mati tauenu sesi ria manghetenu ma. ⁵¹ Pitoma,Yesus manghali peluke kene li Nazaret. mane patauta ria mane papa la mane ina. mane ina palali parkara li hutua. ⁵² Yesus liti hilu heinu. Allah la mansia mati sanange la mane.